(VOVWORLD) -ເມື່ອເວົ້າເຖິງ ກອນລຳເຂດໄຕຫງວຽນ, ຜູ້ຄົນທັງຫຼາຍກໍ່ຄິດເລີຍເຖິງ ກອນລຳຄານຂອງຊາວເຜົ່າ ເອເດ, ກອນລຳອອດເນີຣົງ ຂອງຊາວເຜົ່າ ເມີນົງ, ຫຼື ກອນລຳເຮີມອນຂອງຊາວເຜົ່າ ບານາ. ແຕ່ຊາວເຜົ່າເຊີດັງ ກຸ່ມເຕີເດີຣາ ກໍ່ມີກອນລຳເຊັ່ນກັນ. ກອນລຳຂອງຊາວເຜົ່າ ເຊີດັງກຸ່ມເຕີເດີຣາ ໄດ້ຖືກຄົ້ນພົບຄັ້ງທຳອິດເມື່ອປີ 2001, ອັນໄດ້ກາຍເປັນໜຶ່ງໃນບັນດາຂໍ້ມູນ ທີ່ສຳຄັນເພື່ອໃຫ້ສະຖາບັນວິທະຍາສາດສັງຄົມຫວຽດນາມ ຮຽບຮຽງບັນນາທິການ ແລະ ພິມຈຳໜ່າຍປຶ້ມ “ສາງກອນລຳເຂດໄຕງວຽນ”. ນັກສິລະປະການ ອາອາ ກ່ຽວກັບກອນລຳຂອງຊາວເຜົ່າ ເຊີດັງ ກຸ່ມເຕີເດີຣາ ແມ່ນຜູ້ເກັບຮັກສາ ແລະ ສະໜອງເນື້ອໃນທັງໝົດ ຂອງກອນລຳ ເຊີດັງ ໃນປຶ້ມອ່ານທີ່ມີຄ່າຫາຍາກ “ສາງກອນລຳເຂດໄຕຫງວຽນ”

(VOVWORLD) -ກ່ອນນີ້ 30 ປີ, ວົງການນັກສິລະປິນ ແລະ ມວນຊົນຜູ້ນິຍົມສິລະປະ ໃນທົ່ວປະເທດ ຕ່າງກໍ່ມີຄວາມຕື່ນຕົກໃຈ ແລະ ເຈັບປວດເມື່ອໄດ້ຮັບຂ່າວ ຄູ່ຜົວເມຍສິລະປິນ ທີ່ມີຊື່ສຽງ ລິວກວາງຫວູ-ຊວນກິງ ໄດ້ເຖິງແກ່ມໍລະນະກຳ ຢ່າງກະທັນຫັນ ຍ້ອນອຸປະຕິເຫດທາງຄົມມະນາຄົມ. ການລ່ວງລັບຂອງເຂົາເຈົ້າ ໄດ້ເຮັດໃຫ້ພື້ນຖານວັນນະຄະດີ ສິລະປະ ຂອງປະເທດຊາດ ໄດ້ຮັບຜົນສະທ້ອນ ຢ່າງໃຫ່ຍຫຼວງ, ພິເສດ ແມ່ນໃນຂົງເຂດເວທີການສະແດງ ແລະ ກາບກອນ

(VOVWORLD) -ນັບແຕ່ປີ 2014 ມານີ້, ບັນດາເຫດການທີ່ກ່ຽວຂ້ອງ ເຖິງການໂຄສະນາ, ແນະນຳປຶ້ມອ່ານ ໄດ້ຖືກຈັດຂຶ້ນປະຈຳປີ ຢູ່ບັນດາແຂວງ, ນະຄອນໃນທົ່ວປະເທດ. ຄິດສະເລ່ຍ ບັນດາງານບຸນປຶ້ມ, ງານວາງສະແດງປຶ້ມ, ງານຕະຫຼາດນັດປຶ້ມກໍໄດ້ຖືກຈັດຂຶ້ນປະມານ 3-4 ເດືອນຕໍ່ຄັ້ງ, ອັນໄດ້ດຶງດູດຜູ້ອ່ານໃນທຸກເກນອາຍຸ ມາຮ່ວມຢ່າງຫຼວງຫຼາຍ. ບັນດາວັນບຸນປຶ້ມ ບໍ່ພຽງແຕ່ແມ່ນສະຖານທີ່ຊື້ຂາຍປຶ້ມເທົ່ານັ້ນ, ຫາກຍັງໄດ້ດຳເນີນແມ່ນເພື່ອແນໃສ່ສ້າງຄວາມລຶ້ງເຄີຍໃນການອ່ານ, ຊື້ປຶ້ມໃຫ້ແກ່ວົງຄະນະຍາດ ໂດຍຜ່ານບັນດາການເຄື່ອນໄຫວເປັນປະຈຳ, ເພີ່ມທະວີຄວາມຜູກຮັດລະຫວ່າງບັນດາຜູ້ອ່ານປຶ້ມ

(VOVWORLD) -ພື້ນຖານດົນຕີ ບັນດາເຜົ່າສ່ວນໜ້ອຍ ມີບົດບາດສຳຄັນໃນການສ້າງ ພື້ນຖານດົນຕີພື້ນເມືອງ ໃຫ້ມີຄວາມຫຼາຍຮູບຫຼາຍສີ ຢູ່ຫວຽດນາມ. ໃນສະພາບການທີ່ດົນຕີ ຫຼາຍປະເພດຂອງບັນດາເຜົ່າສ່ວນໜ້ອຍ ພວມຢືນຢູ່ຕໍ່ໜ້າຄວາມສ່ຽງຖືກສູນຫາຍໄປນັ້ນ, ບັນດາອົງການ ທີ່ມີໜ້າທີ່ຮັບຜິດຊອບ, ບັນດາທ້ອງຖິ່ນ ແລະ ວົງຄະນະຍາດ ບັນດາເຜົ່າສ່ວນໜ້ອຍ ພວມຕັ້ງໜ້າປະຕິບັດ ການອະນຸລັກຮັກສາ ພື້ນຖານດົນຕີປະເພດນີ້.

(VOVWORLD) -ເມື່ອບໍ່ດົນມານີ້ ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຊີ້ໃຫ້ເຫັນບັນດາຄວາມຮຽກຮ້ອງຕ້ອງການໃໝ່ ກ່ຽວກັບການປົກປັກຮັກສາ ແລະ ເສີມຂະຫຍາຍ ບັນດາມໍລະດົກວັດທະນະທຳ ຢູ່ຫວຽດນາມ. ຕາມນັ້ນແລ້ວ, ບັນດາຂະແໜງການ, ຂັ້ນຕ່າງໆຢູ່ຫວຽດນາມ ຕ້ອງສ້າງກອບນິຕິກຳ ໃຫ້ສົມບູນແບບໂດຍໄວ; ເພີ່ມທະວີການຕິດຕາມກວດກາ ປົກປັກຮັກສາ ບັນດາມໍລະດົກວັດທະນະທຳ ຢ່າງປອດໄພ; ຈັດແບ່ງຂັ້ນຄຸ້ມຄອງ ແລະ ກຳນົດແຈ້ງຄວາມຮັບຜິດຊອບ ໃນການຄຸ້ມຄອງມໍລະດົກ; ຫັນແຫຼ່ງກຳລັງເປັນວຽກງານຂອງສັງຄົມຢ່າງມີປະສິດທິຜົນເພື່ອຮັກສາ ແລະ ເສີມຂະຫຍາຍຄຸ່ນຄ່າມໍລະດົກວັດທະນະທຳ ຢູ່ຫວຽດນາມ

(VOVWORLD) -ເຂດວັດທະນະທຳ ຫົວຄິດປະດິດສ້າງ ຫວຽດນາມແມ່ນໂຄງການ ໂດຍສະພາອັງກິດ ແລະ ສະຖາບັນວັດທະນະທຳ ສິລະປະຫວຽດນາມປະຕິບັດ ເພື່ອແນໃສ່ ສ້າງການເຄື່ອນໄຫວສິລະປະ ໃຫ້ແກ່ບັນດາຜູ້ທີ່ມີຄວາມເມົາມົວ ປະດິດຄິດສ້າງມີເຂດສະແດງ ບັນດາຜະລິດຕະພັນຂອງຕົນ. ໃນໄລຍະທີ່ຜ່ານມາ ໂຄງການເຂດວັດທະນະທຳ ຫົວຄິດປະດິດສ້າງ ຫວຽດນາມ ໄດ້ຮັບການຜັນຂະຫຍາຍ ຢູ່ບັນດາເຂດຕົວເມືອງໃຫ່ຍ ອັນໄດ້ດຶງດູດບັນດາໝາກຜົນທີ່ເປັນໜ້າຊື່ນຊົມ.

(VOVWORLD) -ບັນດານັກສິລະປິນໄວເດັກ ທີ່ຫາກໍ່ມີອາຍຸ 10 ປີ ມີຄວາມໝັ້ນໃຈທຳການສະແດງ ຂັບກາຈູ ບົນເວທີສະແດງ. ບັນດາອ້າຍເອື້ອຍຄູ, ທ່ານໝໍ, ນັກສິລະປິນ ທີ່ເຕີບໃຫ່ຍຈາກກອງສິລະປະ ຂັບກາຈູ ຫາຍຟ່ອງ ໄດ້ຮັບບັນດານາມມະຍົດອັນສູງສົ່ງລະດັບລັດ. ນີ້ແມ່ນໝາກຜົນ ຂອງການເຄື່ອນໄຫວຂອງສິລະປະ ເປັນເວລາ 25 ປີ ຂອງສະໂມສອນຂັບການຈູ ຫາຍຟ່ອງ.

(VOVWORLD) -ເມື່ອຮອດຍາມຄ້ອຍຄ່ຳ, ຊີວິດຂອງປະຊາຊົນເບິ່ງຄືວ່າກໍ່ໄດ້ມິດງຽບລົງ ແຕ່ກໍ່ແມ່ນຈຸດເວລາທີ່ຜູ້ຄົນທັງຫຼາຍ ເຫັນໄດ້ເຖິງຄວາມງາມ ຂອງຄຸ້ມຖະໜົນເກົ່າ. ແຂກທ່ອງທ່ຽວເມື່ອຍ່າງເລາະຕາມຖະໜົນເກົ່າສາຍຕ່າງໆໃນບໍລິເວນຄຸ້ມຖະໜົນເກົ່າ ຮ່າໂນ້ຍ ໃນຍາມຄ້ອຍຄ່ຳທ້າຍອາທິດ ກໍ່ລ້ວນແຕ່ມີໂອກາດໄດ້ຄົ້ນຫາການດຳລົງຊີວິດ ຂອງປະຊາຊົນຢູ່ຄຸ້ມຖະໜົນເກົ່າ ໃນຍາມຄ່ຳຄືນ, ແຂກທ່ອງທ່ຽວຈະໄດ້ຮັບຊົມ ການສະແດງດົນຕີພື້ນເມືອງ ແລະ ດົນຕີທັນສະໄໝປະເພດຕ່າງໆ. ການດຳລົງຊີວິດນີ້ ໄດ້ປະກອບສ່ວນສ້າງຈຸດວັດທະນະທຳທີ່ດູດດື່ມ ຂອງນະຄອນຫຼວງຮ່າໂນ້ຍ

(VOVWORLD) - ສິລະປິນ ໂງຮົ່ງກວາງ ຫາກໍ່ໃຫ້ສະເໜີຕົວຕໍ່ຜູ້ຊົມ album ໃໝ່ “ນາມຍີ” ໃນລາຍການສະແດງຢູ່ສູນວັດທະນະທຳ ຝະລັງ ໃນມື້ທ້າຍຂອງເດືອນ ມິຖຸນາ ປີ 2018. ເປັນຄັ້ງທຳອິດທີ່ ໂງຮົ່ງກວາງ ໄດ້ປະສານສົມທົບລະຫວ່າງດົນຕີພື້ນເມືອງ ແລະ ສິລະປະດົນຕີ beatbox ໃນຜະລິດຕະພັນດົນຕີຂອງຕົນ. “ນາມຍີ” ກໍ່ແມ່ນ album ໃໝ່ສຸດຂອງສິລະປິນ ໂງຮົ່ງກວາງ, ຖັດຈາກ “Hanoi Duo”, ຊຶ່ງໂງຮົ່ງກວາງ ໄດ້ສົມທົບພ້ອມກັນສິລະປິນດົນຕີ Jazz ຊາວຝະລັງ ເຊື້ອຊາດຫວຽດ ຫງວຽນເລ ຜະລິດ ແລະ ໄດ້ສະເໜີຕົວຕໍ່ຜູ້ຊົມ ເມື່ອປີ 2017

(VOVWORLD) - ພາບພື້ນເມືອງດົງໂຮ່-ມໍລະດົກວັດທະນະທຳໂລກ. ພາບດົງໂຮ່ແມ່ນພາບປະເພດທີ່ຖືກພິມດ້ວຍແມ່ພິມໄມ້ທີ່ມີແຕ່ນັບ 100 ປີມານີ້. ພາບພື້ນເມືອງດົງໂຮ່ມີຕົ້ນກຳເນີດຈາກ ບ້ານດົງໂຮ່, ຕາແສງຊອງໂຮ່, ເມືອງ ຖ໋ວນແທ່ງ, ແຂວງບັກນິງ. ປີ 2013, ອາຊີບເຮັດພາບພື້ນເມືອງດົງໂຮ່ໄດ້ຮັບການຮັບຮອງແມ່ນມໍລະດົກວັດທະນະທຳບໍ່ເປັນວັດຖຸລະດັບຊາດ. ເມື່ອບໍ່ດົນມານີ້, ໂດຍໄດ້ຮັບຄວາມເຫັນດີຈາກນາຍົກລັດຖະມົນຕີຫວຽດນາມ, ບັນດາອົງການທີ່ມີໜ້າທີ່ຮັບຜິດຊອບຂອງຫວຽດນາມໄດ້ດຳເນີນການຄົ້ນຄວ້າ, ສ້າງສຳເນົາເອກະສານວິທະຍາສາດເພື່ອຍື່ນສະເໜີຕໍ່ UNESCO ຮັບຮອງອາຊີບເຮັດພາບພື້ນເມືອງດົງໂຮ່ເປັນມໍລະດົກວັດທະນະທຳບໍ່ເປັນວັດຖຸ, ຄວນໄດ້ຮັບການຮັກສາຢ່າງຮີບດ່ວນຂອງມວນມະນຸດ