ນະຄອນໂຮ່ຈິມີນ
ຕາມໝາກຜົນແຫ່ງການສຳຫລວດຄົ້ນຄ້ວາຫວ່າງມໍ່ໆມານີ້ ຂອງບັນດາອົງການຄົ້ນຄວ້າການເງິນເສດຖະກິດສາກົນແລ້ວ, ໃນປີ 2012, ພາກພື້ນອາຊຽນ ຈະສືບຄໍ່ໄດ້ຮັບການຕີລາຄາວ່າ ແມ່ນພາກພື້ນທີ່ມີລະດັບຟືນຟູທາງດ້ານເສດຖະກິດຢ່າງວ່ອງໄວພາຍຫລັງວິກິດການ. ຄາດວ່າ 6 ປະເທດຂຶ້ນກັບອາຊຽນ ຊຶ່ງລວມມີ: ຫວຽດນາມ, ອິນໂດເນເຊຍ, ມາເລເຊຍ, ໄທ, ສິງກະໂປ ແລະ ຟິລິບປີນ ຈະມີລະດັບການຈະເລີນເຕີບໂຕປະມານ 6% ໃນຮອບເວລາ 5 ປີ ຈະມາເຖິງ. ໂດຍແມ່ນປະເທດຕັ້ງຢູ່ໃນພາກພື້ນພັດທະນາຢ່າງຂະຫຍັນຂັນເຄ່ືອນ, ຫວຽດນາມຖືກກຳນົດວ່າແມ່ນຄູ່ຮ່ວມມືບຸລິມະສິດໃນນະໂຍບາຍການຕ່າງປະເທດຂອງຫລາຍປະເທດໃນປີ 2012.
ຫວ່າງແລ້ວນີ້ ບໍລິສັດທີ່ປຶກສາສາກົນ A.T Keaarney ໄດ້ປະກາດບົດລາຍງານ“ດັດຊະນີຄວາມໄວ້ເນື້ອເຊື່ອໃຈກ່ຽວກັບການລົງທຶນໂດຍກົງຂອງຕ່າງປະເທດ (FDI) ໃນທົ່ວໂລກປີ 2011” ໂດຍຊີ້ໃຫ້ເຫັນວ່າ ບັນດາປະເທດອາຊີ, ໃນນັ້ນ ມີພາກພື້ນ ອາຊຽນ ແມ່ນຕະຫຼາດລົງທຶນທີ່ດູດດື່ມໃນປີ.
ເຖິງວ່າ ລະດັບຈະເລີນເຕີບໂຕຍັງຊັກຊ້າຢູ່ກໍ່ຕາມ, ແຕ່ຫວຽດນາມ ຍັງຄົງໄດ້ຮັບການຕີລາຄາຈາກບັນດານັກລົງທຶນວ່າແມ່ນປະເທດທີ່ມີສະພາບແວດລ້ອມແຫ່ງການລົງທຶນສະດວກພໍສົມຄວນ ຍ້ອນມີສະຖຽນລະພາບດ້ານການເມືອງ, ແຫລ່ງ ຊັບພະຍາກອນມະນຸດຫນຸ່ມ, ລາຍຈ່າຍຕ່ຳ, ມີຄວາມສາມາດບົ່ມຊ້ອນ ນຳມາຊຶ່ງຜົນປະໂຫຍດທີ່ດີໃຫ້ແກ່ບັນດານັກລົງທຶນ. ຕາມຕົວເລກສະຖິຕິຂອງອົງການສົ່ງເສີມການຄ້າຍີ່ປຸ່ນ (JETRO) ແລ້ວ, ຈຳນວນໂຄງການລົງທຶນຂອງວິສາຫະກິດຍີ່ປຸ່ນເຂົ້າຫວຽດນາມໃນປີ 2011 ໄດ້ເພີ່ມຂຶ້ນ 82% ເມື່ອທຽບໃສ່ປີ 2010 ແລະ ຄາດວ່າ ໃນປີນີ້ ບັນດາວິສາຫະກິດຍີ່ປຸ່ນຍັງຄົງແມ່ນນັກນັກທຸລະກິດທີ່ລົງທຶນຫຼາຍຢູ່ຫວຽດນາມ ແລະ ສຸມໃສ່ເຂົ້າໃນບັນດາຂົງເຂດຜະລິດ, ປະດິດສ້າງ, ການບໍລິການ..ທ່ານ Motonori Tsuno ຫົວຫນ້າຫ້ອງການຜູ້ຕາງຫນ້າການຮ່ວມມືສາກົນຍ່ີີປຸ່ນປະຈຳຫວຽດນາມໄດ້ຢືນຢັນວ່າ:
“ໃນພາກພື້ນອາຊີຕາເວັນອອກສ່ຽງໃຕ້ ຫວຽດນາມໄດ້ຮັບຖືວ່າແມ່ນຄູ່ຮ່ວມມືສຳຄັນຂອງຍີ່ປຸ່ນ ແລະ ສາຍພົວພັນນີ້ໄດ້ຮັບຮູ້ວ່າແມ່ນສາຍພົວພັນຄູ່ຮ່ວມມືຍຸດທະສາດ. ການພັດທະນາຂອງພາກພື້ນອາຊີຕາເວັນອອກສ່ຽງໃຕ້ກໍໄດ້ປະກອບສ່ວນເຂົ້າໃນການພັດທະນາຂອງຍີ່ປຸ່ນ ແລະ ຄວາມສະຖຽນລະພາບຂອງພາກພື້ນ, ໃນນັ້ນການພັດທະນາຂອງຫວຽດນາມແມ່ນສຳຄັນທີ່ສຸດ.”
ໂດຍແມ່ນຫນຶ່ງໃນ 4 ພື້ນຖານເສດຖະກິດຫາກໍພົ້ນເດັ່ນຂຶ້ນ ທີ່ພວມພັດທະນາຢ່າງແຂງແຮງ, ໃນນະໂຍບາຍມຸ້ງໄປເຖິງທິດຕາເວນອອກຂອງຕົນ, ອິນເດຍກໍຖືຫວຽດນາມແມ່ນທີ່ຕັ້ງສຳຄັນ. ປີ 2011 ກໍຄືຊຸມປີມໍ່ໆມານີ້ ການພົວພັນຄູ່ຮ່ວມມືຍຸດທະສາດ ຫວຽດນາມ ອິນເດຍ ໄດ້ຮັບການປັບປຸງ ແລະເປີດກວ້າງຢ່າງບໍ່ຢຸດຢັ້ງ. ການ ພົວພັນດ້ານການຄ້າສອງສົ້ນລ້ວນແຕ່ເພີ່ມຂຶ້ນໃນທຸກປີ ແລະ ອິນເດຍກາຍເປັນຫນຶ່ງໃນ 10 ຄູ່ຮ່ວມມືດ້ານການຄ້າໃຫຍ່ທີ່ສຸດຂອງຫວຽດນາມ ດ້ວຍວົງເງິນການຄ້າ 3.5 ຕຶ້ USDໃນປີ 2011. ປີ 2012 ຫວຽດນາມ ແລະ ອິນເດຍລະນຶກ 40 ປີ ແຫ່ງວັນສ້າງຕັ້ງສາຍພົວພັນທາງການທູດ ແລະ 5 ປີແຫ່ງວັນສ້າງຕັ້ງ “ສາຍພົວພັນຄູ່ຮ່ວມມືຍຸດທະສາດ”. ຄາດວ່າ ເດືອນ 7 ປີນີ້ ສາຍການບິນໂດຍກົງຫວຽດນາມ ອິນເດຍ ຈະໄດ້ຮັບການເປີດນຳໃຊ້ ແລະ ຈະສ້າງເງືອ່ນໄຂສະດວກໃຫ້ແກ່ການພົວພັນການຄ້າລະຫວ່າງສອງປະເທດກວ່າອີກ. ຕາມທ່ານ Krishna ລັດຖະມົນຕີການຕ່າງປະເທດ ອິນເດຍ ແລ້ວ, ປີ 2012 ແມ່ນປີຂີດໝາຍແຫ່ງການຍົກສາຍພົວພັນມິດຕະພາບລະຫວ່າງ ຫວຽດນາມ ແລະ ອິນເດຍຂຶ້ນສູ່ລະດັບສູງໃຫມ່.
“ອິນເດຍ ຖືການພົວພັນກັບຫວຽດນາມ ເປັນສຳຄັນ. ຍາມໃດ ອິນເດຍ ກໍປາດຖະຫນາຢາກເປີດກວ້າງ, ຍົກການພົວພັນຄູ່ຮ່ວມມືຍຸດທະສາດກັບຫວຽດນາມຂຶ້ນລະດັບສູງໃຫມ່, ຜ່ານບັນດາໂຄງການຮ່ວມມືຢ່າງລະອຽດ. ເລື່ອງອິນເດຍ ຮັບຮູ້ຫວຽດນາມແມ່ນພື້ນຖານເສດຖະກິດການຕະຫລາດ ແມ່ນການຮັບຮູ້ວ່າ ອິນເດຍແມ່ນຄູ່ຮ່ວມມືສຳຄັນຢູ່ຫວຽດນາມ ແລະ ໃນໂລກ. ຄາດວ່າ ຍອດວົງເງິນການຄ້າສອງສົ້ນລະຫວ່າງສອງປະເທດຈະບັນລຸ 6 - 7 ຕຶ້USD ໃນປີ 2015. ປະຈຸບັນ ມີວິສາຫະກິດອິນເດຍຫລາຍແຫ່ງລົງທຶນຢູ່ຫວຽດນາມ, ໃນນັ້ນມີວິສາຫະກິດໃຫຍ່ຫລາຍແຫ່ງຄື: ດຳເນີນທຸລະກິດໃນຂົງເຂດເຫລັກກ້າ. ປີນີ້ ຍັງສືບຕໍ່ຜັນຂະຫຍາຍບັນດາໂຄງການໃຫຍ່ໃນຂົງເຂດປຸງແຕ່ງກາເຟ, ຢາງພາລາ, ຜະລິດ ກາກບອນດຳ, ເຄມີ, ຟຸ່ນເຄມີ..”
ໃນການພົບປະກັບນັກຂ່າວຫວ່າງແລ້ວນີ້ ເນື່ອງໃນໂອກາດປີໃຫມ່, ເອກອັກຄະລັດຖະທູດ ລັດເຊຍ ປະຈຳຫວຽດນາມ Abdrei G Kovtun ໄດ້ເນັ້ນຫນັກວ່າ ສຳລັບລັດເຊຍແລ້ວ, ເລື່ອງພັດທະນາການພົວພັນກັບຫວຽດນາມຍັງແມ່ນຫນຶ່ງໃນບັນດາບຸລິມະສິດຕົ້ນຕໍໃນນະໂຍບາຍການຕ່າງປະເທດຂອງລັດເຊຍຢູ່ອາຊີເວົ້າລວມ ແລະ ພາກພື້ນອາຊີຕາເວັນອອກສຽງໃຕ້ເວົ້າສະເພາະ ແລະ ລັດເຊຍ ປາດຖະຫນາຢາກເພີ່ມທະວີການພົວພັນມິດຕະພາບ ແລະ ການຮ່ວມມືຫລາຍດ້ານກັບຫວຽດນາມ ພິເສດແມ່ນໃນຂົງເຂດເສດຖະກິດ, ການຄ້າ ແລະ ການລົງທຶນໃນປີ 2012 ແລະ ໃນ ຊຸມປີຕໍ່ໆໄປ. ເລື່ອງລັດເຊຍເຂົ້າເປັນສະມາຊິກຂອງອົງການການຄ້າໂລກ ກໍຄືຄວາມສາມາດລົງນາມໃນສັນຍາການຄ້າເສລີ ລະຫວ່າງ ພັນທະມິດພາສີລັດເຊຍ, Belarus, Kazacxtan ແລະ ຫວຽດນາມ ຈະສ້າງເງື່ອນໄຂເພີ່ມມູນຄ່າແລກປ່ຽນການຄ້າສອງຝ່າຍ ຫວຽດນາມ ລັດເຊຍໃນໄລຍະຈະມາເຖິງເພີ່ມຂຶ້ນກວ່າເກົ່າ.
“ລັດເຊຍ ແລະ ຫວຽດນາມ ໄດ້ລົງນາມໃນຂໍ້ຕົກລົງຮ່ວມມືຫລາຍສະບັບ. ປີ 2012 ຈະສືບຕໍ່ປະຕິບັດບັນດາຂໍ້ຕົກລົງນີ້ໃນຕົວຈິງ. ໃນສອງປີຜ່ານມາ ພວກເຮົາໄດ້ປະຕິບັດບັນດາໂຄງການທີ່ກ່ຽວຂ້ອງເຖິງໂຮງງານໄຟຟ້ານິວເຄຼຍແຫ່ງທຳອິດຂອງຫວຽດນາມ ສຳເລັດຜົນ ແລະ ພວກເຮົາຈະສືບຕໍ່ຍູ້ແຮງບັນຫານີ້. ນອກນັ້ນ ສອງຝ່າຍຈະຕັ້ງຫນ້າປຶກສາຫາລືເອກະສານທ່ີກ່ຽວຂ້ອງເຖິງເຂດການຄ້າເສລີ ລະຫວ່າງບັນດາປະເທດໃນພັນທະມິດພາສີສາມຝ່າຍ. ພິເສດປີ 2012 ລັດເຊຍ ໄດ້ຮັບຫນ້າທີ່ເປັນປະທານ APEC, ການຮ່ວມມືລະຫວ່າງລັດເຊຍ, ຫວຽດນາມ ແລະ ບັນດາປະເທດເຂົ້າຮ່ວມພັນທະມິດພາສີ ຈະປະກອບສ່ວນຫັນລະບຽບການດ້ານການຄ້າລະຫວ່າງບັນດາປະເທດເປັນງ່າຍດາຍກວ່າ.”
ຈຸດໃຈກາງຂອງເສດຖະກິດໂລກ ພວມມີທ່າອ່ຽງຫັນຈາກຝ່າຍຕາເວັນຕົກໄປສູ່ຝ່າຍຕາເວັນອອກ. ຄຽງຂ້າງນັ້ນ, ແມ່ນເລື່ອງຊຸກຍູ້ວິວັດການຫັນພື້ນຖານເສດຖະກິດພາກພື້ນອາຊີເປັນເອກະພາບ ຜ່ານບັນດາກົນໄກການຮ່ວມມື ອາຊຽນ + 3 ກັບຈີນ, ຍີ່ປຸ່ນ ແລະ ສເກົາຫລີ ກໍຄືເລື່ອງລົງນາມໃນສັນຍາການລົງທຶນພາຍໃນກຸ່ມ ແລະ ພາກພື້ນ, ສະນັ້ນ ທ່າອ່ຽງເຕີບໂຕການລົງທຶນເຂົ້າພາຍໃນພາກພື້ນຄາດວ່າກໍຈະເພີ່ມຂຶ້ນຢ່າງແຮງ. ດ້ວຍການພົວພັນອັນດີງາມກັບບັນດາປະເທດ, ບັນດາຄູ່ຮ່ວມມືໃຫຍ່ນັ້ນ ຈະແມ່ນເງື່ອນໄຂທີ່ສະດວກເພື່ອໃຫ້ຫວຽດນາມສາມາດຍາດແຍ່ງບັນດາກາລະໂອກາດທີ່ນຳມາໃຫ້ຈາກກົນໄກຮ່ວມມືເຫຼົ່ານີ້ ເພື່ອຮັບໃຊ້ໃຫ້ແກ່ວິວັດການພັດທະນາຂອງປະເທດຊາດ./.
ແອນຮ່ວຽນ