ການສະແດງສິລະປະທີ່ພິທີໄຂ
|
(vovworld) – ຕອນຄ່ຳວັນທີ 15/10, ຢູ່ເມືອງ ດົ່ງວັນ, ແຂວງ ຮ່າຢາງ, ຄະນະກຳມະການປະຊາຊົນແຂວງ ຮ່າຢາງ ໄດ້ຈັດຕັ້ງພິທີໄຂງານບຸນດອກໄມ້ຄັ້ງທີ 2 ປີ 2016 ດ້ວຍຫົວຂໍ້ວ່າ “ຫີນອອກດອກ”. ງານບຸນເພື່ອແນໃສ່ເຊີດຊູບັນດາຄຸນຄ່າວັດທະນະທຳຂອງເຂດພູພຽງທົ່ວໂລກ ດົ່ງວັນ, ພ້ອມທັງສ້າງພາບພົດກ່ຽວກັບດອກໄມ້ທີ່ເປັນເອກະລັກສະເພາະຂອງແຂວງນີ້. ຈຸດພົ້ນເດັ່ນຂອງງານບຸນປີນີ້ແມ່ນງານບຸນຢູ່ຕາມຖະໜົນດ້ວຍການສະແດງດົນຕີພື້ນເມືອງ ແລະ ສີສັນບັນດາຊຸດອາພອນຂອງບັນດາເຜົ່າ ຮ່າຢາງ.
ກ່າວຄຳເຫັນທີ່ພິທີໄຂ, ທ່ານ ຫງວຽນວັນເຊີນ, ປະທານຄະນະກຳມະການປະຊາຊົນແຂວງ ຮ່າຢາງ, ໃຫ້ຮູ້ວ່າ:
“ງານບຸນນີ້ໄດ້ສ້າງຈຸດພົ້ນເດັ່ນເພື່ອດຶງດູດແຂກທ່ອງທ່ຽວມາຢ້ຽມຊົມຄວາມງາມຂອງເຂດພູຜາປ່າໄມ້ ແລະ ຊອກຮູ້, ຄົ້ນຫາບັນດາຄວາມງາມດ້ານວັດທະນະທຳທີ່ເປັນມູນເຊື້ອຂອງປະຊາຊົນບັນດາເຜົ່າຢູ່ທີ່ນີ້. ເຫດການນີ້ຍັງແມ່ນໂອກາດຍ້ອງຍໍຊົມເຊີຍຄວາມງາມຂອງເຂດດິນແດນ, ຊາວ ຮ່າຢາງ ທີ່ພິລະອາດຫານ ແລະ ຍາມໃດກໍ່ມີຄວາມຫວັງຕັດສິນໃຈກໍ່ສ້າງເຂດດິນແດນແຫ່ງຊາຍແດນນັບມື້ນັບຮັ່ງມີ, ສວຍງາມ”