(VOVWORLD) -ເມື່ອບໍ່ດົນມານີ້ ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຊີ້ໃຫ້ເຫັນບັນດາຄວາມຮຽກຮ້ອງຕ້ອງການໃໝ່ ກ່ຽວກັບການປົກປັກຮັກສາ ແລະ ເສີມຂະຫຍາຍ ບັນດາມໍລະດົກວັດທະນະທຳ ຢູ່ຫວຽດນາມ. ຕາມນັ້ນແລ້ວ, ບັນດາຂະແໜງການ, ຂັ້ນຕ່າງໆຢູ່ຫວຽດນາມ ຕ້ອງສ້າງກອບນິຕິກຳ ໃຫ້ສົມບູນແບບໂດຍໄວ; ເພີ່ມທະວີການຕິດຕາມກວດກາ ປົກປັກຮັກສາ ບັນດາມໍລະດົກວັດທະນະທຳ ຢ່າງປອດໄພ; ຈັດແບ່ງຂັ້ນຄຸ້ມຄອງ ແລະ ກຳນົດແຈ້ງຄວາມຮັບຜິດຊອບ ໃນການຄຸ້ມຄອງມໍລະດົກ; ຫັນແຫຼ່ງກຳລັງເປັນວຽກງານຂອງສັງຄົມຢ່າງມີປະສິດທິຜົນເພື່ອຮັກສາ ແລະ ເສີມຂະຫຍາຍຄຸ່ນຄ່າມໍລະດົກວັດທະນະທຳ ຢູ່ຫວຽດນາມ

(VOVWORLD) -ເຂດວັດທະນະທຳ ຫົວຄິດປະດິດສ້າງ ຫວຽດນາມແມ່ນໂຄງການ ໂດຍສະພາອັງກິດ ແລະ ສະຖາບັນວັດທະນະທຳ ສິລະປະຫວຽດນາມປະຕິບັດ ເພື່ອແນໃສ່ ສ້າງການເຄື່ອນໄຫວສິລະປະ ໃຫ້ແກ່ບັນດາຜູ້ທີ່ມີຄວາມເມົາມົວ ປະດິດຄິດສ້າງມີເຂດສະແດງ ບັນດາຜະລິດຕະພັນຂອງຕົນ. ໃນໄລຍະທີ່ຜ່ານມາ ໂຄງການເຂດວັດທະນະທຳ ຫົວຄິດປະດິດສ້າງ ຫວຽດນາມ ໄດ້ຮັບການຜັນຂະຫຍາຍ ຢູ່ບັນດາເຂດຕົວເມືອງໃຫ່ຍ ອັນໄດ້ດຶງດູດບັນດາໝາກຜົນທີ່ເປັນໜ້າຊື່ນຊົມ.

(VOVWORLD) -ບັນດານັກສິລະປິນໄວເດັກ ທີ່ຫາກໍ່ມີອາຍຸ 10 ປີ ມີຄວາມໝັ້ນໃຈທຳການສະແດງ ຂັບກາຈູ ບົນເວທີສະແດງ. ບັນດາອ້າຍເອື້ອຍຄູ, ທ່ານໝໍ, ນັກສິລະປິນ ທີ່ເຕີບໃຫ່ຍຈາກກອງສິລະປະ ຂັບກາຈູ ຫາຍຟ່ອງ ໄດ້ຮັບບັນດານາມມະຍົດອັນສູງສົ່ງລະດັບລັດ. ນີ້ແມ່ນໝາກຜົນ ຂອງການເຄື່ອນໄຫວຂອງສິລະປະ ເປັນເວລາ 25 ປີ ຂອງສະໂມສອນຂັບການຈູ ຫາຍຟ່ອງ.

(VOVWORLD) -ເມື່ອຮອດຍາມຄ້ອຍຄ່ຳ, ຊີວິດຂອງປະຊາຊົນເບິ່ງຄືວ່າກໍ່ໄດ້ມິດງຽບລົງ ແຕ່ກໍ່ແມ່ນຈຸດເວລາທີ່ຜູ້ຄົນທັງຫຼາຍ ເຫັນໄດ້ເຖິງຄວາມງາມ ຂອງຄຸ້ມຖະໜົນເກົ່າ. ແຂກທ່ອງທ່ຽວເມື່ອຍ່າງເລາະຕາມຖະໜົນເກົ່າສາຍຕ່າງໆໃນບໍລິເວນຄຸ້ມຖະໜົນເກົ່າ ຮ່າໂນ້ຍ ໃນຍາມຄ້ອຍຄ່ຳທ້າຍອາທິດ ກໍ່ລ້ວນແຕ່ມີໂອກາດໄດ້ຄົ້ນຫາການດຳລົງຊີວິດ ຂອງປະຊາຊົນຢູ່ຄຸ້ມຖະໜົນເກົ່າ ໃນຍາມຄ່ຳຄືນ, ແຂກທ່ອງທ່ຽວຈະໄດ້ຮັບຊົມ ການສະແດງດົນຕີພື້ນເມືອງ ແລະ ດົນຕີທັນສະໄໝປະເພດຕ່າງໆ. ການດຳລົງຊີວິດນີ້ ໄດ້ປະກອບສ່ວນສ້າງຈຸດວັດທະນະທຳທີ່ດູດດື່ມ ຂອງນະຄອນຫຼວງຮ່າໂນ້ຍ

(VOVWORLD) - ສິລະປິນ ໂງຮົ່ງກວາງ ຫາກໍ່ໃຫ້ສະເໜີຕົວຕໍ່ຜູ້ຊົມ album ໃໝ່ “ນາມຍີ” ໃນລາຍການສະແດງຢູ່ສູນວັດທະນະທຳ ຝະລັງ ໃນມື້ທ້າຍຂອງເດືອນ ມິຖຸນາ ປີ 2018. ເປັນຄັ້ງທຳອິດທີ່ ໂງຮົ່ງກວາງ ໄດ້ປະສານສົມທົບລະຫວ່າງດົນຕີພື້ນເມືອງ ແລະ ສິລະປະດົນຕີ beatbox ໃນຜະລິດຕະພັນດົນຕີຂອງຕົນ. “ນາມຍີ” ກໍ່ແມ່ນ album ໃໝ່ສຸດຂອງສິລະປິນ ໂງຮົ່ງກວາງ, ຖັດຈາກ “Hanoi Duo”, ຊຶ່ງໂງຮົ່ງກວາງ ໄດ້ສົມທົບພ້ອມກັນສິລະປິນດົນຕີ Jazz ຊາວຝະລັງ ເຊື້ອຊາດຫວຽດ ຫງວຽນເລ ຜະລິດ ແລະ ໄດ້ສະເໜີຕົວຕໍ່ຜູ້ຊົມ ເມື່ອປີ 2017

(VOVWORLD) - ພາບພື້ນເມືອງດົງໂຮ່-ມໍລະດົກວັດທະນະທຳໂລກ. ພາບດົງໂຮ່ແມ່ນພາບປະເພດທີ່ຖືກພິມດ້ວຍແມ່ພິມໄມ້ທີ່ມີແຕ່ນັບ 100 ປີມານີ້. ພາບພື້ນເມືອງດົງໂຮ່ມີຕົ້ນກຳເນີດຈາກ ບ້ານດົງໂຮ່, ຕາແສງຊອງໂຮ່, ເມືອງ ຖ໋ວນແທ່ງ, ແຂວງບັກນິງ. ປີ 2013, ອາຊີບເຮັດພາບພື້ນເມືອງດົງໂຮ່ໄດ້ຮັບການຮັບຮອງແມ່ນມໍລະດົກວັດທະນະທຳບໍ່ເປັນວັດຖຸລະດັບຊາດ. ເມື່ອບໍ່ດົນມານີ້, ໂດຍໄດ້ຮັບຄວາມເຫັນດີຈາກນາຍົກລັດຖະມົນຕີຫວຽດນາມ, ບັນດາອົງການທີ່ມີໜ້າທີ່ຮັບຜິດຊອບຂອງຫວຽດນາມໄດ້ດຳເນີນການຄົ້ນຄວ້າ, ສ້າງສຳເນົາເອກະສານວິທະຍາສາດເພື່ອຍື່ນສະເໜີຕໍ່ UNESCO ຮັບຮອງອາຊີບເຮັດພາບພື້ນເມືອງດົງໂຮ່ເປັນມໍລະດົກວັດທະນະທຳບໍ່ເປັນວັດຖຸ, ຄວນໄດ້ຮັບການຮັກສາຢ່າງຮີບດ່ວນຂອງມວນມະນຸດ

(VOVWORLD) -ໃນວັນນີ້, ຄວາມສຳນຶກກ່ຽວກັບຫໍພິພິທະພັນແມ່ນບໍ່ພຽງແຕ່ຈຳກັດຢູ່ໃນວຽກງານວາງສະແດງວັດຖຸພັນຂອງອະດີດຕະການເທົ່ານັ້ນ, ຫາກຍັງແມ່ນການເຊື່ອມຕໍ່ລະຫວ່ງອະດີດ ແລະ ປັດຈຸບັນ, ການກະທົບຕໍ່ກັນລະຫວ່າງວັດຖຸພັນ ແລະ ແຂກມາຢ້ຽມຊົມອີກດ້ວຍ. ຍ້ອນເຫດນີ້ເອງ, ຫໍພິພິທະພັນຫຼາຍແຫ່ງຢູ່ຫວຽດນາມບໍ່ພຽງແຕ່ຕອບສະໜອງຄວາມຕ້ອງການຂອງມວນຊົນເທົ່ານັ້ນ, ຫາກຍັງໄດ້ເຂົ້າຮ່ວມໃນການແຂ່ງຂັນດ້ວຍບັນດາຮູບການບັນເທີງ ໃນສັງຄົມ ເພື່ອດຶງດູດມວນຊົນດ້ວຍການເຄື່ອນໄຫວທີ່ແຕກຕ່າງກັນອີກດ້ວຍ

(VOVWORLD) -ເຫ້ວ, ຊຶ່ງແມ່ນກຸງເກົ່າຂອງລາດຊະວົງຫງວຽນ-ລາດຊະວົງລາຊາທິປະໄຕສະໄໝສຸດທ້າຍໃນປະຫວັດສາດຂອງຊາດຫວຽດນາມດ້ວຍໄລຍະຄົງຕົວ 143 ປີ, ໄດ້ເກັບຮັກສາບັນດາຄຸນຄ່າມໍລະດົກວັດທະນະທຳເປັນວັດຖຸ ແລະ ບໍ່ເປັນວັດຖຸທີ່ອຸດົມສົມບູນ, ຊຶ່ງລວມມີລະບົບກຳແພງ, ລາດຊະວັງ, ຫໍໂຮງບູຊາ, ວິຫານ, ສຸສານ, ທິວທັດທຳມະຊາດ, ວັດທະນະທຳອາຫານການກິນຕະຫຼອດຮອດບັນດາປະເພດສິລະປະດົນຕີ ແລະ ງານບຸນປະເພນີທີ່ເປັນເອກະລັກ. ພາລະກິດອະນຸລັກຮັກສາ ແລະ ເສີມຂະຫຍາຍຄຸນຄ່າບັນດາມໍລະດົກວັດທະນະທຳນີ້ໃນໄລຍະກວ່າ 20ປີ ທີ່ຜ່ານມາໄດ້ບັນລຸບັນດາໝາກຜົນທີ່ດີງາມ

(VOVWORLD) -ງານມະໂຫລານຂັບເຈົາວັນທົ່ວປະເທດຫາກໍ່ຖືກກະຊວງວັດທະນະທຳ, ກິລາ ແລະ ທ່ອງທ່ຽວສົມທົບກັບຄະນະກຳມະການປະຊາຊົນແຂວງເທື່ອທຽນເຫ້ວຈັດຕັ້ງຂຶ້ນເມື່ອທ້າຍເດືອນ ເມສາ ປີ 2018 ຢູ່ແຂວງເທື່ອທຽນເຫ້ວ. ນີ້ແມ່ນງານມະໂຫລານຄັ້ງທີສອງພາຍຫຼັງທີ່ມໍລະດົກກ່ຽວກັບການປະຕິບັດການເຫຼື້ອມໃສບູຊາພະແມ່ຂອງຊາວຫວຽດນາມຖືກອົງການ UNESCO ຈັດເຂົ້າໃນບັນຊີລາຍຊື່ມໍລະດົກວັດທະນະທຳບໍ່ເປັນວັດຖຸເປັນຕົວແທນຂອງມວນມະນຸດ, ສືບຕໍ່ເຊີດຊູ ແລະ ເສີມຂະຫຍາຍບັນດາຄຸນຄ່າຂອງປະເພດສິລະປະພື້ນເມືອງນີ້

(VOVWORLD) -ແຂວງ ຝູເຖາະ ເຊິ່ງແມ່ນແຂວງເຂດພູດອຍທາງພາກເໜືອຫວຽດນາມ, ໄດ້ຮັບກຽດແມ່ນທ້ອງຖິ່ນໜຶ່ງດຽວຢູ່ຫວຽດນາມມີສອງມໍລະດົກວັດຖະນະທຳຄື: ການເຫຼື້ອມໃສບູຊາເຈົ້າຊີວິດຮຸ່ງ ແລະ ສິລະປະຂັບຊວານ ເຊິ່ງໄດ້ຮັບການຮັບຮອງຈາກອົງການ UNESCO ແມ່ນມໍລະດົກວັດທະນະທຳບໍ່ເປັນວັດຖຸເປັນຕົວແທນຂອງມວນມະນຸດ. ພ້ອມກັບທົ່ວປະເທດ, ແຂວງ ຝູເຖາະ ພວມອະນຸລັກຮັກສາ ແລະ ເສີມຂະຫຍາຍບັນດາຄຸນຄ່ານີ້ໃນແຕ່ລະວັນ, ຄືດັ່ງວິທີເພື່ອສະແດງຄວາມຮູ້ບຸນຄຸນຕໍ່ບັນພະບຸລຸດຂອງຊາດທີ່ໄດ້ປະໄວ້ໃຫ້ຢູ່ດິນແດນແຫ່ງບັນພະບຸລຸດ