(ພາບປະກອບ)

ຜະລິດຕະພັນໃໝ່ຫຼາຍຢ່າງກ່ຽວກັບວັດສະດຸກໍ່ສ້າງ, ເຄື່ອງຕົກແຕ່ງພາຍໃນພາຍນອກຈະໄດ້ນຳມາວາງສະແດງ, ແນະນຳຢູ່ງານວາງສະແດງສິນຄ້າສາກົນ VIETBUILD ດາໜັງ 2018 ຈະດຳເນີນໃນລະຫວ່າງວັນທີ 21 ຫາວັນທີ 25 ເມສານີ້ ທີ່ນະຄອນດາໜັງ ທາງພາກກາງຫວຽດນາມ. ງານວາງສະແດງໄດ້ດຶງດູດຮ້ານວາງຂາຍສິນຄ້າເກືອບ 1000 ຮ້ານຂອງກວ່າ 300 ຫົວໜ່ວຍ, ວິສາຫະກິດທັງພາຍໃນ ແລະ ຕ່າງປະເທດເຂົ້າຮ່ວມ. ໃນນັ້ນ, ມີ 54 ວິສາຫະກິດ ແລະກຸ່ມບໍລິສັດມາຈາກຕ່າງປະເທດ. ງານວາງສະແດງສິນຄ້າ VIETBUILD ດາໜັງ 2018 ແມ່ນຈຸດນັດພົບຂອງບັນດາວິສາຫະກິດກ່ຽວກັບວັດສະດຸກໍ່ສ້າງ ເພື່ອວາງສະແດງຜະລິດຕະພັນໃໝ່, ອັນໄດ້ສ້າງກາລະໂອກາດເພື່ອໃຫ້ບັນດາວິສາຫະກິດໄດ້ພົບປະ, ຖ່າຍທອດວິທະຍາສາດເຕັກໂນໂລຢີ, ແລກປ່ຽນບົດຮຽນ ແລະ ຮ່ວມມືລົງທຶນ. ນະທີ່ນີ້, ວິສາຫະກິດຈະແນະນຳຜະລິດຕະພັນໃໝ່ຫຼາຍຢ່າງກ່ຽວກັບວັດສະດຸກໍ່ສ້າງ ແລະ ເຄື່ອງຕົກແຕ່ງພາຍໃນຄື: ເຫຼັກກ້າ, ດິນຈີ່, ດິນຂໍ, ແກ້ວ, ເຄື່ອງໄຟຟ້າ, ນ້ຳສີກັນຊຸມປຽກ, ອຸປະກອນຕ້ານອັກຄີໄພ ແລະ ກັນລັກຂະໂມຍ.