(vovworld) - ການສຳມະນາ ”ການພົວພັນຄູ່ຮ່ວມມືຍຸດທະສາດຫວຽດນາມ - ອິນເດຍ: ກຳນົດທິດທາງໃຫ້ອະນາຄົດ” ໄດ້ໄຂຂຶ້ນໃນຕອນເຊົ້າວັນທີ 17/7 ຢູ່ຮ່າໂນ້ຍ, ເນື່ອງໃນໂອກາດສະເຫຼີມສະຫຼອງ 40 ປີ ແຫ່ງວັນສ້າງຕັ້ງສາຍພົວພັນທາງການທູດ (1/1972 – 1/2012) ແລະ 5 ປີ ແຫ່ງວັນສ້າງຕັ້ງຄູ່ຮ່ວມມືຍຸດທະສາດຫວຽດນາມ - ອີນເດຍ (2007-2012). ກອງປະຊຸມສຳມະນາແມ່ນໂອກາດເພື່ອໃຫ້ວົງການນັກຮຽນຮູ້ຂອງສອງປະເທດ ຍົກອອກບັນດາຄຳເຫັນອັນລະອຽດ ເພື່ອແນໃສ່ພັດທະນາ ກໍ່ຄືປັບປຸງການພົວພັນຄູ່ຮ່ວມມືຍຸດສະສາດຫວຽດນາມ - ອີນເດຍ ກວ່າອີກ . ສາດສະດາຈານ Dang Dinh Quy, ອະທິການບໍດີ ສະຖາບັນການຕ່າງປະເທດ ຊີ້ແຈ້ງວ່າ:
”ສະພາບການໂລກ ແລະ ພາກພື້ນພວມມີການຫັນປ່ຽນຢ່າງວ່ອງໄວ, ແຕ່ລະປະເທດພວກເຮົາພວມຢືນຢູ່ຕໍ່ໜ້າກາລະໂອກາດ ແລະ ການທ້າທາຍໃໝ່ຫຼາຍຢ່າງ. ເພື່ອເຮັດໃຫ້ການພົວພັນລະຫວ່າງສອງປະເທດກ້າວເຂົ້າສູ່ລວງເລິກ, ພວກເຮົາຕ້ອງມີການຕີລາຄາຢ່າງພາວະວິໄສ, ວິທະຍາສາດກ່ຽວກັບໄລຍະທາງທີ່ຜ່ານມາ, ຍົກອອກບັນດາຂໍ້ລິເລີ່ມ, ບັນດາແນວຄວາມຄິດໃໝ່ໃຫ້ໄລຍະທາງຈະມາເຖິງ”.
ຕີລາຄາບົດບາດຂອງຫວຽດນາມໃນພາກພື້ນອາຊຽນ, ທ່ານເອອັກຄະລັດຖະທູດອິນເດຍປະຈຳຫວຽດນາມ Ranjit Rae ຢືນຢັນວ່າອິນເດຍຖືຫວຽດນາມແມ່ນປະເທດທີ່ສຳຄັນໃນນະໂຍບາຍມຸ້ງໄປສູ່ທິດຕາເວັນອອກ, ປາດຖະໜາຈະພ້ອມກັບຫວຽດນາມຮ່ວມມື ເພື່ອພາກພື້ນອາຊີພັດທະນາຢ່າງຂະຫຍັນຂັນເຂື່ອນ.