ຫວຽດນາມບຸລິມະສິດຊຸກຍູ້ສິດທິມະນຸດຂອງກຸ່ມຄົນມີຄວາມສ່ຽງ

(VOVWORLD) - ຫວຽດນາມ ໃຫ້ຄຳໝັ້ນສັນຍາປົກປ້ອງ ແລະ ຊຸກຍູ້ສິດທິມະນຸດ, ສະຫງວນບຸລິມະສິດໃຫ້ບັນດາກຸ່ມຄົນມີຄວາມສ່ຽງໃນສັງຄົມ ແລະ ສືບຕໍ່ມານະພະຍາຍາມຟື້ນຟູເສດຖະກິດພາຍຫລັງໂລກລະບາດໂຄວິດ 19, ມຸ່ງໄປເຖິງປະຕິບັດບັນດາເປົ້າໝາຍພັດທະນາແບບຍືນຍົງ (SDG) ຂອງສະຫະປະຊາຊາດຢ່າງສຳເລັດຜົນ. ນັ້ນແມ່ນຄຳຢືນຢັນໂດຍມີພື້ນຖານຕົວຈິງຂອງຄະນະຜູ້ແທນຫວຽດນາມ ທີ່ກອງປະຊຸມຄັ້ງທີ 44 ຂອງສະພາສິດທິມະນຸດ ສປຊ ຊື່ງຫາກໍ່ດຳເນີນໄປຢູ່ ເຊີແນວ.

ທີ່ບັນດາວາລະປຶກສາຫາລືຂອງສະພາສິດທິມະນຸດກ່ຽວກັບຜົນກະທົບຈາກໂລກລະບາດໂຄວິດ 19 ແລະການປ່ຽນແປງຂອງດິນຟ້າອາກາດສຳລັບບາງ ກຸ່ມຄົນມີຄວາມສ່ຽງໃນສັງຄົມ, ຄະນະຜູ້ແທນຫວຽດນາມ ຢືນຢັນວ່າ ຫວຽດນາມໄດ້ສ້າງຫລາຍນະໂຍບາຍ ແລະບັນລຸໄດ້ຫລາຍໝາກຜົນແທ້ຈິງໃນການປົກປ້ອງ ແລະຊຸກຍູ້ສິດທິມະນຸດ ພິເສດ ແມ່ນກຸ່ມຄົນຖືກຄວາມສ່ຽງສູງກວ່າໝູ່ໃນສັງຄົມ ຖືກຕ້ອງຕາມຄຳໝັ້ນສັນຍາຂອງຫວຽດນາມມໃນບັນດາສົນທິສັນຍາສາກົນກ່ຽວກັບສິດທິມະນຸດ.

ຫວຽດນາມບຸລິມະສິດຊຸກຍູ້ສິດທິມະນຸດຂອງກຸ່ມຄົນມີຄວາມສ່ຽງ - ảnh 1 ທ່ານນາງ ເລທິຕວຽດມາຍ ຫົວຫນ້າຄະນະຜູ້ຕາງຫນ້າຫວຽດນາມຢູ່ ເຊີແນວ

ພາບ:TTXVN

ຮັບປະກັນສິດທິມະນຸດໃນໄລຍະເກີດໂລກລະບາດໂຄວິດ 19

ໂລກລະບາດໂຄວິດ 19 ໄດ້ ແລະພວມສົ່ງຜົນກະທົບຫຍໍ້ທໍ້ເຖິງປະຊາຊົນທຸກຄົນໃນທົ່ວໂລກ, ໃນນັ້ນ ມີຄົນງານ, ຜູ້ທຸກຍາກ, ກຸ່ມຄົນມີຄວາມສ່ຽງ. ຫວຽດນາມໄດ້ມີຄວາມມານະພະຍາຍາມຫລາຍຢ່າງໃນການຮັບປະກັນຄວາມດຸ່ນດ່ຽງລະຫວ່າງການປະຕິບັດບັນດາມາດຕະການຮີບດ່ວນເພື່ອປ້ອງກັນ ສະກັດກັ້ນ ໂລກລະບາດໂຄວິດ 19 ແລະເຄົາລົບບັນດາຄຳໝັ້ນສັນຍາ, ພັນທະດ້ານນິຕິກຳຂອງຕົນ ຕາມການກຳນົດຂອງກົດໝາຍສາກົນ ແລະລັດຖະທຳມະນູນ, ກົດໝາຍຂອງຊາດ.

ຫວຽດນາມ ໄດ້ລະດົມການເຂົ້າຮ່ວມຂອງທົ່ວລະບົບການເມືອງ ແລະປະຊາຊົນ ເພື່ອປະຕິບັດສິດໄດ້ຮັບການປົກປ້ອງ ແລະເບິ່ງແຍງດູແລສຸຂະພາບໃຫ້ປະຊາຊົນເມື່ອເກີດໂລກພະຍາດອັນຕະລາຍ. ລັດຖະບານກໍ່ປະຕິບັດບັນດາມາດຕະການຢ່າງຂ້ຽວຂາດເພື່ອຮັບປະກັນໃຫ້ປະຊາຊົນທຸກຄົນລ້ວນແຕ່ໄດ້ສຳຜັດກັບບັນດາ ຮາກຖານສາທາລະນະສຸກ,ບໍລິການການແພດ ແລະຮັບປະກັນໄດ້ສຳຜັດກັບການກວດ ປິ່ນປົວພະຍາດໂດຍບໍ່ເສຍຄ່າສຳລັບຜູ້ຕິດ ເຊື້ອໂຄວິດ 19.

ຍິ່ງກວ່ານັ້ນ ປະຊາຊົນຫວຽດນາມ ມີສິດໄດ້ສຳຜັດກັບແຫລ່ງຂ່າວທາງການຂອງລັດຖະບານ, ກະຊວງສາທາລະນະສຸກໃນໄລຍະເກີດ ໂລກລະບາດໂຄວິດ 19. ປະຊາຊົນໄດ້ຮັບຂໍ້ມູນຂ່າວຢ່າງຄົບຖ້ວນ ແລະອັບເດດຂ່າວຄາວກ່ຽວກັບສະພາບການໂລກລະບາດຢູ່ຫວຽດນາມແລະໃນໂລກ, ມາດຕະການປ້ອງກັນ ສະກັດກັ້ນໂລກລະບາດ ຜ່ານພາຫະນະສື່ມວນຊົນທີ່ແຕກຕ່າງກັນ ນັບທັງສື່ສັງຄົມອອນລາຍ, ຂໍ້ຄວາມທາງໂທລະສັບມືຖື.

 ຫວຽດນາມ ກໍ່ຜັນຂະຫຍາຍບັນດາຊ່ອງຂໍ້ມູນເພື່ອຮັບເອົາຄຳເຫັນປະກອບ, ຄຳກ່າວເຕືອນຂອງຜູ້ຊ່ຽວຊານ, ບັນດາກະຊວງ, ຂະແຫນງການ ແລະ ປະຊາຊົນກ່ຽວກັບບັນດາຂໍ້ສະເຫນີ ຂໍ້ລິເລີ່ມ ການປ້ອງກັນສະກັດກັ້ນໂລກລະບາດ. ເປີດເຜີຍຂໍ້ມູນຂ່າວສານ, ເພີ່ມທະວີບັນດາບໍລິການສາທາລະນະທາງອອນລາຍ ເປັນການສະແດງໃຫ້ເຫັນຢ່າງຈະແຈ້ງ ແລະ ຖືກກັບຄວາມຈິງກ່ຽວກັບເລື່ອງຮັບປະກັນສິດຂອງປະຊາຊົນຫວຽດນາມ ໃນສະພາບເກີດໂລກລະບາດໂຄວິດ 19.

 ບໍ່ມີໃຜຖືກປະໄວ້ຢູ່ທາງຫລັງ.

ໄປຄຽງຄູ່ກັບບັນດາມາດຕະການດ້ານສາທາລະນະສຸກກ່ຽວກັບການປອ້ງກັນ ສະກັດກັ້ນໂລກລະບາດ, ຫວຽດນາມ ໄດ້ຮັບຮອງເອົາ ແລະ ປະຕິບັດບັນດາລາຍການ, ນະໂຍບາຍຫນູນຊ່ວຍເພື່ອຫລຸດຜ່ອນຜົນກະທົບຫຍໍ້ທໍ້ຈາກໂລກລະບາດໂຄວິດ 19, ພິເສດ ສຳລັບບາງ ກຸ່ມຄົນມີຄວາມສ່ຽງ.

 ມາດຕະການແຍກຫ່າງໃນສັງຄົມ, ການແຍກຕົວ ແລະ ປິດລ້ອມເພື່ອປ້ອງກັນ ສະກັດກັ້ນໂລກລະບາດ ກໍ່ໄດ້ປະຕິບັດຢ່າງລອບຄອບຖີ່ຖ້ວນ,  ພິເສດ ສຳລັບກຸ່ມຄົນຄື: ເດັກນ້ອຍ, ຜູ້ຖືກວ່າງງານ, ແມ່ຍິງ, ຄົນພິການ, ບັນດາກຸ່ມຄົນຢູ່ເຂດຊົນເຜົ່າສ່ວນຫນ້ອຍ ເຂດຫ່າງໄກ, ສອກຫລີກ. ນອກຈາກ ບັນດາມາດຕະການຮັບມືກັບໂລກລະບາດແລ້ວ, ລັດຖະບານຫວຽດນາມ ຍັງໄດ້ຜັນຂະຫຍາຍບ້ວງເງິນຫນູນຊ່ວຍສະຫວັດດີການສັງຄົມແບບບໍ່ເຄີຍມີມາກ່ອນ ດ້ວຍຍອດງົບປະມານກວ່າ 62.000 ຕື້ດົງ (ປະມານ 2,7 ຕື້ USD). ມີປະຊາຊົນປະມານ 20 ລ້ານຄົນ ຂຶ້ນກັບ 7 ກຸ່ມຄົນ ພິເສດແມ່ນກຸ່ມຄົນຖືກຄວາມສ່ຽງສູງກວ່າໝູ່ ນັບແສນໆຄົນໄດ້ຊົມໃຊ້ບ້ວງເງິນຫນູນຊ່ວຍນີ້ຢ່າງແທດຈິງ.

         ໂລກລະບາດໂຄວິດ 19 ບໍ່ພຽງແຕ່ແມ່ນສິ່ງທົດສອບສຳລັບລະບົບສາທາລະນະສຸກຂອງແຕ່ລະປະເທດເທົ່ານັ້ນຫາກກວ້າງກວ່ານັ້ນແມ່ນ ສິ່ງທົດສອບສຳລັບລະບົບແນວຄິດ, ຄຸນຄ່າ ແລະ ລະບອບນະໂຍບາຍຂອງປະເທດນັ້ນ.ຫວຽດນາມໄດ້ມີນະໂຍບາຍ ການກະທຳຮັບມືຢ່າງຮອບດ້ານ ບໍ່ພຽງແຕ່ດ້ານສາທາລະນະສຸກເທົ່ານັ້ນ ຫາກນັບທັງດ້ານການເມືອງ, ເສດຖະກິດ ສັງຄົມ. ນີ້ເປັນສິ່ງພິສູດໃຫ້ເຫັນຢ່າງຈະແຈ້ງຄວາມມານະພະຍາຍາມຂອງຫວຽດນາມ ໃນການເຄົາລົບ,ປົກປ້ອງ ແລະ ປະຕິບັດສິດທິມະນຸດ.

ຕອບກັບ

ຂ່າວ/ບົດ​ອື່ນ