VOV ສະເຫນີບັນດາມາດຕະການ ຍູ້ແຮງ ວຽກງານຖະແຫລງຂ່າວການຕ່າງປະເທດຢູ່ພາກພື້ນ ອາເມລິກາໃຕ້
(VOVWORLD) - ວິທະຍຸກະຈາຍສຽງ ຫວຽດນາມ (VOV) ຈະຕັ້ງຫນ້າຮ່ວມເດີນທາງພ້ອມກັບບັນດາອົງການທູຕານຸທູດ ຂອງ ຫວຽດນາມ ຍູ້ແຮງວຽກງານຖະແຫລງຂ່າວການຕ່າງປະເທດຢູ່ ອາເມລິກາໃຕ້, ຊື່ງແມ່ນພາກພື້ນທີ່ປະຈຸບັນພວມຂາດຂໍ້ມູນຂ່າວກ່ຽວກັບ ຫວຽດນາມ. ນັ້ນແມ່ນຄຳຢືນຢັນຂອງບັນດາທ່ານເອກອັກຄະລັດຖະທູດ ຫວຽດນາມ ຢູ່ ເວເນຊູເອລາ ແລະ ອາກຊັງຕິນ ທີ່ການເຮັດວຽກຄັ້ງຕ່າງໆກັບຄະນະປະຕິບັດງານ ຂອງ VOV ໂດຍທ່ານ ໂງມິງຫຽນ ຮອງຜູ້ອຳນວຍການໃຫຍ່ VOV ນຳຫນ້າ ພວມມີການຢ້ຽມຢາມ ແລະ ເຮັດວຽກຢູ່ ເຂດນີ້.
 ຄະນະຜູ້ແທນ VOV ຖ່າຍຮູບພ້ອມກັບທ່ານເອກອັກຄະລັດຖະທູດ ຫວູຈູງໝີ (ພາບ: VOV5) |
ຢູ່ ນະຄອນຫລວງ Caracas, ທ່ານ ຫວູຈູງໝີ, ເອກອັກຄະລັດຖະທູດ ຫວຽດນາມ ປະຈຳ ເວເນຊູເອລາ ຕີລາຄາສູງການພົບປະແລກປ່ຽນກັບ VOV ພ້ອມກັບບັນດາຄູ່ຮ່ວມມືທີ່ໄດ້ນຳມາເຊິ່ງຫລາຍໝາກຜົນບຸກທະລຸໃຫ້ແກ່ການຮ່ວມມືດ້ານສື່ມວນຊົນລະຫວ່າງສອງຝ່າຍເວົ້າລວມ ແລະວຽກງານຖະແຫລງຂ່າວການຕ່າງປະເທດ ຢູ່ ເຂດນີ້ເວົ້າສະເພາະ.
ຢູ່ ອາກຊັງຕິນ, ທ່ານນາງ ໂມມິງງວຽດ ເອກອັກຄະລັດຖະທູດ ຫວຽດນາມ ຕີລາຄາສູງບັນດາໝາກຜົນການຮ່ວມມືສຳຄັນ ແລະມີປະສິດທິຜົນ ຊື່ງ VOV ໄດ້ສ້າງຂຶ້ນໃນຫລາຍປີຜ່ານມາ ຕໍ່ກັບບັນດາຄູ່ຮ່ວມມືຂອງປະເທດເພື່ອນມິດ.
 ຄະນະຢ້ຽມຢາມ ແລະ ເຮັດວຽກຢູ່ ສະຖານທູດ ຫວຽດນາມ ປະຈຳ ອາກຊັງຕິນ (ພາບ: VOV) |
ສ່ວນທ່ານ ໂງມິງຫຽນ ຮອງຜູ້ອຳນວຍການໃຫຍ່ VOV ກໍ່ສະແດງຄວາມຂອບອົກຂອບໃຈຕໍ່ການຫນູນຊ່ວຍ, ຕັ້ງຫນ້າຮ່ວມເດີນທາງ ຂອງສອງສະຖານທູດ ເວເນຊູເອລາ ແລະອາກຊັງຕີນ, ຢືນຢັນວ່າ ພາຍຫລັງກັບເມືອປະເທດ, ຄະນະປະຕິບັດງານ ຈະຜັນຂະຫຍາຍບັນດາເນື້ອໃນ, ຂໍ້ສະເຫນີລະອຽດ ຊື່ງໄດ້ກ່າວມາໃນການເຮັດວຽກຄັ້ງຕ່າງໆນັ້ນ, ປະກອບສ່ວນຕັ້ງຫນ້າເຂົ້າໃນຫນ້າທີ່ວຽກງານຖະແຫລງຂ່າວການຕ່າງປະເທດເວົ້າລວມ.
ທູ່ຍເວີນ, ລາຍງານຂ່າວຈາກ Buenos Aires