(vovworld)- ກອງປະຊຸມສຸດຍອດບັນດາການນຳເວທີປາໄສຮ່ວມມືເສດຖະກິດ ອາຊີ -ປາຊີຟີກ ຄັ້ງທີ 22 (ກອງປະຊຸມສຸດຍອດ APEC 22) ຖືກໄຂຂຶ້ນໃນວັນທີ 10/11 ຢູ່ ນະຄອນຫລວງ ປັກກີງ ປະເທດ ຈີນ. ທ່ານປະທານປະເທດຫວຽດນາມເຈືອງເຕີນຊາງ ນຳຫນ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມດັ່ງກ່າວ ເພື່ອສືບຕໍ່ເສີມຂະຫຍາຍບົດບາດແມ່ນສະມາຊິກຕັ້ງຫນ້າໃນ APEC, ປະກອບສ່ວນຢ່າງແທດຈິງເຂົ້າໃນບັນດາເນື້ອໃນທີ່ປຶກສາຫາລືຢູ່ກອງປະຊຸມຄັ້ງນີ້.
ທ່ານປະທານປະເທດ ເຈືອງເຕີນຊາງ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ
ກອງປະຊຸມສຸດຍອດ APEC 22 ປີນີ້ ມີຫົວຂໍ້ວ່າ: “ກຳນົດອະນາຄົດຜ່ານການຮ່ວມມື ອາຊີ- ປາຊີຟີກ”. ໃນເວລາ 2 ວັນ, ກອງປະຊຸມສຸດຍອດ APEC 22 ສຸມໃສ່ປຶກສາຫາລືບັນດາເນື້ອໃນຄື: ເຊື່ອມຈອດບັນດາສະມາຊິກພາຍໃນກຸ່ມ; ສ້າງເຂດການຄ້າເສລີ ອາຊີ - ປາຊີຟີກ(FTAAP) ແລະ ບັນດາເນື້ອໃນຮ່ວມມືດ້ານເສດຖະກິດ-ການຄ້າໃຫມ່. ຕາມການຕີລາຄາຂອງບັນດາຜູ້ຊ່ຽວຊານເສດຖະກິດໂລກແລ້ວ, ກອງປະຊຸມຄັ້ງນີ້ ດຳເນີນໄປຢູ່ປະເທດຈີນ ຊື່ງແມ່ນພື້ນຖານເສດຖະກິດພວມພັດທະນາຢ່າງແຂງແຮງ ເຮັດໃຫ້ບັນດາພື້ນຖານເສດຖະກິດສະມາຊິກ APEC ພວມຕັ້ງຄວາມຫວັງຫລາຍຢ່າງກ່ຽວກັບບາດກ້າວໃຫມ່, ກຳລັງຫນູນໃຫມ່ທີ່ບັນລຸໄດ້, ເປັນຕົ້ນໃນສະພາບປີ 2014, ສິ່ງທ້າທາຍກ່ຽວກັບການພັດທະນາ,ກ່ຽວກັບສະພາບແວດລ້ອມສັນຕິພາບໃນໂລກ ແລະ ພາກພື້ນ ຢ່າງຈະແຈ້ງ.
APEC ພາຍຫລັງໄລຍະ25 ປີແຫ່ງການສ້າງຕັ້ງ ແລະ ພັດທະນາ
APEC ໄດ້ຮັບການສ້າງຕັ້ງຂຶ້ນເມື່ອປີ 1989. ໃນ 25 ປີຜ່ານມາ, ຜ່ານເວທີປາໄສ, ພື້ນຖານເສດຖະກິດພາກພື້ນ ອາຊີ - ປາຊີຟີກ ໄດ້ມີບັນດາຜົນງານດີພໍສົມຄວນ, ລະອຽດ ໄດ້ຫລຸດຜ່ອນພາສີ 3 ຄັ້ງ, ການພົວພັນດ້ານການຄ້າພາຍໃນກຸ່ມເພື່ອຂຶ້ນທົບ 3 ເທົ່າ, ການພົບປະແລກປ່ຽນປະຊາຊົນ ແລະ ຫນັງສືຜ່ານແດນຂອງນັກທຸລະກິດໄດ້ຮັບການສ້າງເງື່ອນໄຂສະດວກທີ່ບໍ່ເຄີຍມີມາກ່ອນ, ສ້າງກຳລັງຫນູນໃຫຍ່ເພື່ອໃຫ້ APEC ແລະ ພາກພື້ນ ອາຊີ ປາຊີຟີກ ພັດທະນາຢ່າງຂະຫຍັນຂັນເຄື່ອນ. ທ່ານ ຫງວຽນເກີມຕູ, ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າຫວຽດນາມ ໃຫ້ຮູ້ວ່າ:
“APEC ມີບັນດາລາຍການແທດຈິງທີ່ສຸດ ເພ່ືອພັດທະນາດ້ານການຄ້າ, ຕົວຢ່າງຄື: ໄລຍະ 2010-2015, APEC ມີລາຍການຫລຸດຜ່ອນລາຍຈ່າຍ ແລະ ໄລຍະເວລາຕິດຕໍ່ພົວພັນ. APEC ກໍສ້າງເງື່ອນໄຂສະດວກໃຫ້ແກ່ການຕິດຕໍ່ພົວພັນຂອງບັນດາວິສາຫະກິດໃນການເຄື່ອນໄຫວດ້ານການຄ້າ. ນອກນັ້ນ APEC ຍັງມີລະບົບຂໍ້ມູນອຸດົມສົມບູນກ່ຽວກັບລະບອບນະໂຍບາຍ, ດ້ານການຄ້າຂອງປະເທດສະມາຊິກທັງໝົດ ຊ່ວຍໃຫ້ບັນດາວິສາຫະກິດເມື່ອສຳພັດກັບລະບົນຂໍ້ມູນນີ້ ສາມາດປະຢັດ ເວລາຊອກຮູ້ຕະຫລາດ, ຊອກຮູ້ກ່ຽວກັບລະບອບນະໂຍບາຍຂອງປະເທດສະມາຊິກໃນວິວັດການພົວພັນແລກປ່ຽນການຄ້າຂອງຕົນ. ນັ້ນແມ່ນບັນດາສິ່ງສຳຄັນທີ່ສຸດ ຊື່ງ APEC ໄດ້ສະຫນອງໃຫ້ແກ່ການພັດທະນາດ້ານການຄ້າຂອງພາກພື້ນ ອາຊີ ປາຊີຟີກ ໃນໄລຍະຜ່ານມາ.”
ປີ 2014 ເປັນຂີດໝາຍໄລຍະ 25 ປີແຫ່ງການສ້າງຕັ້ງ ແລະ 20 ປີ APEC ປະຕິບັດບັນດາຈຸດໝາຍກ່ຽວກັບຫັນການຄ້າ ແລະ ການລົງທຶນເປັນເສລີ ແລະ ສະດວກ. ສະນັ້ນ ກອງປະຊຸມສຸດຍອດ APEC 22 ນີ້ແມ່ນໂອກາດເພື່ອໃຫ້ APEC ພ້ອມກັນຫວນຄືນບັນດາຜົນງານທີ່ບັນລູໄດ້ພາຍຫລັງ 25 ປີແຫ່ງການຮ່ວມມື ແລະ ກຳນົດທິດພັດທະນາໃນໄລຍະຈະມາເຖິງ.
16 ປີທີ່ຫວຽດນາມແມ່ນສະມາຊິກຕັ້ງຫນ້າ
ຫວຽດນາມເຂົ້າຮ່ວມ APEC ເມື່ອປີ 1998. ເຂົ້າຮ່ວມ APEC ເປັນຂີດໝາຍແຫ່ງການຜັນຂະຫຍາຍໃນນະໂຍບາຍການຕ່າງປະເທດເປີດກ້ວາງ, ຫລາຍຮູບຫລາຍແບບ, ຫລາຍຝ່າຍ ແລະ ເຊື່ອມໂຍງເຂົ້າກັບສາກົນຂອງຫວຽດນາມ. 16 ປີ ເຂົ້າຮ່ວມ APEC, APEC ນັບມື້ນັບສະແດງໃຫ້ເຫັນແມ່ນກົນໄກຮ່ວມມືນຳມາເຊິ່ງຜົນປະໂຫຍດຫລາຍຢ່າງໃຫ້ແກ່ຫວຽດນາມ. ທ່ານ ຫງວຽນເກີມຕູ, ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າຫວຽດນາມ ໃຫ້ຮູ້ວ່າ:
“ໂດຍແມ່ນເວທີປາໄສເສດຖະກິດເປີດ, APEC ໄດ້ນຳມາເຊິ່ງບັນດາຂໍ້ຕົກລົງທີ່ບໍ່ມີລັກສະນະຄຳໝັ້ນສັນຍາ, ແມ່ນສ້າງຄວາມສະດວກໃຫ້ແກ່ບັນດາປະເທດທີ່ມີລະດັບການພັດທະນາຍັງຈຳກັດຄື: ຫວຽດນາມ ສາມາດເລືອກເຟັ້ນບັນດາເງື່ອນໄຂສະດວກເພື່ອເຂົ້າຮ່ວມ. APEC ຍັງມີບັນດາກົນໄກເພື່ອເຈລະຈາກ່ຽວກັບນະໂຍບາຍ, ພິເສດ ແມ່ນນະໂຍບາຍດ້ານການຄ້າ. ນັ້ນແມ່ນກົນໄກສະດວກທີ່ສຸດໃຫ້ແກ່ບັນດາປະເທດຄືຫວຽດນາມ, ດ້ານຫນຶ່ງແມ່ນປັບປຸງລະບອບນະໂຍບາຍດ້ານການຄ້າໂລກ ພ້ອມທັງປັບປຸງລະບອບນະໂຍບາຍໃຫ້ແກ່ຕົນເອງ.”
ກ້າວເຂົ້າສູ່ໄລຍະຍຸດທະສາດພັດທະນາໃຫມ່, ອາຊີ - ປາຊີຟີກ ເວົ້າລວມ ແລະ ເວທີປາໄສ APEC ເວົ້າສະເພາະ ຍິ່ງມີຄວາມໝາຍສຳຄັນພິເສດສຳລັບຫວຽດນາມ. ນີ້ແມ່ນພາກພື້ນ ຍາມໃດກໍຕິດພັນຢ່າງແຫນ້ນແຟ້ນກັບການພັດທະນາຂອງຫວຽດນາມ ໃນທຸກຂົງເຂດຄື: ເສດຖະກິດ, ການຕ່າງປະເທດ ,ການປ້ອງກັນຄວາມສະຫງົບ ແລະ ພັດທະນາ. ທ່ານ ບູ່ຍແທງເຊີນ, ລັດຖະມົນຕີຊ່ວຍການການກະຊວງການຕ່າງປະເທດຫວຽດນາມ ຢືນຢັນວ່າ:
“APEC ແມ່ນພາກພື້ນມີຜົນປະໂຫຍດຕໍ່ຫວຽດນາມ, ກວມປະມານ 65% ຍອດຈຳນວນທຶນຂອງບັນດາປະເທດລົງທຶນເຂົ້າຫວຽດນາມ. 60% ສິນຄ້າສົ່ງອອກຂອງຫວຽດນາມ ເຂົ້າບັນດາປະເທດສະມາຊິກ ຂອງ APEC, 70% ຈຳນວນນັກທ່ອງທ່ຽວຕ່າງປະເທດເຂົ້າຫວຽດນາມ ແມ່ນມາຈາກບັນດາປະເທດສະມາຊິກ APEC. ນີ້ກໍແມ່ນພາກພື້ນທີ່ພວກເຮົາມີເຄືອຂ່າຍການພົວພັນຄູ່ຮ່ວມມືຍຸດທະສາດ, ຄູ່ຮ່ວມມືຮອບດ້ານກັບຫລາຍປະເທດສະມາຊິກ. ດ້ວຍຄວາມຮັບຮູ້ຄືດັ່ງກ່າວພວກເຮົາໄດ້ເປັນເຈົ້າການເຂົ້າຮ່ວມ APEC ຢ່າງຕັ້ງຫນ້າ.”
ສືບຕໍ່ເສີມຂະຫຍາຍບັນດາການປະກອບສ່ວນຢ່າງຕັ້ງຫນ້າໃນ APEC, ໃນ 2 ວັນດຳເນີນ ກອງປະຊຸມ APEC 22, ທ່ານປະທານປະເທດ ເຈືອງເຕີນຊາງ ໄດ້ເຂົ້າຮ່ວມບັນດາວາລະປະຊຸມຄົບຄະນະ, ເຈລະຈາຕາມຫນ່ວຍ, ພົບປະຂັ້ນສູງ, ພົບປະສອງຝ່າຍກັບການນຳບັນດາພື້ນຖານເສດຖະກິດສະມາຊິກ ເພື່ອສືບຕໍ່ຜັນຂະຫຍາຍແນວທາງການຕ່າງປະເທດເປັນເຈົ້າການ, ຕັ້ງຫນ້າ ເຊື່ອມໂຍງເຂົ້າກັບສາກົນ, ສະແດງໃຫ້ເຫັນນະໂຍບາຍຖືເປັນສຳຄັນ ແລະ ເສີມຂະຫຍາຍບົດບາດທີ່ບັນດາກົນໄກຮ່ວມມືຢູ່ ອາຊີ ປາຊີຟີກ, ເພີ່ມທະວີການພົວພັນສອງຝ່າຍ ລະຫວ່າງຫວຽດນາມ ກັບບັນດາປະເທດສະມາຊິກຫລັກແຫລ່ງຂອງ APEC. ນີ້ກໍແມ່ນໂອກາດເພື່ອໃຫ້ຫວຽດນາມ ຍາດແຍ່ງບັນດາລາຍການຮ່ວມມືເໝາະສົມຂອງ APEC ເພື່ອປະກອບສ່ວນຮັກສາເສດຖະກິດມະຫາພາກເປັນປົກກະຕິ, ຮັບໃຊ້ບັນດາຈຸດໝາຍພັດທະນາເສດຖະກິດ ສັງຄົມ, ປ່ຽນໃຫມ່ຮູບແບບການຈະເລີນເຕີບໂຕຢູ່ຫວຽດນາມ, ພິເສດແມ່ນບາດກ້າວກະກຽມເພື່ອໃຫ້ຫວຽດນາມ ເປັນເຈົ້າພາບຈັດຕັ້ງກອງປະຊຸມສຸດຍອດ APEC 24 ໃນປີ 2015.