(VOVWORLD) - ຕອນເຊົ້າວັນທີ 21 ທັນວາ, ຢູ່ຮ່າໂນ້ຍ, ກົມໃຫຍ່ການເມືອງກອງທັບປະຊາຊົນ ຫວຽດນາມ ໄດ້ຈັດພິທີສະເຫຼີມສະຫຼອງ 80 ປີແຫ່ງວັນມູນເຊື້ອ (22/12/1944 - 22/12/2024).
 ທ່ານເລຂາທິການໃຫຍ່ ໂຕລິມ ກ່າວຄຳເຫັນທີ່ພິທີ (ພາບ: VOV) |
ກ່າວຄຳເຫັນທີ່ພິທີ, ທ່ານເລຂາທິການໃຫຍ່ ໂຕລິມ, ເລຂາຄະນະພັກການທະຫານສູນກາງ ໄດ້ຕີລາຄາສູງບົດບາດ ແລະ ການປະກອບສ່ວນຂອງລະບົບບັນດາອົງການການເມືອງ, ຖັນແຖວພະນັກງານການເມືອງ, ຜູ້ຮັບຜິດຊອບດ້ານການເມືອງໃນກອງທັບພິເສດແມ່ນບົດບາດຂອງກົມໃຫຍ່ການເມືອງ ໃນວິວັດການກໍ່ສ້າງ, ຕໍ່ສູ້, ໄຊຊະນະ ແລະ ການເຕີບໃຫຍ່ຂອງກອງທັບໃນຕະຫຼອດໄລຍະ 80 ປີຜ່ານມາ. ກ່ຽວກັບໜ້າທີ່ໃນໄລຍະຈະມາເຖິງ, ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ:
ສຸມໃສ່ເປັນເສນາທິການຊີ້ນຳຈັດຕັ້ງສຳເລັດກອງປະຊຸມໃຫຍ່ພັກທຸກຂັ້ນອາຍຸການ 2025 – 2030 ໃນກອງທັບ. ການກະກຽມຢ່າງລອບຄອບຖີ່ຖ້ວນ, ຈັດຕັ້ງສຳເລັດກອງປະຊຸມໃຫຍ່ຂອງພັກທຸກຂັ້ນອາຍຸການ 2025 – 2030 ແມ່ນໜ້າທີ່ການເມືອງຈຸດສຸມ ບໍ່ພຽງແຕ່ປະກອບສ່ວນເຂົ້າໃນຜົນສຳເລັດຂອງກອງະຊຸມໃຫຍ່ຄັ້ງທີ XIV ຂອງພັກເທົ່ານັ້ນ ຫາກຍັງແມ່ນໂອກາດບູລະນະ, ຍົກສູງຄວາມສາມາດໃນການຊີ້ນຳນຳພາຢ່າງຮອບດ້ານ, ກຳລັງຕໍ່ສູ້ຂອງອົງຄະນະພັກທຸກຂັ້ນ, ອົງການຈັດຕັ້ງຂອງພັກ ຕອບສະໜອງຄວາມຮຽກຮ້ອງຕ້ອງການ, ໜ້າທີ່ກໍ່ສ້າງກອງທັບ, ປົກປັກຮັກສາປະເທດຊາດໃນຍຸກສະໄໝໃໝ່.