(VOVWORLD) -ນັບຕັ້ງແຕ່ເມື່ອອົງການ Unesco ເຊີດຊູແມ່ນມໍລະດົກວັດທະນະທຳບໍ່ເປັນວັດຖຸ ຄວນໄດ້ຮັບການປົກປັກຮັກສາຢ່າງຮີບດ່ວນນັ້ນ, ນະຄອນຮ່າໂນ້ຍ ໄດ້ມີການກະທຳຢ່າງຕັ້ງໜ້າ ເພື່ອຊ່ວຍໃຫ້ມໍລະດົກສິລະປະຂັບກາຈູ ບໍ່ພຽງແຕ່ໄດ້ຮັບການຟື້ນຟູເທົ່ານັ້ນ ຫາກຍັງໄດ້ຮັບການອະນຸລັກຮັກສາຢ່າງໝັ້ນຄົງອີກດ້ວຍ. ພ້ອມກັບການເອົາໃຈໃສ່ສິດສອນຖ່າຍທອດໃຫ້ລຸ້ນໜຸ່ມຜູ້ສືບທອດນັ້ນ, ນະຄອນຮ່າໂນ້ຍ ພວມຕັ້ງໜ້າດຳເນີນການສະແດງຂັບກາຈູ ເພື່ອແນໃສ່ເຮັດໃຫ້ປະເພດສິລະປະພື້ນເມືອງນີ້ ມີຄວາມໃໝ່ອ່ຽມ ເພື່ອໃຫ້ຂັບກາຈູມີລົມຫາຍໃຈແຫ່ງຊີວິດຍຸກປັດຈຸບັນ ແລະ ຫຍັບເຂົ້າໃກ້ກັບມວນຊົນກວ່າເກົ່າ

(VOVWORLD) -ດ້ວຍລະບົບແມ່ນ້ຳລຳເຊທີ່ໜາແໜ້ນ ຢູ່ເຂດທາງທິດຕາເວັນຕົກພາກໃຕ້ທົ່ງພຽງແມ່ນ້ຳຂອງ ຊຶ່ງມີບັນດາເຮືອເຄື່ອນໄຫວ ລ່ອງ ແລະ ທວນແມ່ນ້ຳ ຕະຫຼອດວັນ ແລະ ຄືນ. ຍ້ອນເຫດນີ້ເອງຢູ່ແຫ່ງນີ້ ກໍ່ໄດ້ໃຫ້ກຳເນີດຈຸດວັດທະນະທຳ ທີ່ເປັນເອກະລັກສະເພາະຂອງເຂດແມ່ນ້ຳລຳເຊ ນັ້ນແມ່ນຕະຫຼາດບົນລຳແມ່ນຳ້.

(VOVWORLD) -ວັນບຸນວັດທະນະທຳ, ກິລາ ແລະ ທ່ອງທ່ຽວບັນດາເຜົ່າເຂດດົງບັກ (ເຂດທາງທິດຕາເວັນອອກສ່ຽງເໜືອ) ຄັ້ງທີ 10 ປີ 2018 ໂດຍແຂວງ ຫວິງຟຸກ ເປັນເຈົ້າພາບຈັດຂຶ້ນ ໄດ້ສ້າງຄວາມປະທັບໃຈອັນດີງາມ ໃຫ້ແກ່ບັນດານັກສິລະປະການ ນັກສິລະປິນມາຈາກ 10 ແຂວງທີ່ເຂົ້າຮ່ວມ. ນີ້ແມ່ນໂອກາດເພື່ອໃຫ້ພໍ່ແມ່ພີ່ນ້ອງບັນດາເຜົ່າແນະນຳ ໂຄສະນາ ບັນດາຈຸດວັດທະນະທຳ ທີ່ເປັນເອກະລັກຂອງເຜົ່າຕົນ, ພ້ອມທັງແມ່ນໂອກາດເພື່ອ ໃຫ້ເຂົາເຈົ້າໄດ້ພົບປະແລກປ່ຽນ ຊອກຮູ້ວັດທະນະທຳບັນດາເຜົ່າ ໃນແຂວງທີ່ໃກ້ຄຽງໃນເຂດດົງບັກຂອງ ຫວຽດນາມ

(VOVWORLD) -ໃນຊຸມວັນແຕ່ວັນທີ 20 ຫາ ວັນທີ 25 ຕຸລາ ຢູ່ ຮ້າລອງ ແຂວງ ກວ໋າງນິງ ໄດ້ຈັດໃຫ້ມີງານສະແດງດົນຕີ ຂັບລຳທຳເພງພື້ນເມືອງສາມພາກເໜືອ ພາກກາງ ແລະ ພາກໃຕ້ຫວຽດນາມ ໂດຍກະຊວງ ວັດທະນະທຳ ກິລາ ແລະ ທ່ອງທ່ຽວ ສົມທົບກັບຄະນະກຳມະການ ປະຊາຊົນແຂວງ ກວ໋າງນິງ ຈັດຕັ້ງຂຶ້ນ. ມີຫຼາຍທຳນອງເພງພຶື້ນເມືອງ, ບົດເພງເກົ່າຄິດວ່າໄດ້ຖືກສູນຫາຍໄປນັ້ນ ກໍ່ໄດ້ຖືກບັນດານັກສິລະປະການ, ນັກສິລະປິນຮັກສາ ແລະ ນຳມາສະແດງຢ່າງມີຊີວິດຊີວາ ອັນໄດ້ປະກອບສ່ວນທະວີຄູນຄວາມຮັກ ຕໍ່ກັບບັນດາທຳນອງເພງພື້ນເມືອງ ຫວຽດນາມ

(VOVWORLD) -ສັບປະດາວັດທະນະທຳ, ກິລາບັນດາເຜົ່າ ເຂດທາງທິດຕາເວັນອອກສ່ຽງເໜືອ, ແຂວງ ກວາງນິງ ຄັ້ງທີສອງ ໄດ້ດຳເນີນໃນລະຫວ່າງວັນທີ 10 ຫາ ວັນທີ 14 ຕຸລາ ປີ 2018 ຢູ່ເມືອງ ຕຽນອຽນ ແຂວງ ກວາງນິງ. ນີ້ແມ່ນການເຄື່ອນໄຫວ ນອນໃນບັນດາເຫດການຂອງປີທ່ອງທ່ຽວແຫ່ງຊາດ ປະກອບສ່ວນໂຄສະນາພາບພົດດິນແດນ ແລະ ປະຊາຊົນບັນດາເຜົ່າຢູ່ເຂດທິດຕາເວັນອອກສ່ຽງເໜືອແຂວງ ກວາງນິງ

(VOVWORLD) - ໂດຍແມ່ນທ້ອງຖິ່ນ ນອນໃນເຂດເສດຖະກິດຈຸດສຸມນອນທາງພາກໃຕ້, ແຂວງ ບາເຣັຍ-ຫວຸງເຕົ່າ ມີບັນດາທ່າໄດ້ປຽບກ່ຽວກັບທີ່ຕັ້ງພູມສາດ, ທຳມະຊາດໄດ້ເອື້ອອຳນວຍຄວາມສະດວກ ເພື່ອພັດທະນາການທ່ອງທ່ຽວ.

(VOVWORLD) -ແຂວງ ນາມດິງ ແມ່ນສູນແຫ່ງການເຫຼື້ອມໃສບູຊາ 4 ພະແມ່, ເຫຼື້ອມໃສບູຊາພະອໍລະຫັນເຈິ່ນ. ເພາະສະນັ້ນ ພິທີຂັບເຈົາວັນ ຢູ່ແຂວງ ນາມດິງ ທັງແມ່ນບ່ອນເຕົ້າໂຮມ ທັງແມ່ນສະຖານທີ່ແຜ່ກະຈາຍ. ສິລະປະຂັບເຈົາວັນ ຫຼື ເອີ້ນວ່າພິທີບູຊາສາມພະແມ່ ຊຶ່ງແມ່ນປະເພດສິລະປະພື້ນເມືອງທີ່ເປັນເອກະລັກ ໄດ້ຮັບການຮັບຮອງຈາກ Unesco ວ່າແມ່ນມໍລະດົກວັດທະນະທຳບໍ່ເປັນວັດຖຸ ຂອງມວນມະນຸດ, ຊຶ່ງໄດ້ ແລະ ພວມໄດ້ຮັບການອະນຸລັກຮັກສາ ແລະ ພັດທະນາຢູ່ແຂວງ ນາມດິງ.

(VOVWORLD) -ບາກລຽວ ເຊິ່ງແມ່ນອູ່ໃຫ້ກຳເນີດ ສິລະປະຂັບເດີນກາຕາຍຕື. ຂັບເດີນກາຕາຍຕືແມ່ນປະເພດສິລະປະ ທີ່ເປັນເອກະລັກຂອງພາກໃຕ້, ເຖິງວ່າຫາກໍ່ໄດ້ກຳເນີດຂຶ້ນກ່ອນນີ້ກວ່າ 100 ປີກໍ່ຕາມ ແຕ່ກໍ່ຍັງສາມາດມີກຳລັງແຜ່ກະຈາຍຢ່າງໃຫ່ຍຫຼວງ. ຢູ່ທົ່ວ 21 ແຂວງພາກໃຕ້, ຂັບເດີນກາຕາຍຕືໄດ້ຮັບການຟື້ນຟູ ໂດຍຜ່ານການແລກປ່ຽນວັດທະນະທຳລະຫວ່າງບັນດາເຜົ່າ, ສະແດງໃຫ້ເຫັນຄວາມປອງດອງ ແລະ ຄວາມເຄົາລົບນັບຖືເຊິ່ງກັນ ແລະ ກັນລະຫວ່າງບັນດາເຜົ່າ. ຍ້ອນເຫດນີ້ເອງ, ໃນປີ 2013 ສິລະປະຂັບເດີນກາຕາຍຕືພາກໃຕ້ຫວຽດນາມ ໄດ້ຮັບການຮັບຮອງຈາກ Unesco ວ່າເປັນມໍລະດົກວັດທະນະທຳບໍ່ເປັນວັດຖຸ ເປັນຕົວແທນຂອງມວນມະນຸດ. ສະເພາະຊາວບາກລຽວ ກໍ່ໄດ້ມີການປະກອບສ່ວນຢ່າງໃຫ່ຍຫຼວງໃນຕະຫຼອດໄລຍະປະຫວັດສາດ ແຫ່ງການເປັນສ້າງຕັ້ງ ແລະ ພັດທະນາສິລະປະຂັບເດີນກາຕາຍຕື

(VOVWORLD) -ກອນລຳເຊີດັງເຕີເດີຣາເວົ້າສະເພາະ ກໍ່ຄືກອນລຳບັນດາເຜົ່າຢູ່ເຂດໄຕງວຽນເວົ້າລວມ ແມ່ນຮູບພາບສັງລວມຂອງທັງຍຸກສະໄໜ, ສ່ອງແສງຢ່າງຊື່ສັດ, ມີຊີວິດຊີວາ ກ່ຽວກັບຊີວິດການເປັນຢູ່, ການດຳເນີນຊີວິດວົງຄະນະຍາດບັນດາເຜົ່າ ຢູ່ເຂດໄຕງວຽນ ແລະ ການຕໍ່ສູ້ເພື່ອບັນດາອຸດົມການວັດທະນະທຳມະນຸດ ອັນສູງສົ່ງຂອງເຂົາເຈົ້າ. ນີ້ແມ່ນບົດວິລະນິພົນຢ່າງແທ້ຈິງ ປະກອບສ່ວນເຮັດໃຫ້ຄຸນຄ່າວັດທະນະທຳທາງດ້ານຈິດໃຈຂອງວົງຄະນະຍາດບັນດາເຜົ່າຫວຽດນາມມີຄວາມອຸດົມສົມບູນຂຶ້ນຕື່ມ.

(VOVWORLD) -ໃນອາທິດແລ້ວນີ້ ພວກຂ້າພະເຈົ້າໄດ້ແນະນຳບົດທີໜຶ່ງ ໃນຈຳນວນບົດແນະນຳກ່ຽວກັບກອນລຳຂອງບັນດາເຜົ່າຢູ່ເຂດໄຕງວຽນ, ໄດ້ແນະນຳກ່ຽວກັບ ນັກສິລະປະການ ອາອາ ຊຶ່ງແມ່ນນັກສິລະປະການໂດດເດັ່ນຂອງຊາວເຜົ່າ ເຊີດັງເຕີເດີຣາ, ແມ່ນຜູ້ໄດ້ເກັບຮັກສາ ແລະ ສະໜອງບັນດາເນື້ອໃນ ກອນລຳເຊີດັງທັງໝົດ ໃນຊຸດປຶ້ມທີ່ມີຄ່າຫາຍາກ: “ສາງກອນລຳໄຕງວຽນ”.