( vovworld ) – ຕອນບ່າຍວັນທີ 16/5, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີຫວຽດນາມ Nguyen Xuan Phuc ໄດ້ໃຫ້ການຕ້ອນຮັບຄະນະຜູ້ແທນຜູ້ມີຄຸນງາມຄວາມດີຕໍ່ການປະຕິວັດເມືອງຟອງດຽນ, ແຂວງ ເທື່ອທຽນເຫວ້ ເນື່ອງໃນໂອກາດຄະນະມາຢ້ຽມຢາມນະຄອນຫຼວງຮ່າໂນ້ຍ ແລະ ເຂົ້າຢ້ຽມຂໍ່ານັບສຸສານລຸງໂຮ່. ທ່ານຮອງນາຍົກລັດຖະມົນຕີ Nguyen Xuan Phuc ຢືນຢັນວ່າ; ຢາມໃດ ພັກ ແລະ ລັດ ກໍຕີລາຄາສູງ ແລະ ຮູ້ບຸນຄຸນຕໍ່ການເສຍສະຫຼະຊີວິດ, ການປະກອບສ່ວນຂອງບັນດານັກຮົບທີ່ເສຍສະຫຼະຊີວິດເພື່ອຊາດ, ທະຫານເສຍອົງຄະ, ບັນດານັກຮົບເກົ່າ, ຜູ້ມີຄຸນງາມຄວາມດີຕໍ່ການປະຕິວັດທີ່ມີຕໍ່ພາລະກິດຕໍ່ສູ້ຍາດເອົາເອກະລາດເສລີພາບມາໃຫ້ແກ່ປະເທດຊາດ. ຍາມໃດພັກ ແລະ ລັດ ກໍເອົາໃຈໃສ່ເບິ່ງແຍງ, ສ້າງເງື່ອນໄຂສະດວກທີ່ສຸດເພື່ອຍົກສູງຊີວິດດ້ານວັດຖຸ ແລະ ຈິດໃຈໃຫ້ແກ່ບັນດາຄອບຄົວນະໂຍບາຍ, ຜູ້ມີຄຸນງານຄວາມດີຕໍ່ການປະຕິວັດ. ທ່ານຮອງນາຍົກລັດຖະມົນຕີ Nguyen Xuan Phuc ກໍປາດຖະໜາວ່າ ບັນດາຜູ້ແທນຜູ້ມີຄຸນງານຄວາມດີເມືອງຟອງດຽນ, ແຂວງ ເທື່ອທຽນເຫວ້ ສືບຕໍ່ແມ່ນແບບຢ່າງທີ່ດີເດັ່ນ, ເຂົ້າຮ່ວມຂະບວນການຕ່າງໆທ້ອງຖິ່ນຢ່າງຕັ້ງໜ້າ, ມານະພະຍາຍາມບືນຕົວຂຶ້ນພັດທະນາເສດຖະກິດຄອບຄົວ, ສຶກສາລູກຫຼານຮໍ່າຮຽນ, ອອກແຮງງານໃຫ້ດີ, ປະກອບສ່ວນກໍ່ສ້າງບ້ານເກີດເມືອງນອນ ເຮັດໃຫ້ປະເທດຊາດນັບມື້ນັບຮັ່ງມີເຂັ້ມແຂງ.