(vovworld) – ວັນທີ 29/10, ທະນາຄານສູນກາງ ອາເມລິກາ ຕົກລົງຢຸດຕິບ້ວງໜູນຊ່ວຍທັງໝົດ ແຕ່ຍັງຄົງຮັກສາອັດຕາອັດຕາດອກເບ້ຍຕ່ຳເພື່ອສົ່ງເສີມການລົງທຶນ ແລະ ສິນເຊື່ອ. ແຈ້ງການຂອງຄະນະກຳມະການຕະຫຼາດເປີດສະຫະລັດ (FOMC) ໃຫ້ຮູ້ວ່າ: ພາຍຫຼັງການປະຊຸມປະຈຳໄລຍະເປັນເວລາ 2 ວັນ, ທະນາຄານສະສົມສະຫະລັດ (FED) ຕົກລົງຢຸດຕິໂຄງການໜູນຊ່ວຍ (QE) ທົງໝົດທີ່ໄດ້ປະຕິບັດນັບແຕ່ເດືອນ 11/2008 ເພື່ອແນໃສ່ຊ່ວຍພື້ນຖານເສດຖະກິດ ອາເມລິກາ ຜ່ານຜ່າວິກິດການ 2007 – 2009. ດ້ວຍ 3 ບ້ວງເງິນໜູນຊ່ວຍ, ໃນເວລາ 6 ປີຜ່ານມາ FED ໄດ້ໃຊ້ເງິນ 4.400 ຕື້ USD ເພື່ອຊື້ພັນທະບັດໄລຍະຍາວທີ່ກ່ຽວຂ້ອງເຖິງການຄ້ຳປະກັນແນໃສ່ຮັກສາອັດຕາດອກເບ້ຍພື້ນຖານຢູ່ໃນລະດັບຕ່ຳ, ຜ່ານນັ້ນສົ່ງເສີມການລົງທຶນ, ສິນເຊື່ອ ແລະ ຊ່ວຍຊຸກຍູ້ທ່າຟື້ນຟູເສດຖະກິດ.