( vovworld ) - ແຕ່ວັນທີ 24 – 26/7, ຢູ່ຮ່າໂນ້ຍ, ຕາງໜ້າໃຫ້ຂະແໜງຄົມມະນາຄົມຂົນສົ່ງຂອງກຳປູເຈຍ, ລາວ ແລະ ຫວຽດນາມ, ພ້ອມກັບບັນດາຄູ່ຮ່ວມມືພັດທະນາ ທະນາຄານພັດທະນາອາຊີ (ADB) ແລະ ອົງການພັດທະນາສາກົນອົດສຕາລີ (AusAID) ເຂົ້າຮວ່ມກອງປະຊຸມສຳມະນາດ້ວຍຫົວຂໍ້ວ່າ “ ການຄົມມະນາຄົມ ແລະ ບັນຫາຍິງ - ຊາຍໃນພາກພື້ນແມ່ນນ້ຳຂອງ” ເພື່ອແນໃສ່ປຶກສາຫາລືການຊຸກຍູ້ຄວາມສະເໝີພາບລະຫວ່າງຍິງຊາຍໂດຍຜ່ານການສ້າງ ແລະ ປະຕິບັດບັນດາໂຄງການຄົມມະນາຄົມຢ່າງມີປະສິດທິຜົນ. ບັນດາຜູ້ແທນໄດ້ແລກປ່ຽນຄວາມຮູ້ກ່ຽວກັບສະພາບຕົວຈິງຂອງໂຄງການຕ່າງໆ, ແບ່ງປັນບົດຮຽນເພື່ອຮັບປະກັນລະບົບຄົມມະນາຄົມຢ່າງຮອບດ້ານ ແລະ ເພື່ອສະຫງວນໃຫ້ທຸກໆຄົນ, ພ້ອມກັນນັ້ນບັນດາບັນຫາຍິງ - ຊາຍໃນວິທີການຂົນສົ່ງທີ່ແຕກຕ່າງກັນ ແລະ ເຮັດແນວໃດເພື່ອຜ່ານຜ່າບັນດາສິ່ງທ້າຍທາຍນັ້ນ. ທ່ານ Andrew Head, ຮອງຜູ້ອຳນວຍການແຫ່ງຊາດຂອງ ADB ປະຈຳຫວຽດນາມ ໃຫ້ຮູ້ວ່າ: ນີ້ແມ່ນກາລະໂອກາດທີ່ດີເພື່ອໃຫ້ບັນດາຝ່າຍຍົກສູງຄວາມຮັບຮູ້ກ່ຽວກັບເລື່ອງມອບສິດໃຫ້ແມ່ຍິງ ດ້ວຍການເປີດກ້ວາງຄວາມສາມາດຊົມໃຊ້ບັນດາການບໍລິການ, ລາຍຮັບ, ກາລະໂອກາດ ແລະ ການພົວພັນທາງສັງຄົມ. ບັນດາຂັ້ນຕອນມີລັກສະນະຕັ້ງໜ້າ, ເປັນເຈົ້າການຕ້ອງໄດ້ຮັບການປະຕິບັດເພື່ອຮັບປະກັນໃຫ້ບັນດາໂຄງການນີ້ ຕອບສະໜອງຄວາມຕ້ອງການໃນການໄປມາທີ່ແຕກຕາງກັນຂອງແມ່ຍິງດ້ວຍຖານະແມ່ນຜູ້ນຳໃຊ້ຍານພາຫະນະຄົມມະນາຄົມ ແລະ ໃຫ້ບຸລິມະສິດແກ່ເຂົາເຈົ້າຕ້ອງໄດ້ຮັບການຮັບເອົາ ແລະ ລະບຸໃນນະໂຍບາຍ ແລະ ວາງແຜນກຳນົດຂອງຂະແໜງຄົມມະນາຄົມ.