(VOVWORLD) -ພວກຂ້າພະເຈົ້າໄດ້ມີໂອກາດໄປຢາມເຮືອນຂອງອ້າຍ ເຈິ່ນແທັງຕຸ່ງ ເຊິ່ງແມ່ນຜູ້ທີ່ນິຍົມເກັບຮັກສາຕະກຽງຢູ່ຖະໜົນ ຮ່າວນາມ, ຮ່າໂນ້ຍ ເພື່ອຮັບຊົມຊຸດຕະກຽງທີ່ເປັນເອກະລັກຂອງລາວ. ຕາມການວາດນຶກຂອງຫຼາຍຄົນແລ້ວ ຕະກຽງ ແມ່ນມີຮູບຮ່າງນ້ອຍງາມໆ, ແຕ່ສຳລັບຕະກຽງຂອງອ້າຍ ເຈິ່ນແທັງຕຸ່ງ ມີຄົບທຸກສີ, ມີຫຼາຍຮູບຮ່າງ, ສູງຕ່ຳແຕກຕ່າງກັນ, ມີຕະກຽງບາງໜ່ວຍກໍ່ສູງເຖິງກວ່າໜຶ່ງແມັດ.

(VOVWORLD) -ອະນາຄົດຂອງສິລະປະພື້ນເມືອງ ແມ່ນໂຄງການ ໂດຍກຸ່ມນັກສິລະປິນໜຸ່ມສ້າງຕັ້ງຂຶ້ນ ແລະ ບໍລິຫານດ້ວຍຄວາມຫວັງຢາກຮັກສາ ແລະ ພັດທະນາບັນດາຄຸນຄ່າຂອງສິລະປະພື້ນເມືອງ ຫວຽດນາມ. ງານວາງສະແດງ “ຟື້ນຟູສິລະປະພື້ນເມືອງ” ຖືກຈັດຂຶ້ນຢູ່ ຮ່າໂນ້ຍ ເມື່ອບໍ່ດົນມານີ້ ໄດ້ແນະນຳ 10 ຜະລິດຕະພັນສິລະປະ ໃນຫຼາຍປະເພດເຊັ່ນ ຈິດຕະກຳ, ກະລິບວີແດວ ຈັດວາງ, ດົນຕີທົດລອງ, ນາດຕະສິນ… ແນໃສ່ເຊື່ອມຕໍ່ບັນດານັກສິລະປິນໜຸ່ມ ທີ່ເຮັດວຽກໃນຂົງເຂດສິລະປະ ເພື່ອພ້ອມກັນໄປຊອກຫາຄຳຕອບຕໍ່ຄຳຖາມທີ່ວ່າ “ສິລະປະມູນເຊື້ອຈະຢຸດສະງັກຫຼືບໍ່”

(VOVWORLD) -ຄວາມສຳເລັດຂອງຄອນເສີດ ເອີບຈິດຫູດແມມໂມຣີ ໃນສາມປີທີ່ຜ່ານມາ ພ້ອມກັບບັນດາຄ່ຳຄືນສະແດງດົນຕີປະສານສຽງ ດ້ວຍການປະກົດຕົວຂອງບັນດານັກສິລະປິນທີ່ຍັງໜຸ່ມແໜ້ນ ແມ່ນຂີດໝາຍໃຫ້ແກ່ການສ້າງ ຂະແໜງອຸດສາຫະການວັດທະນະທຳ ຫວຽດນາມ ເປັນຮູບປະທຳ. ຢູ່ໃນນີ້ບັນດານັກສິລະປິນ, ນັກຜະລິດ, ກອງທຶນຊ່ວຍໜູນຜູ້ທີ່ມີຄວາມເກັ່ງກ້າສາມາດທາງດ້ານດົນຕີ ແລະ ສຳຄັນແມ່ນບັນດານັກສິລະປິນທີ່ຍັງໜຸ່ມແໜ້ນ ເຊິ່ງໄດ້ຮັບການຕອບສະໜອງຈາກມວນຊົນ ແລະ ສາມາດດຳລົງຊີວິດດ້ວຍການປະກອບອາຊີບນີ້

(VOVWORLD) -ງານວາງສະແດງດ້ວຍຫົວຂໍ້ວ່າ “ນັກຮົບປະຕິວັດຖືກສັດຕູຈັບຂັງຄຸກ” ໂດຍແມ່ນຫໍພິພິທະພັນປະຫວັດສາດການທະຫານຫວຽດນາມ ສົມທົບກັບຄະນະຄຸ້ມຄອງປູຊະນີຍະສະຖານ ໂກນດ໋າວ ແລະຫໍພິພິທະພັນນັກຮົບປະຕິວັດຖືກສັດຕູຈັບຂັງຄຸກ ຈັດຕັ້ງຂຶ້ນ, ເຊິ່ງພວມດຳເນີນໄປຢູ່ຮ່າໂນ້ຍ. ງານວາງສະແດງໄດ້ເຊີດຊູ, ຕອບບຸນແທນຄຸນບັນດານັກຮົບປະຕິວັດທີ່ໄດ້ສູ້ຮົບ, ເສຍສະຫຼະຊີວິດ ເພື່ອເອກະລາດ, ເອກະພາບຂອງຊາດ

(VOVWORLD) -ມໍລະດົກວັດທະນະທຳ ຫວຽດນາມ ແມ່ນມໍລະດົກອັນລ້ຳຄ່າຂອງວົງຄະນາຍາດ 54 ຊົນເຜົ່າ ຫວຽດນາມ ເຊິ່ງໄດ້ຮັບການອະນຸລັກຮັກສາ ຜ່ານໄລຍະນັບພັນປີແຫ່ງການສ້າງສາ ແລະ ປົກປັກຮັກສາປະເທດຊາດ, ແມ່ນສັນຍາລັກຂອງການຍືນຍົງຄົງຕົວ, ພ້ອມທັງແມ່ນຂົວເຊື່ອມຕໍ່ລະຫວ່າງອະດີດ, ປັດຈຸບັນ ແລະ ອະນາຄົດຂອງຊາດ. ການອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກວັດທະນະທຳ ກໍ່ແມ່ນພື້ນຖານເພື່ອສ້າງພື້ນຖານວັດທະນະທຳ ຫວຽດນາມ ທີ່ກ້າວໜ້າ, ເຂັ້ມຂົ້ນໄປດ້ວຍສີສັນຊາດ

(VOVWORLD) -ນະຄອນ ໂຮ່ຈີມິນ ແມ່ນຕົວເມືອງທີ່ຂະຫຍັນຂັນເຄື່ອນ ດ້ວຍອາຍຸພຽງກວ່າ 300 ປີ, ແຕ່ໃນບໍລິເວນນະຄອນກໍ່ມີມໍລະດົກສະຖາປັດຕະຍະ ກຳຫຼາຍແຫ່ງ ທີ່ເປັນເອກະລັກ ເຊິ່ງໄດ້ເປັນຮູບເປັນຮ່າງໃນຕະຫຼອດ ໄລຍະປະຫວັດສາດແຫ່ງການຂະຫຍາຍຕົວ. ດ້ວຍລະດັບການຫັນເປັນຕົວເມືອງ ຢ່າງວ່ອງໄວຄືໃນປັດຈະບັນ, ບັນຫາບັນດາມໍລະດົກສະຖາປັດຕະຍະກຳ ອັນລ້ຳຄ່າທີ່ມີຄວາມສ່ຽງຖືກສູນຫາຍໄປ ກໍ່ແມ່ນບັນຫາທາງນະຄອນຕ້ອງປະເຊີນໜ້າ. ປັດຈຸບັນທາງນະຄອນພວມແກ້ໄຂບັນຫາ ທັງພັດທະນາເສດຖະກິດ ທັງຮັບປະກັນຮັກສາມໍລະດົກ ສະຖາປັດຕະຍະກຳໃຫ້ແກ່ຄົນລຸ້ນຫຼັງ

(VOVWORLD) -ໂດຍໄດ້ປະກາດໃຊ້ໃນວັນທີ 9 ມິຖຸນາ ປີ 2014, ມະຕິເລກທີ 33-ມຕ/ສກ ເພື່ອແນໃສ່ສ້າງພື້ນຖານວັດທະນະທຳ ແລະ ຊາວຫວຽດນາມພັດທະນາຢ່າງຮອບດ້ານ, ມຸ່ງໄປສູ່ຄວາມງາມ, ສຸດຈະລິດ, ເຊື່ອມຊຶມຈິດໃຈຂອງຊາດ, ວັດທະນະທຳມະນຸດ, ປະຊາທິປະໄຕ ແລະ ວິທະຍາສາດ. ໃນຂະບວນວິວັດແຫ່ງການພັດທະນາເສດຖະກິດສັງຄົມ ຂອງປະເທດຊາດ, ຫວຽດນາມ ຍາມໃດກໍ່ຖືເປັນສຳຄັນປັດໄຈວັດທະນະທຳ ແລະ ມະນຸດ

(VOVWORLD) -ໃນຈຳນວນບັນດາອາຊີບຫັດຖະກຳທີ່ມີມາແຕ່ດົນນານນັ້ນ, ອາຊີບຜະລິດເຈ້ຍສາຂອງຊາວຫວຽດນາມ ແມ່ນໄດ້ມີມາກ່ອນນີ້ນັບພັນປີ ເຊິ່ງສະແດງໃຫ້ເຫັນສິ່ງທີ່ຍອດຍິ່ງ, ສີສັນວັດທະນະທຳຂອງຊາດ ຫວຽດນາມ. ອາຊີບຜະລິດເຈ້ຍສາທີ່ມີມາແຕ່ດົນນານໃນປັດຈຸບັນ ພວມຖືກສູນຫາຍໄປແລະ ຄວນໄດ້ຮັບ ການອະນຸລັກຮັກສາ ແລະ ພັດທະນາ

(VOVWORLD) -ຫວຽດນາມມີ 54 ຊົນເຜົ່າ ໃນນັ້ນນອກຈາກຊົນເຜົ່າກິງ ແລະ ຊົນເຜົ່າຮວາແລ້ວ ສ່ວນທີ່ຍັງເຫຼືອແມ່ນບັນດາເຜົ່າສ່ວນໜ້ອຍ. ເຖິງວ່າມີບັນດາຈຸດວັດທະນະທຳຄ້າຍຄືກັນກໍ່ຕາມ ແຕ່ແຕ່ລະຊົນເຜົ່າໃນທົ່ວປະເທດ ຫວຽດນາມ ກໍ່ລ້ວນແຕ່ມີສີສັນວັດທະນະທຳສະເພາະຂອງໃຜຂອງລາວ. ການອະນຸລັກ ແລະ ເສີມຂະຫຍາຍຄຸນຄ່າວັດທະນະທຳ ເຂດປະຊາຊົນບັນດາເຜົ່າສ່ວນໜ້ອຍ ຍາມໃດກໍ່ໄດ້ຮັບຄວາມເອົາໃຈໃສ່ໃຫ້ບຸລິມະສິດຈາກລັດ ຫວຽດນາມ

(VOVWORLD) -ງານມະໂຫລານທຳນອງເພງ ເຊິນກາ ຄັ້ງທີ 4 ປີ 2019 ດ້ວຍຫົວຂໍ້ “ນ້ອງຮັກບ້ານເກີດເມືອງນອນ ແລະ ປະເທດຊາດ” ໂດຍວິທະຍຸກະຈາຍສຽງ ຫວຽດນາມຈັດຕັ້ງ ເຊິ່ງຫາກໍ່ດຳເນີນຢູ່ ຮ່າໂນ້ຍ. ງານມະໂຫລານແມ່ນໂອກາດເພື່ອສ່ອງແສງຂະບວນການ ຂັບລຳທຳເພງໃຫ້ແກ່ເດັກ, ຄົ້ນພົບ ແລະ ແນະນຳພວກນ້ອງນ້ອຍຜູ້ທີ່ມີຄວາມເກັ່ງກ້າສາມາດທາງດ້ານດົນຕີ, ພ້ອມກັບທັງສ້າງສະຖານທີ່ລະຫຼິ້ນທີ່ສົດໃສ ແລະ ມີປະໂຫຍດໃຫ້ແກ່ເດັກໃນທົ່ວປະເທດ