ແບ່ງປັນບົດຮຽນຂອງສາກົນ ກ່ຽວກັບການຈັດຕັ້ງ, ເຄື່ອນໄຫວຂອງສະພາ ແຫ່ງຊາດ
(ພາບປະກອບ: na.gov.vn)
(vovworld)- ກອງປະຊຸມສຳມະນາດ້ວຍຫົວຂໍ້ “ການຈັດຕັ້ງ ແລະ ເຄື່ອນໄຫວຂອງສະພາແຫ່ງຊາດ-ບົດຮຽນຂອງຫວຽດນາມ ແລະ ສາກົນ“ ຖືກຈັດຂຶ້ນໃນວັນທີ 24/4 ຢູ່ນະຄອນໂຮ່ຈິມິນ ໂດຍມີການເຂົ້າຮ່ວມຂອງບັນດາຜູ້ຊ່ຽວຊານ, ຜູ້ຕາງໜ້າຂອງສະພາແຫ່ງຊາດ, ລັດຖະສະພາບັນດາປະເທດຫວຽດນາມ, ລາວ, ກຳປູເຈຍ, ມຽນມາ, ການາດາ, ຝະລັ່ງ ແລະ ເຢຍລະມັນ.
ນີ້ແມ່ນເວທີປາໄສເພື່ອໃຫ້ບັນດາ ສສຊ, ບັນດານັກວາງນະໂຍບາຍ, ຜູ້ຊ່ຽວຊານຫວຽດນາມ ແລະ ສາກົນແລກປ່ຽນ, ປຶກສາຫາລືກ່ຽວກັບວິທີການຈັດຕັ້ງ, ເຄື່ອນໄຫວຂອງບັນດາຮູບແບບສະພາແຫ່ງຊາດ, ລັດຖະສະພາໃນໂລກ. ຜ່ານນັ້ນ, ບັນດາຜູ້ແທນຫວຽດນາມ ຍົກອອກບັນດາຂໍ້ສະເໜີເພື່ອແນໃສ່ສ້າງຂໍ້ກຳນົດໃນຮ່າງກົດໝາຍ ວ່າດ້ວຍການຈັດຕັ້ງສະພາແຫ່ງຊາດ (ສະບັບປັບປຸງ) ເປັນສົມບູນແບບເພື່ອຍື່ນສະເໜີຕໍ່ສະພາແຫ່ງຊາດໃຫ້ຄຳເຫັນໃນສະໄໝປະຊຸມຄັ້ງທີ 7 ທີ່ຈະມາເຖິງນີ້. ກອງປະຊຸມສຳມະນາໄດ້ອັດລົງໃນວັນທີ 25/4./.