ທ່ານເລຂາທິການໃຫຍ່ ຫງວຽນຟູ໋ຈ້ອງ ເຮັດວຽກຢູ່ແຂວງ ລາຍເຈົາ
(vovworld) – ໃນລະຫວ່າງວັນທີ 14 – 15/7, ທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ລາຍເຈົາ.
ຕອນເຊົ້າວັນທີ 15/7, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ເຮັດວຽກກັບຄະນະປະຈຳການຄະນະພັກແຂວງ ແລະ ພະນັກງານຫຼັກແຫຼ່ງຂອງແຂວງ. ກ່າວຄຳເຫັນສະຫລຸບການເຮັດວຽກ, ທ່ານ ຫງວຽນຟູ໋ຈ້ອງ ຢັ້ງຢືນວ່າ: ລາຍເຈົາແມ່ນແຂວງເຂດຊາຍແດນທາງທິດຕາເວັນຕົກພາກເໜືອຂອງປະເທດຊາດ, ມີທີ່ຕັ້ງດ້ານພຸມສັນຖານການເມືອງ, ການທະຫານຍຸດທະສາດສຳຄັນ. ທ່ານເລຂາທິການໃຫຍ່ ສະແດງຄວາມປະທັບໃຈຕໍ່ການປ່ຽນໃໝ່, ຮອບດ້ານພໍສົມຄວນໃນດ້ານຕ່າງໆຂອງແຂວງລາຍເຈົາໃນຊຸມປີຜ່ານມາ. ທ່ານເລຂາທິການໃຫຍ່ ສະເໜີໃຫ້ແຂວງສືບຕໍ່ຕິດຕາມກວດກາ, ຜັນຂະຫຍາຍບັນດາໝາກຜົນຂອງມະຕິ, ຂໍ້ສະຫລຸບຂອງສູນກາງກ່ຽວກັບແຂວງລາຍເຈົາ ແລະ ເຂດຕາເວັນຕົກພາກເໜືອ, ບັນດາໂຄງການ, ແຜນຮ່າງຜັນຂະຫຍາຍມະຕິກອງປະຊຸມໃຫຍ່ຄັ້ງທີ 12 ຂອງພັກ ແລະ ມະຕິກອງປະຊຸມໃຫຍ່ຂອງຄະນະພັກແຂວງ ເພື່ອພັດທະນາຮອບດ້ານ, ຍືນຍົງ:
“ພັດທະນາ, ກ້າວຂຶ້ນຈາກການຜະລິດກະສິກຳ, ປ່າໄມ້ ຕາມທິດຫັນເປັນອຸດສາຫະກຳ, ທັນສະໄໝ, ລະດັບສູງ, ຄຸນນະພາບສູງ, ຮ່ວມສຳພັນຮ່ວມມື. ທັງການພົວພັນຜະລິດ, ທັງກຳລັງຜະລິດ, ກຳນົດໃຫ້ເປັນຢ່າງດີ. ສືບຕໍ່ກໍ່ສ້າງພື້ນຖານໂຄງລ່າງ, ກໍ່ສ້າງຊົນນະບົດໃໝ່, ລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ຕັດສິນໃຈຫລຸດຜ່ອນຄວາມທຸກຍາກຢ່າງແຮງກ່ວາອີກ. ແລະກໍ່ສ້າງພື້ນຖານໂຄງລ່າງຕ້ອງຄິດໄລ່ໃຫ້ລະອຽດ, ມີປະສິດທິຜົນ. ນີ້ແມ່ນເຂດມີປະຊາຊົນບັນດາເຜົ່າອ້າຍນ້ອງ, ສາມັກຄີເປັນຢ່າງດີ, ເສີມຂະຫຍາຍມູນເຊື້ອນີ້, ແຕ່ຕ້ອງຖືເປັນສຳຄັນວຽກງານຊົນເຜົ່າ, ວຽກງານສາສະໜາ, ຕໍ່ສູ້ປ້ອງກັນ, ຕ້ານຢາເສບຕິດ.”