(vovworld)-ໂດຍຕັ້ງຢູ່ເຂດດິນທີ່ມີເນື້ອທີ່ເກືອບ 22 ເຮັກຕາ, ໂບດຟາດຢ້ຽມ ຂຶ້ນກັບເມືອງ ກີມເຊີນ ກໍແມ່ນສະຖານທີ່ຊື່ງນັກທ່ອງທ່ຽວເຄີຍແວ່ຢາມໃນລາຍການທ່ອງທ່ຽວ ແລະ ຄົ້ນຫາດິນແດນ ນີງບີງ. ໂບດຟາດຢ້ຽມໄດ້ຮັບການກໍ່ສ້າງແຕ່ສັດຕະວັດທີ 19 ດ້ວຍກິດຈະກຳໂບດຫີນ ແມ່ນການປະສານສົມທົບຢ່າງກົມກຽວ, ເປັນເອກະລັກສະເພາະລະຫວ່າງ ວັດທະນະທຳ ແລະ ສິລະປະສະຖາປັດຕະຍະກຳ ຝ່າຍຕາເວັນອອກ ແລະ ຝ່າຍຕາເວັນຕົກ.
ບໍລິເວນໂບດຟາດຢ້ຽມ
ພາບ:internet
|
ຕາມເສັ້ນທາງທີ່ມີຄວາມຍາວເກືອບ 40 ກິໂລແມັດ ຈາກໃຈກາງນະຄອນ ນີງບີງ ເຖິງໂບດຟາດຢ້ຽມນັ້ນ, ໄດ້ມີໂບດໃຫຍ່ນ້ອຍເຖິງ 10 ກວ່າແຫ່ງຂອງເຂດຊາວຄຼິດ ກິມເຊີນ, ໃນນັ້ນ ມີແຕ່ໂບດຫີນຈຶ່ງໄດ້ຮັບການອອກແບບຕາມສະຖາປັດຕະຍະກຳທີ່ເປັນເອກະລັກສະເພາະ, ດ້ວຍຮູບແບບທີ່ແຕກຕ່າງກັນ. ໂບດຟາດຢ້ຽມ ແມ່ນກຸ່ມໂບດ ໂດຍຄູນພໍ່ Peter ເຈີນລູກ ຊື່ງຊາວທ້ອງຖິ່ນເຄີຍເອີ້ນວ່າ ພໍ່ຕູ້ເຊົ໋າ ເປັນຜູ້ຄວບຄຸມການກໍ່ສ້າງໃນຕະຫລອດ 34 ປີ (1865-1899).
ຢູ່ອ້ອມໂບດ ຟາດຢ້ຽມມີໂບດນ້ອຍ 5 ແຫ່ງ, ນອກນັ້ນ ຍັງມີ ຫນອງນ້ອຍແຫ່ງຫນຶ່ງ, ພູສາມໜ່ວຍ ແລະ ປະຕູໂຂງແຫ່ງຫນຶ່ງ. ນີ້ແມ່ນກິດຈະກຳທີ່ເປັນເອກະລັກສະເພາະ ທັງມີສະຖາປັດຕະຍະກຳ Gothic ຂອງຝ່າຍຕາເວັນຕົກ ແລະ ຝ່າຍອາຊີຕາເວັນອອກ, ແມ່ນການປະສານສົມທົບຢ່າງກົມກຽວ ສ້າງເປັນໂບດທີ່ເຕັມໄປດ້ວຍສີສັນຫວຽດນາມ.
ທິດໃຕ້ຂອງໂບດ ມີຫນອງນ້ຳແຫ່ງຫນຶ່ງເອີ້ນວ່າ ອາວໂຮ່, ກາງຫນອງມີເກາະນ້ອຍທີ່ຕັ້ງຮູບປັ້ນພະເຢຊູ. ເບື້ອງຫລັງອາວໂຮ່ ມີປະຕູໂຂງ 3 ຊັ້ນໄດ້ຮັບການກໍ່ສ້າງດ້ວຍແຜ່ນຫີນໃຫຍ່.
ເອື້ອຍ ໂດ໋ງອກແອງ, ຜູ້ນຳທ່ຽວແນະນຳວ່າ:
“ຢູ່ຊັ້ນ 2 ຂອງປະຕູໂຂງ ມີກອງໃຫຍ່ໜ່ວຍຫນຶ່ງ. ຊັ້ນ 3 ມີລະຄັງໜ່ວຍຫນຶ່ງສູງ 1,4 ແມັດ, ຫນັກເກືອບ 2000 ກິໂລກາມ ແລະ ໄດ້ຮັບການຜະລິດເມື່ອປີ 1890. ສຽງລະຄັງຢູ່ທີ່ນີ້ສາມາດກ້ອງກັນວານໄປໄກເຖິງ 10 ກິໂລແມັດ.”
ຖ້າຢືນຢູ່ເບື້ອງຫລັງປະຕູໂຂງ ທ່ານຈະເຫັນໂບດໃຫຍ່ແຫ່ງຫນຶ່ງຕັ້ງຢູ່ໃຈກາງ ກຸ່ມໂບດຟາດຢ້ຽມ. ໂບດແຫ່ງນີ້ໄດ້ຮັບການກໍ່ສ້າງເມື່ອປີ 1891 ເຊິ່ງເອີ້ນວ່າ ໂບດພະແມ່ ເມີນໂກຍ. ໃນໂບດໃຫຍ່ ມີ 52 ເສົາ ຖືກຈັດເປັນ 6 ແຖວ, ແບ່ງໂບດເປັນ 9 ຫ້ອງ. ໂບດແຫ່ງນີ້ ແມ່ນການເຊື່ອມໂຍງດ້ານວັດທະນະທຳລະຫວ່າງຝ່າຍຕາເວັນອອກ ແລະ ຝ່າຍຕາເວັນຕົກ. ໃນນັ້ນທາງເຂົ້າໂບດ ແລະ ທາງໃນໂບດໄດ້ຮັບການກໍ່ສ້າງຕາມສະຖາປັດຕະຍະກຳ Gothic ຝ່າຍຕາເວັນຕົກ, ສ່ວນສະຖາປັດຕະຍະກຳອາຊີຕາເວັນອອກ ແລະ ຫວຽດນາມ ໄດ້ສະແດງຜ່ານການຈັດວາງເສົາໂບດກໍ່ຄືບັນດາລວດລາຍທີ່ໄດ້ຮັບການແກະຄວັດສະຫລັກຢ່າງລະອຽດຄ່ອງແຄ້ວ. ເພື່ອນ ໂດງອກຮຸ່ງ, ນັກສຶກສາມະຫາວິທະຍາໄລສະຖາປານີກ ແບ່ງປັນວ່າ:
ໂບດຟາດຢ້ຽມໄດ້ຮັບການກໍ່ສ້າງແຕ່ສັດຕະວັດທີ 19
ພາບ:dulichninhbinh.vn
|
“ນ້ອງຮູ້ສຶກປະທັບໃຈຕໍ່ແທ່ນບູຊາຢູ່ທີ່ນີ້. ບັນດາຝາໄມ້ໄດ້ຮັບການແກະຄວັດສະຫລັກຢ່າງລະອຽດລະອໍ ແລະ ທາສີສວຍງາມ, ສ່ວນແທ່ບູຊາຕົ້ນຕໍເຮັດດ້ວຍຫີນກໍໄດ້ຮັບການແກະຄວັດສະຫລັກຢ່າງຄ່ອງແຄ້ວ. ຕໍ່ຫນ້າແທ່ນບູຊາ ຍັງມີແທ່ນຫີນ 6 ແຜ່ນຕັ້ງຢູ່ເຂດສຸສານຂອງ ສັງຄະລາດ 6 ອົງ.”
ໃນບໍລິເວນໂບດ ຟາດຢ້ຽມ ຍັງມີກິດຈຳແຫ່ງຫນຶ່ງອີກໄດ້ຮັບຖືວ່າແມ່ນແກ້ວມະນີອັນລ້ຳຄ່າ ຍ້ອນໂບດຫົວໃຈພະແມ່ ຫລື ເອີ້ນວ່າ ໂບດຫີນ. ນາງ ໂດງອກແອງ ໃຫ້ຮູ້ຕື່ມອີກວ່າ:
“ໂບດແຫ່ງນີ້ ໄດ້ຮັບການກໍ່ສ້າງດ້ວຍຫີນທີ່ນຳມາຈາກພູໂຍ່ຍຢູ່ ແທງຮວາ. ທາງນອກຂອງໂບດແມ່ນທາດສອງແຫ່ງ ຄ້າຍຄືທາດບຸດຢູ່ ຫນອງຮ່ວານກຽມ ຮ່າໂນ້ຍ ແຕ່ມັນພັດຕ່າງກັນຢູ່ບ່ອນວ່າ, ທາດຢູ່ນີ້ມີຮູບໄມ້ກາງເຂນ, ສ່ວນທາດບຸດມີຮູບປາກກາ.”
ແທ່ນບູຊາພະແມ່ຢູ່ໃນໂບດເຮັດດ້ວຍຫີນ. ພາຍໃຕ້ສີມືທີ່ຄ່ອງແຄ້ວຂອງນັກປະຕິມາກຳຫວຽດນາມ, ບັນດາແຜ່ນຫີນໄດ້ກາຍເປັນຮູບແກະຄວັດສະຫລັກທີ່ສວຍງາມ ດ້ວຍຮູບນົກຍຸງ, ດອກບົວທີ່ເຕັມໄປດ້ວຍສີສັນຫວຽດນາມ. ນອກນັ້ນ ຍັງມີພາບພື້ນເມືອງຂອງຫວຽດນາມຫລາຍແຜ່ນອີກ. ຢູ່ໂບດ ຟາດຢ້ຽມ, ພິທີສວດມົນຖືກດຳເນີນຢູ່ໂບດໃຫຍ່, ສ່ວນ ບັນດາໂບດຢູ່ອ້ອມ ແມ່ນບ່ອນອາໄລຫາພະອໍລະຫັນ 4 ອົງ ອັນໄດ້ປະກອບສ່ວນເຮັດໃຫ້ບໍລິເວນໂບດນີ້ໃຫຍ່ໂຕແລະ ສວຍງາມກວ່າ. ພິເສດມີໂບດແຫ່ງຫນຶ່ງໄດ້ຮັບການປະດັບປະດາດ້ວຍໄມ້ແດງ ແລະ ກໍ່ສ້າງເມື່ອປີ 1899ເຊິ່ງໄດ້ຮັບຖືວ່າ ແມ່ນບ່ອນເຕົ້າໂຮມສິລະປະສະຖາປັດຕະຍະແກະຄວັດສະຫລັກໄມ້ທີ່ມີມານັບພັນປີຂອງວັດທະນະທຳຫວຽດນາມ. ນາງແອງ ແນະນຳວ່າ:
“ທາງທິດໃຕ້ຂອງໂບດ ຟາດຢ້ຽມ ແມ່ນ ໂບດ Roco ໄດ້ຮັບການກໍ່ສ້າງເມື່ອປີ 1895. ທາງທິດຕາເວັນຕົກ ແມ່ນໂບດພະ Joseph ໄດ້ຮັບການກໍ່ສ້າງເມື່ອປີ 1896 ແລະເຮັດດ້ວຍໄມ້ແດງ, ສ່ວນທາງທິດເຫນືອ ແມ່ນໂບດພະ Peter ໄດ້ຮັບການກໍ່ສ້າງເມື່ອປີ 1896. ….. “
ປະຈຸບັນ ໂບດ ຟາດຢ້ຽມ ບໍ່ພຽງແຕ່ແມ່ນສະຖານທີ່ເພື່ອໃຫ້ຊາວຄຼິດມາທຳພິທີເທົ່ານັ້ນ ຫາກຍັງແມ່ນສະຖານທີ່ດຶງດູດຄວາມສົນໃຈຂອງບັນດານັກຄົ້ນຄ້ວາ, ແລະ ນັກທ່ອງທ່ຽວມາຢ້ຽມຢາມເປັນຈຳນວນຫລວງຫລາຍອີກດ້ວຍ. ອ້າຍ Dustin ນັກທ່ອງທ່ຽວມາຈາກ ການາດາ ເວົ້າວ່າ:
“ນີ້ເປັນຄັ້ງທຳອິດທີ່ຂ້າພະເຈົ້າມາຢ້ຽມຢາມໂບດແຫ່ງນີ້ ແລະ ບໍ່ສາມາດຄິດໄດ້ວ່າ ມັນໄດ້ຮັບການກໍ່ສ້າງແຕ່ສັດຕະວັດທີ 19, ດ້ວຍການອອກແບບຂອງນັກສະຖາປັດຕະຍະກຳຫວຽດນາມ. ມັນແຕກຕ່າງກັບບັນດາໂບດທີ່ຂ້າພະເຈົ້າໄດ້ມາຢ້ຽມຢາມກ່ອນນີ້ ເພາະວ່າ ໂບດຟາດຢ້ຽມເຕັມໄປດ້ວຍສີສັນຫວຽດນາມ. ໂບດແຫ່ງນີ້ໄດ້ສ້າງຄວາມປະທັບໃຈໃຫ້ແກ່ຂ້າພະເຈົ້າຢ່າງແທ້ຈິງ.”
ເຖິງວ່າ ຮູບນອກຂອງໂບດຟາດຢ້ຽມຈະເກົ່າແກ່ກໍຕາມ ແຕ່ມັນຍັງຮັກສາບັນດາລວດລາຍທີ່ສວຍງາມໂດຍສີມືທີ່ຄ່ອງແຄ້ວຂອງນັກສະຖາປານິກຫວຽດນາມເຮັດເອງ. ບໍ່ພຽງແຕ່ເທົ່ານັ້ນ, ບັນດາຮູບແກະຄວັດສະຫລັກ, ແຜ່ນຫີນສີຂຽວຢູ່ທາງຫລັງໂບດກໍ່ແມ່ນສິ່ງທີ່ເລິກລັບ, ສັກສິດ ພວມລໍຖ້ານັກທ່ອງທ່ຽວພາຍໃນ ແລະ ຕ່າງປະເທດມາຄົ້ນຫາ.