(VOVWORLD) - ໄລຍະຜ່ານມາ,ເຖິງວ່າເສດຖະກິດໂລກມີການຜັນແປຢ່າງສັບສົນກໍ່ຕາມ, ແຕ່ GDP ຂອງຫວຽດນາມຍັງຄົງບັນລຸລະດັບເຕີບໂຕດີພໍສົມຄວນ; ການດຸ່ນດ່ຽງໃຫຍ່ໄດ້ຮັບປະກັນ; ດັດຊະນີສະພາບແວັດລ້ອມແຫ່ງການດໍາເນີນທຸລະກິດເພີ່ມຂຶ້ນ12%,ເຊິ່ງເປັນລະດັບສູງສຸດນັບຕັ້ງແຕ່ ໂຄວິດ-19 ລະບາດຮອບທີສີ່. ບັນດາອົງການສາກົນຄາດຄະເນວ່າ ການເຕີບໂຕ GDP ຂອງຫວຽດນາມ ປີນີ້ເຕີບໂຕແຕ່ 5,3 – 6,5% ເຊິ່ງແມ່ນລະດັບຕ່ຳເມື່ອທຽບໃສ່ໄລຍະກ່ອນທີ່ເກີດໂລກລະບາດ Covid-19, ແຕ່ຍັງຄົງແມ່ນ ສັນຍານຢືນຢັນ: ປະຊາຄົມວິສາຫະກິດສາກົນເຊື່ອໝັ້ນຕໍ່ອະນາຄົດເສດຖະກິດຂອງຫວຽດນາມຈະດີຂຶ້ນໃນລະບົບມູນຄ່າທົ່ວໂລກ.

(VOVWORLD) -ມາທິຈູ, ເກີດປີ 1991, ເປັນນາງສາວຊາວເຜົ່າມົ້ງ ຢູ່ເທດສະບານເມືອງ ເມື່ອງເຄືອງ, ລາວກາຍ, ປັດຈຸບັນ ເປັນເຈົ້າຂອງຂອງສະຫະກອນກະສິກຳ 3 ແຫ່ງ. ໂດຍກຳເນີດ ແລະ ເຕີບໃຫຍ່ຢູ່ເຂດພູສູງຂອງຕາແສງ ຕາງ່າຍໂຈ ແລະ ໄດ້ຜ່ານຄາວເຍົາໄວທີ່ທຸກຍາກລຳບາກນັ້ນ, ໄດ້ເຮັດໃຫ້ ມາທິຈູ ຕັດສິນໃຈບືນຕົວຂຶ້ນຫຼຸດພົ້ນອອກຈາກຄວາມທຸກຍາກ. ກໍເລີ່ມແຕ່ນັ້ນມາ, ຈູ ໄດ້ເລີ່ມເຄື່ອນໄຫວໃນຂົງເຂດກະສິກຳ. ລາວໄດ້ໝູນໃຊ້ເຕັກໂນໂລຢີດີຈີຕອນເພື່ອຈຳໜ່າຍຜະລິດຕະພັນກະເສດ ແລະ ປຸງແຕ່ງບັນດາຜະລິດຕະພັນກະເສດຂອງທ້ອງຖິ່ນ, ຊ່ວຍພໍ່ແມ່ພີ່ນ້ອງອຸ່ນອ່ຽນໃຈພັດທະນາການຜະລິດ.

(VOVWORLD) -ວັນທີ 19 ເມສາຜ່ານມາ, ທ່ານນາຍົກລັດຖະມົນຕີຫວຽດນາມໄດ້ເຊັນຂໍ້ຕົກລົງອະນຸມັດຍຸດທະສາດການນຳເຂົ້າສົ່ງອອກສິນຄ້າຮອດປີ 2030 ດ້ວຍເປົ້າໝາຍນຳເຂົ້າສົ່ງອອກແບບຍືນຍົງດ້ວຍໂຄງປະກອບດຸນດ່ຽງ, ກົມກຽວ, ເສີມຂະຫຍາຍທ່າໄດ້ປຽບການແກ້ງແຍ້ງ, ພັດທະນາເຄື່ອງໝາຍສິນຄ້າຫວຽດນາມ, ຍົກສູງທີ່ຕັ້ງບົດບາດຂອງປະເທດຊາດໃນລະບົບມູນຄ່າທົ່ວໂລກ,ແມ່ນກຳລັງຫນູນຂອງການເຕີບໂຕດ້ານເສດຖະກິດຢ່າງວ່ອງໄວແລະຍືນຍົງ. ໃນຍຸດທະສາດນີ້ ລັດຖະບານກໍ່ໄດ້ກຳນົດວິວັດການແລະບາດກ້າວເດີນຢ່າງລະອຽດກ່ຽວກັບການສົ່ງອອກ, ນຳເຂົ້າໃຫ້ແກ່ແຕ່ລະໄລຍະ(2021-2025 ແລະ 2025-2030), ພ້ອມທັງວາງອອກບັນດາມາດຕະການເພື່ອຜັນຂະຫຍາຍການປະຕິບັດ.

(VOVWORLD) -ຄວາມສາມາດບົ່ມຊ້ອນປະຢັດພະລັງງານ ຢູ່ ຫວຽດນາມ ແມ່ນໃຫຍ່ຫລວງ, ພິເສດ ແມ່ນຄວາມບົ່ມຊ້ອນປະຢັດພະລັງງານໃນບັນດາຂະແຫນງອຸດສາຫະກຳຢູ່ ຫວຽດນາມ. ມີຫລາຍການວິເຄາະໄດ້ຊີ້ອອກບັນດາຜົນປະໂຫຍດອັນໃຫຍ່ຫລວງ ນັບທັງດ້ານເສດຖະກິດ ແລະ ສິ່ງແວດລ້ອມ ຂອງການປະຢັດພະລັງງານໃນບັນດາຂະແຫນງອຸດສາຫະກຳ. ໂດຍຮັບຮູ້ໄດ້ຄວາມສຳຄັນຂອງບັນຫານີ້, ໃນໄລຍະຜ່ານມາ ກະຊວງອຸດສາຫະກຳການຄ້າ ແລະບັນດາກະຊວງ, ຂະແຫນງການ, ອົງການທີ່ກ່ຽວຂ້ອງ ໄດ້ຜັນຂະຫຍາຍຫລາຍບາດກ້າວສຳຄັນ, ໃນນັ້ນ ມີການຮ່ວມມືກັບບັນດາອົງການຈັດຕັ້ງສາກົນ ເພື່ອຊຸກຍູ້ທິດກ້າວເດີນນີ້.

(VOVWORLD) -ປີ 2020 ຄຸນຄ່າເຄື່ອງໝາຍການຄ້າແຫ່ງຊາດ ຫວຽດນາມ ເພີ່ມ 29%, ຫຍັບຂຶ້ນ 9 ຂັ້ນ ຢືນອັນດັບ 33 ໃນ TOP 100 ເຄື່ອງໝາຍການຄ້າແຫ່ງຊາດທີ່ມີຄຸນຄ່າກວ່າໝູ່ໃນໂລກ ແລະ ຍັງຄົງຮັກສາອັນດັບນີ້ໃນປີ 2021 ໂດຍບໍ່ຫົວຊາຕໍ່ຄວາມຫຍຸ້ງຍາກຈາກໂລກລະບາດໂຄວິດ 19. ປີ 2021 ຄຸນຄ່າເຄື່ອງໝາຍແຫ່ງຊາດ ຫວຽດນາມ ສືບຕໍ່ເພີ່ມຂຶ້ນ 21,6% ເມື່ອທຽບໃສ່ປີ 2020, ຈາກ 319 ຕື້ USD ຂຶ້ນເຖິງ 388 ຕື້ USD. ສິ່ງນີ້ສືບຕໍ່ຢັ້ງຢືນທີ່ຕັ້ງບົດບາດ ແລະ ປະສິດທິຜົນຂອງຍຸດທະສາດກໍ່ສ້າງ ແລະ ພັດທະນາໂຄງການເຄື່ອງໝາຍການຄ້າແຫ່ງຊາດ ຫວຽດນາມ ຈາກບັນດານັກຄຸ້ມຄອງຕະຫລອດຮອດ ປະຊາຄົມວິສາຫະກິດ.

(VOVWORLD) -ໂລກລະບາດໂຄວິດ - 19 ແຜ່ລະບາດ ໄດ້ເຮັດໃຫ້ແຫຼ່ງຊັບພະຍາກອນມະນຸດຖືກຕັດຕອນລະບົບສະໜອງແຮງງານ. ໃນຂະນະນັ້ນ, ຄວາມຕ້ອງການຮັບສະໜັກແຮງງານທີ່ໄດ້ຮັບການບຳລຸງສ້າງຂອງວິສາຫະກິດແມ່ນຫຼວງຫຼາຍທີ່ສຸດ. ນີ້ແມ່ນໂອກາດເພື່ອໃຫ້ຮາກຖານສຶກສາວິຊາຊີບສົ່ງນັກຮຽນ, ນັກສຶກສາ, ໂດຍສະເພາະແມ່ນນັກສຶກສາປີສຸດທ້າຍເຂົ້າວິສາຫະກິດຝຶກງານ ແລະ ໜູນຊ່ວຍການຜະລິດ ແນໃສ່ຟື້ນຟູຕະຫຼາດແຮງງານ.

(VOVWORLD) -ແຕ່ວັນທີ 15 ມີນາປີ 2022, ຫວຽດນາມໄດ້ທົດລອງເປີດປະຕູຕ້ອນຮັບນັກທ່ອງທ່ຽວສາກົນແລະຮອດວັນທີ 1 ພຶດສະພາປີ 2022 ຫວຽດນາມໄດ້ເປີດປະຕູການທ່ອງທ່ຽວທັງໝົດເພື່ອຮັບໃຊ້ນັກທ່ອງທ່ຽວສາກົນ. ໃນເງື່ອນໄຂເປັນປົກກະຕິໃຫມ່, ຫວຽດນາມໄດ້ຍົກເລີກຫລາຍຂໍ້ກຳນົດສຳລັບນັກທ່ອງທ່ຽວສາກົນເມື່ອມາທ່ຽວຢູ່ຫວຽດນາມ.

(VOVWORLD) -ດຶງດູດການລົງທຶນແມ່ນຂົງເຂດສຳຄັນພິເສດ ພວມໄດ້ຮັບການບຸລິມະສິດແຖວຫນ້າໃນຍຸດທະສາດພັດທະນາເສດຖະກິດ ສັງຄົມຈາກບັນດາແຂວງ, ນະຄອນ. ເຖິງຢ່າງໃດກໍຕາມ, ບໍ່ແມ່ນແຂວງ, ນະຄອນໃດກໍ່ປະສົບຜົນສຳເລັດ ແລະ ຮັບຕ້ອນວິສາຫະກິດຢູ່ພາຍໃນປະເທດ ແລະ ຕ່າງປະເທດມາລົງທຶນ. ດ້ວຍວິທີເຮັດຢ່າງມີຫົວຄິດປະດິດສ້າງ ແລະ ວິໄສທັດຍຸດທະສາດ ແລະ ເປັນລະບົບ, ມີຫລາຍແຂວງ, ນະຄອນ ໄດ້ປະສົບຜົນສຳເລັດໃນຂົງເຂດນີ້ ດຶງດູດການລົງທຶນຢ່າງແຮງເພື່ອຮັບໃຊ້ການພັດທະນາເສດຖະກິດ ສັງຄົມຂອງທ້ອງຖິ່ນ.

(VOVWORLD) -Sun Startups ເຊິ່ງເປັນ Startup Studio (ອູ່ startup) ສັງກັດກຸ່ມບໍລິສັດ Sun Asterish ຫວຽດນາມ ຫາກໍ່ປະກາດຮູບແບບກໍ່ຕັ້ງ startup ໄລຍະ 2022 – 2025 ຢູ່ ຮ່າໂນ້ຍ. ນີ້ແມ່ນຄັ້ງທຳອິດຢູ່ ຫວຽດນາມ ທີ່ມີໂຄງການກໍ່ຕັ້ງ startup ດ້ວຍການເຕົ້າໂຮມທັງ 3 ແຫຼ່ງກຳລັງຢ່າງຄົບຖ້ວນນັ້ນແມ່ນ ເຕັກໂນໂລຢີ - ທຶນຮອນ - ຕະຫຼາດ, ອັນໄດ້ສະແດງໃຫ້ເຫັນວ່າ ຕະຫຼາດ startup ຫວຽດນາມ ແມ່ນຈຸດນັດພົບທີ່ກອງທຶນລົງທຶນຕ່າງໆນິຍົມຊົມຊອບ.

(VOVWORLD) -ມີຫລາຍອົງການເສດຖະກິດສາກົນຄື: ທະນາຄານໂລກ, ກອງທຶນເງິນຕາສາກົນ, Fitch Rating ໄດ້ໃຫ້ຂໍ້ສັງເກດວ່າ ລະດັບການເຕີບໂຕເສດຖະກິດຂອງຫວຽດນາມໃນປີ 2022 ອາດຈະບັນລຸ 6,5% ແມ່ນຖືກກັບຄາດໝາຍຂອງລັດຖະບານ ຫວຽດນາມ ທີ່ໄດ້ວາງອອກ. ເສດຖະກິດ ຫວຽດນາມ ພວມຟື້ນຕົວ ແລະ ມີຄວາມສະດວກຫລາຍຢ່າງເພື່ອພັດທະນາແບບຍືນຍົງໃນໄລຍະຈະມາເຖິງ.