ຫວຽດນາມໄດ້ມີການປະກອບສ່ວນສຳຄັນ ໃຫ້ແກ່ຜົນສຳເລັດຂອງກອງປະຊຸມ ...
(ພາບ: TTXVN)
ຄໍ່າຄືນວັນທີ່ 19 ພະຈິກ, ທ່ານນາຍົກໆ ຫງວຽນເຕີນຢຸງ ພ້ອມດ້ວຍພັນລະຍາ ກັບຄະນະຜູ້ແທນ ຫວຽດນາມ ໄດ້ກັບເມືອຮອດ ຮ່າໂນ້ຍ, ສິ້ນສຸດການເຂົ້າຮ່ວມກອງປະຊຸມສຸດຍອດ ອາຊຽນ 19 ແລະ ບັນດາກອງປະຊຸມສຸດຍອດທີ່ກ່ຽວຂ້ອງເຊິ່ງຈັດຂື້ນຢູ່ ບາລີ, ອິນໂດເນເຊຍ ຢ່າງຈົບງາມ. ດ້ວຍຈິດໃຈ “ ເປັນເຈົ້າການ, ຕັ້ງໜ້າ ແລະ ມີຄວາມຮັບຜິດຊອບ”, ຄະນະຜູ້ແທນ ຫວຽດນາມ ໂດຍທ່ານນາຍົກໆ ຫງວຽນເຕີນຢຸງ ນຳໜ້າ ໄດ້ມີການປະກອບສ່ວນທີ່ສຳຄັນ, ຕັ້ງໜ້າເຂົ້າໃນຜົນສຳເລັດລວມຂອງກອງປະຊຸມ. ກ່ຽວກັບໝາກຜົນຂອງກອງປະຊຸມສຸດຍອດອາຊຽນ 19 ແລະ ບັນດາກອງປະຊຸມສຸດຍອດທີ່ກ່ຽວຂ້ອງກໍ່ຄືການປະກອບສ່ວນຕ່າງໆຂອງຄະນະຜູ້ແທນ ຫວຽດນາມ ຢູ່ກອງປະຊຸມຄັ້ງນີ້, ທ່ານ ຟ້າມບິງມິງ ລັດຖະມົນຕີກະຊວງການຕ່າງປະເທດໃຫ້ຮູ້ວ່າ.
“ ການປະກອບສ່ວນຂອງພວກເຮົາລວມມີບັນດາຂົງເຂດ. ຈາກການປະກອບສ່ວນກ່ຽວກັບບັນຫາເຮັດແນວໃດເພື່ອເຊື່ອມຕໍ່, ເຊື່ອມຈອດພາຍໃນພາກພື້ນ, ການພັດທະນາຂອງ ອານຸພາກພື້ນແມ່ນນ້ຳຂອງ ຕະຫຼອດຮອດບັນດາຂົງເຂດ ຄວາມສະຫງົບປອດໄພ, ການເມືອງ ແລະ ພິເສດພວກເຮົາເຂົ້າຮ່ວມປະກອບສ່ວນສ້າງຖະແຫຼງການ ບາລີ ກ່ຽວກັບປະຊາຄົມອາຊຽນ ໃນ ປະຊາຄົມສາກົນຂອງບັນດາປະຊາຊາດ ກໍ່ຄືຖະແຫຼງການຮ່ວມຂອງອາຊຽນກັບຄູ່ເຈລະຈາຕ່າງໆ. ທີ່ 2 ແມ່ນພວກເຮົາປະກອບສ່ວນເຂົ້າໃນບັນຫາທະເລຕາເວັນອອກ. ນອກຈາກນັ້ນ, ພວກເຮົາຍັງເຂົ້າຮ່ວມເລື່ອງສ້າງຄວາມເຫັນດີເຫັນພ້ອມນຳໃຊ້ແຫຼ່ງນ້ຳແມ່ນນ້ຳຂອງຢ່າງໝັ້ນຄົງ. ທີ່ 3 ແມ່ນພວກເຮົາໄດ້ປະກອບສ່ວນເຂົ້າໃນການເພີ່ມທະວີຄູ່ຮ່ວມມືຍຸດທະສາດລະຫວ່າງ ອາຊຽນ ແລະ ຈີນ ”.