ຄວາມເຄັ່ງຕຶງໃນແຫຼມເກົາຫຼີ ຍັງບໍ່ທັນມີສັນຍານຫລຸດລົງ
(vovworld) – ສະພາບການໃນແຫຼມເກົາຫຼີ ຍັງຄົງສືບຕໍ່ເຄັ່ງຕຶງ ພາຍຫລັງວັນທີ 26/04, ອາເມລິກາ ແລະ ສ.ເກົາຫຼີ ຂົນສົ່ງບັນດາພາຫະນະອຸປະກອນຂອງລະບົບປ້ອງກັນລູກສອນໄຟໄລຍະໄກສຸດທ້າຍ (THAAD) ເຂົ້າໃນຜັນຂະຫຍາຍທີ່ເມືອງ Seongji ຫ່າງຈາກນະຄອນຫລວງ ເຊອູນ 300 ກມ ໄປທາງທິດຕາເວັນອອກສ່ຽງໃຕ້. ພ້ອມກັບຈຸດເວລານີ້ ບັນດາການຊ້ອມຮົບຍິງລູກປືນແທ້ ອາເມລິກາ - ສ.ເກົາຫຼີ, ອາເມລິກາ - ຍີ່ປຸ່ນ ໄດ້ຜັນຂະຫຍາຍ. ບັນດາການກະທຳດັ່ງກ່າວ ສະແດງໃຫ້ເຫັນວ່າ ຄວາມເຄັ່ງຕຶງໃນແຫຼມນີ້ ຍັງບໍ່ທັນມີສັນຍານຈະຫລຸດລົງເທື່ອ. ບົດຂຽນ ຄວາມເຄັ່ງຕຶງໃນແຫຼມເກົາຫຼີ ຍັງບໍ່ທັນມີສັນຍານຫລຸດລົງ ຂອງບັນນາທິການ VOV.
(ພາບປະກອບ EPA/ TTXVN)
ຄວາມເຄັ່ງຕຶງໃນແຫຼມ ເກົາຫຼີ ເພີ່ມຂຶ້ນຢ່າງບໍ່ຢຸດຢັ້ງ ພາຍຫລັງ ພຽງຢາງ ຖະແຫຼງວ່າ ໃກ້ຈະທົດລອງນິວເຄຼຍຄັ້ງທີ 6 ແລະ ທົດລອງລູກສອນໄຟນຳວິຖີເປັນປະຈຳ. ກົງກັນຂ້າມ ອາເມລິກາ ໄດ້ສົ່ງກ່ຳປັ່ນຮົບ ແລະ ກ່ຳປັ່ນດຳນ້ຳມາໃກ້ກັບແຫຼມເກົາຫຼີ, ໃຫ້ຄຳໝັ້ນສັນຍາຈະປົກປ້ອງ ຍີ່ປຸ່ນ ແລະ ສ.ເກົາຫຼີ, ພ້ອມທັງຖະແຫຼງວ່າ ປໍລະປັກທຸກມາດຕະການລວມມີການຂວ້ຳບາດດ້ານເສດຖະກິດ, ການກໍ່ຄວາມກົດດັນທາງການທູດ ແລະ ອາດຈະດຳເນີນມາດຕະການທາງທະຫານສຳລັບ ພຽງຢາງ.
ຂົນສົ່ງບັນດາພາຫະນະອຸປະກອນ THAAD ເຖິງເຂດຜັນຂະຫຍາຍ
ພາຍຫລັງຂົນສົ່ງບັນດາພາຫະນະອຸປະກອນທຳອິດຂອງ THAAD ໄປຍັງ ສ.ເກົາຫຼີ ເມື່ອຕົ້ນເດືອນ 3 (ພາຍຫລັງ ສປປ.ເກົາຫຼີ ຍິງທົດລອງລູກສອນໄຟນຳວິຖີ 4 ລູກ), ວັນທີ 26/04, ລົດບັນທຸກສະເພາະ 6 ຄັນໄດ້ຂົນສົ່ງບັນດາພາຫະນະຕົ້ນຕໍຂອງ THAAD, ຄືຖານຍິງເຄື່ອນທີ່ ແລະ ສ່ວນປະກອບຂອງຣາດາ ເຂົ້າເມືອງ Seongju ແຂວງ Gyeongsang ເໜືອ. ຕໍ່ຈາກນັ້ນ ກອງທັບ ອາເມລິກາ ເລີ່ມຕົ້ນການຕິດຕັ້ງລະບົບປ້ອງກັນລູກສູນໄຟໄລຍະໄກສຸດທ້າຍ ເພື່ອແນໃສ່ຮັບມືດີກ່ວາຕໍ່ໄພນາບຂູ່ຈາກລູກສອນໄຟ ແລະ ນິວເຄຼຍຂອງ ສປປ.ເກົາຫຼີ. ໃນເບື້ອງຕົ້ນກະຊວງປ້ອງກັນປະເທດ ສ.ເກົາຫຼີ ໄດ້ກຳນົດ ເລີ່ມຕົ້ນການຜັນຂະຫຍາຍ THAAD ຢ່າງຮອບດ້ານ. ໃນຂະນະນັ້ນ ຜູ້ບັນຊາກອງບັນຊາການປາຊີຟິກຂອງ ອາເມລິກາ ພົນເຮືອເອກ Harry Harris ກ່າວເຕືອນວ່າ ຈຸດເວລາບາດລ້ຽວຂອງ ອາເມລິກາ ຈະແມ່ນເມື່ອການນຳ ສປປ.ເກົາຫຼີ ກີມຈອງອູນ ມີກຳລັງຄວາມສາມາດດ້ານການທະຫານເໝາະສົມກັບບັນດາຄຳນາບຂູ່ ຍັງຄົງແນໃສ່ ອາເມລິກາ ນັບແຕ່ດົນນານມານີ້.
ເລື່ອງ ອາເມລິກາ ແລະ ສ.ເກົາຫຼີ ຂົນສົ່ງບັນດາພາຫະນະອຸປະກອນ THAAD ໄປຍັງເຂດຕິດຕັ້ງ ໂດຍບໍ່ຫົວຊາຕໍ່ການຄັດຄ້ານຢ່າງແຮງຂອງປະຊາຊົນທ້ອງຖິ່ນ ກໍ່ຄືການຕຳໜິຕິຕຽນຂອງຜູ້ອອກສະໝັກຮັບເລືອກຕັ້ງເປັນປະທານາທິບໍດີ ສ.ເກົາຫຼີ ຈຳນວນ. ທ່ານ Park Kwang-on ໂຄສົກຂອງຜູ້ອອກສະໝັກຮັບເລືອກຕັ້ງທ່ານ Moon Jae-in ສັງກັດພັກປະຊາທິປະໄຕເດີນຕາມແນວທາງເສລີຖືວ່າ ເລື່ອງຜັນຂະຫຍາຍ THAAD ຄືດັ່ງກ່າວ ແມ່ນຖືເບົາຄວາມມຸ່ງມາດປາດຖະໜາຂອງປະຊາຊົນ ກໍ່ຄືການເມີນເສີຍບັນດາລະບຽບການຈຳເປັນ. ໂຄສົກ Son Kum-ju ຂອງຜູ້ອອກສະໝັກຮັບເລືອກຕັ້ງທ່ານ Ahn Cheol-soo ສັງກັດພັກປະຊາຊົນເດີນຕາມແນວທາງກາງຊາຍຮຽກຮ້ອງເລື່ອງດັ່ງກ່າວ ຄວນດຳເນີນຕາມກົດໝາຍ ຖືກກັບຂໍ້ຕົກລົງລະຫວ່າງ 2 ຝ່າຍ.
ກ່ຳປັ່ນດຳນ້ຳຂອງ ອາເມິລກາ USS Michigan
(ພາບ: YONHAP/TTXVN)
ເພີ່ມທະວີບັນດາການຊ້ອມຮົບ
ສະພາບການໃນແຫຼມເກົາຫຼີໄດ້ເຄັ່ງຕຶງຂຶ້ນກ່ວາເກົ່າ ຂະນະທີ່ໃນພາບດຽວ, ການຊ້ອມຮົບດ້ວຍການຍິງປືນໃຫຍ່ຂອງ ສ.ປ.ປ.ເກົາຫຼີ ແລະ ອາເມລິກາກໍດຳເນີນການຊ້ອມຮົບ 2 ຄັ້ງກັບ ສ.ເກົາຫຼີ ແລະ ຍີປຸ່ນ. ວັນທີ 25/4, ສ.ເກົາຫຼີ ແລະ ອາເມລິກາກໍໄດ້ດຳເນີນການຊ້ອມຮົບຮ່ວມດ້ວຍການຍິງລູກປືນແທ້ໃນທະເລເຫຼືອງຊຶ່ງມີການເຂົ້າຮ່ວມຂອງກຳປັ່ນຂັບໄລ່ Wanggeon 4.400 ໂຕນ ແລະ ກຳປັ່ນພິຄາດປະກອບລູກສອນໄຟນຳວິຖີ USS E. Meyer ຂອງກອງທັບເຮືອ ອາເມລິກາ. 2 ຝ່າຍໄດ້ດຳເນີນບັນດາການເຄື່ອນໄຫວຍຸດທະວິທີປະສົມ ແລະ ຍິງລູກປືນແທ້. ສ.ເກົາຫຼີ ແລະ ອາເມລິກາກໍໄດ້ຂຶ້ນແຜນການດຳເນີນການຊ້ອມຮົບຮ່ວມສຳລັບທະຫານເຮືອດ້ວຍຂອບຂະໜາດໃຫຍ່ອີກຄັ້ງໜຶ່ງໃນທ້າຍເດືອນ 4 ຢູ່ທະເລຍີປຸ່ນ ຊຶ່ງຈະມີການເຂົ້າຮ່ວມຂອງກຳປັ່ນເດີນບິນແລ່ນດ້ວຍພະລັງງານນິວເຄຼຍ USS Carl Vinson. ໃນຂະນະນັ້ນ, ວັນທີ 26/4, ກອງທັບເຮືອ ອາເມລິກາໃຫ້ຮູ້ວ່າ ບັນດາເຮືອບິນທີ່ຂຶ້ນກັບ ກຳປັ່ນເດີນບິນແລ່ນດ້ວຍພະລັງງານນິວເຄຼຍ USS Carl Vinson ບົນເສັ້ນທາງໄປຍັງແຫຼມເກົາຫຼີ ຈະດຳເນີນການຊ້ອມຮົບຮ່ວມກັບກຳລັງປ້ອງກັນອາກາດຂອງຍີປຸ່ນຢູ່ບໍລິເວນທະເລທາງທິດໃຕ້ຍີປຸ່ນເມື່ອເງື່ອນໄຂດິນຟ້າອາກາດອຳນວຍຄວາມສະດວກ. ກອງທັບເຮືອ ອາເມລິກາໃຫ້ຮູ້ວ່າ ການຊ້ອມຮົບຮ່ວມ 2 ຄັ້ງດັ່ງກ່າວແມ່ນເພື່ອແນໃສ່ຮັບມືກັບໄພນາບຂູ່ຢ່າງວ່ອງໄວ.
ຕໍ່ໜ້າການຜັນແປດັ່ງກ່າວ, ກະຊວງການຕ່າງປະເທດ ສ.ປ.ປ.ເກົາຫຼີໄດ້ກ່າວຫາ ອາເມລິກາໄດ້ເຮັດໃຫ້ແຫຼມເກົາຫຼີຢືນຢູ່ຕໍ່ໜ້າການຕົກສູ່ສົງຄາມນິວເຄຼຍ. ພຽງຢາງກ່າວເຕືອນວ່າ ໃນກໍລະນີເກີດສົງຄາມໃນ ແຫຼມເກົາຫຼີ, ວໍຊິງຕັນຕ້ອງຮັບຜິດຊອບຢ່າງສິ້ນເຊິ່ງ. ຖະແຫຼງການດັ່ງກ່າວຖືກຍົກອອກມາ ກ່ອນທີ່ຈະດຳເນີນກອງປະຊຸມພິເສດຂອງສະພາຄວາມໝັ້ນຄົງ ສ.ປ.ຊ ເພື່ອປຶກສາຫາລືກ່ຽວກັບບັນດາໂຄງການນິວເຄຼຍຂອງ ແລະ ລູກສອນໄຟຂອງ ສ.ປ.ປ.ເກົາຫຼີຢູ່ນິວຢອກເມື່ອວັນທີ 28/4.
ເຖິງວ່າໄດ້ເພີ່ມທະວີບັນດາການກະທຳທາງທະຫານກໍຕາມ, ແຕ່ອຳນາດການປົກຄອງອາເມລິກາ ຫາກໍສົ່ງສານທີ່ສະແດງໃຫ້ເຫັນວ່າ ປະທານາທິບໍດີ Donal Trump ຫວັງຢາກກໍ່ກຳລັງກັນເພື່ອໃຫ້ພຽງຢາງ ຍົກເລີກໂຄງການນິວເຄຼຍຂອງ ແລະ ລູກສອນໄຟໂດຍຜ່ານການຮັດແໜ້ນບັນດາມາດຕະການລົງໂທດ. ວໍຊິງຕັນຈະສືບຕໍ່ນຳໃຊ້ບັນດາມາດຕະການທາງການທູດເພື່ອນຳພຽງຢາງກັບຄືນສູ່ການເຈລະຈາ. ແຕ່ການຜັນແປໃນ 2-3 ມື້ມໍ່ໆມານີ້ໃນແຫຼມເກົາຫຼີ ໄດ້ສະແດງໃຫ້ເຫັນວ່າ ບັນຍາກາດເຄັ່ງຕຶງຢູ່ນີ້ ຈະບໍ່ອາດຈະຫຼຸດຜ່ອນຢ່າງງ່າຍດາຍໄດ້ . /.