ທ່ານ ດັ້ງດີງກູຍ ຫົວຫນ້າຄະນະຜູ້ຕາງຫນ້າຫວຽດນາມ ຢູ່ ສປຊ.

ຫວຽດນາມ ສືບຕໍ່ປະສົບຜົນສຳເລັດໃນຖານະເປັນປະທານສະພາຄວາມໝັ້ນຄົງ ສປຊ ໃນເດືອນ ເມສາ ປີ 2021. ນີ້ແມ່ນຄັ້ງທີ 2 ຫວຽດນາມ ຮັບບົດບາດນີ້ໃນອາຍຸການ ກຳມະການບໍ່ຖາວອນຂອງສະພາຄວາມໝັ້ນຄົງ ໃນໄລຍະ 2 ປີຄື: 2020- 2021. ບັນດາຂໍ້ລິເລີ່ມ ຊື່ງຫວຽດນາມຍົກອອກມາ ລ້ວນແຕ່ໄດ້ຮັບການຕີລາຄາສູງຈາກຫລາຍປະເທດ. ເນື່ອງໃນໂອກາດສິ້ນສຸດເດືອນປະທານສະພາຄວາມໝັ້ນຄົງ ຂອງຫວຽດນາມ, ຟ້າມຮວັນ ນັກຂ່າວ VOV ປະຈຳ ອາເມລິກາ ໄດ້ມີການສຳພາດ ທ່ານ ດັ້ງດີງກູຍ ຫົວຫນ້າຄະນະຜູ້ຕາງຫນ້າຫວຽດນາມ ຢູ່ ສປຊ.

ທ່ານດັ້ງດີງກູຍ ໃຫ້ຮູ້ວ່າ: ຫລາຍປະເທດຕີລາຄາວ່າ ເດືອນທີ່ຫວຽດນາມ ຮັບຫນ້າທີ່ເປັນປະທານນັ້ນ ແມ່ນປະສົບຜົນສຳເລັດ ຍ້ອນວ່າ ຫວຽດນາມ ຕອບສະຫນອງໄດ້ຄວາມມຸ່ງຫວັງຂອງເຂົາເຈົ້າ ນັ້ນແມ່ນ ນຳເອົາເນື້ອໃນຂອງສະພາຄວາມໝັ້ນຄົງ ມາປຶກສາຫາລືຢ່າງມີຄຸນນະພາບເຂົ້າໃນການແກ້ໄຂບັນດາບັນຫາໃນໂລກ, ແກ້ໄຂບັນດາບັນຫາເກີດຂຶ້ນຢ່າງທັນການ.

“ ຫວຽດນາມ ກໍ່ໄດ້ຍົກອອກບັນດາບັນຫາຊື່ງດົນແລ້ວ ສະພາຄວາມໝັ້ນຄົງບໍ່ນຳມາປຶກສາຫາລື, ບໍ່ສົນໃຈປານໃດ ແຕ່ແມ່ນບັນຫາຫລັກປະຈຸບັນ ຄື: ລູກລະເບີດໝາກມິນ, ການຮ່ວມມືລະຫວ່າງ ສປຊ ກັບບັນດາອົງການຂອງພາກພື້ນ, ປົກປັກຮັກສາພື້ນຖານໂຄງລ່າງທີ່ຈຳເປັນສຳລັບຊີວິດຂອງສາມັນຊົນຢູ່ບັນດາເຂດເກີດການປະທະກັນ. ສາກົນຕີລາຄາສູງ ແລະ ຫວຽດນາມໄດ້ເປີດກາລະໂອກາດໃຫ້ຫລາຍເປົ້າໝາຍຢູ່ ສປຊ ເຂົ້າຮ່ວມ.”