(vovworld) – ອະນຸສັນຍາເພີ່ມເຕີມສົນທິສັນຍາກ່ຽວກັບສິດຂອງເດັກ, ທີ່ສະມັດຊາໃຫຍ່ ສປຊ ໄດ້ຮັບຮອງເອົາເມື່ອທ້າຍປີ 2011, ເລີ່ມມີຜົນສັກສິດ. ຕາມຂໍ້ກຳນົດຂອງອະນຸສັນຍາດັ່ງກ່າວແລ້ວ, ນັບແຕ່ນີ້ເປັນຕົ້ນໄປ, ເມື່ອບັນດາສິດຂອງຕົນຖືກລະເມີດ ເດັກນ້ອຍທີ່ດຳລົງຊີວິດຢູ່ທຸກໆບ່ອນໃນໂລກລ້ວນແຕ່ມີສິດກ່າວໂທດເຖິງ ສປຊ. ນີ້ໄດ້ຮັບຖືວ່າ: ແມ່ນສັງກາດໃໝ່ໃນຂົງເຂດປົກປ້ອງສິດຂອງເດັກໃນທົ່ວໂລກ. ເອກະສານນີ້ໄດ້ສ້າງບັນດາຄວາມສາມາດ ແລະ ເງື່ອນໄຂອຳນວຍຄວາມສະດວກທີ່ສຸດເພື່ອໃຫ້ເດັກນ້ອຍກ່າວໂທດຂຶ້ນເຖິງຄະນະກຳມະການກ່ຽວກັບສິດຂອງເດັກ ຂອງ ສປຊ ບັນດາການກະທຳລະເມີດສິດຂອງຕົນຢູ່ທຸກໆປະເທດທີ່ໄດ້ເຊັນສົນທິສັນຍາ. ບັນດາການລະເມີດສິດຂອງເດັກສ່ວນຫຼາຍແມ່ນກ່ຽວຂ້ອງເຖິງການຄ້າຂາຍ, ການສວຍໃຊ້ທາງເພດ, ເຜີຍແຜ່ຮູບພາບ, ໜັງສືພິມກະຕຸກກາມມະລົມເດັກ, ລະເມີດສິດໄດ້ຫຼ້າຫຼີ້ນ, ຮຳ່ຮຽນ, ບັງຄັບເດັກນ້ອຍຕ້ອງອອກແຮງງານຫາເງິນລ້ຽງຊີບ, ຫຼືເຂົ້າຮ່ວມການປະທະກັນ, ສົງຄາມຄັ້ງຕ່າງໆ.