(VOVWORLD) -ຫວຽດນາມໄດ້ ແລະພວມຮັບມືຢ່າງໄຫວພິບ, ປອດໄພສົມທົບກັບການປ້ອງກັນຕ້ານໂລກລະບາດໂຄວິດ 19 ຢ່າງມີປະສິດທິຜົນ; ກິດຈະການຟື້ນຟູເສດຖະກິດປະເທດຊາດບັນລຸໄດ້ຫລາຍໝາກຜົນຕັ້ງຫນ້າດີພໍສົມຄວນ. ເຖິງຢ່າງໃດກໍຕາມ, ສະພາບການດ້ານການເມືອງແລະເສດຖະກິດໂລກພວມມີການຜັນແປຫລາຍຢ່າງຍາກທີ່ຈະຄາດຄະເນໄດ້ ເຮັດໃຫ້ລະບົບສະຫນອງທົ່ວໂລກ ພວມຖືກຕັດຕອນ, ສ້າງສິ່ງທ້າທາຍໃຫຍ່ຫລວງ ແຕ່ພ້ອມກັນນັ້ນກໍ່ມີຫລາຍກາລະໂອກາດໃຫມ່ເພື່ອໃຫ້ປະເທດຊາດບືນຕົວຂຶ້ນພັດທະນາຢ່າງເຂັ້ມແຂງກວ່າ. ນີ້ກໍແມ່ນໂອກາດເພື່ອໃຫ້ປະຊາຄົມວິສາຫະກິດ, ປະຊາຊົນສະແດງໃຫ້ເຫັນເຈດຈຳນົງບືນຂຶ້ນ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງພ້ອມກັນຄວາມຄາດຫວັງການພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ, ສັນຕິສຸກ.

(VOVWORLD) -ໄລຍະຜ່ານມາ, ມີວິສາຫະກິດຫລາຍແຫ່ງຢູ່ ນະຄອນ ໂຮ່ຈີມິນ ໄດ້ສຸມໃສ່ລົງທຶນຢ່າງແຮງເຂົ້າໃນຂົງເຂດກະສິກຳ ແລະ ຜະລິດຕະພັນກະເສດ, ປະກອບສ່ວນຫລາຍພໍສົມຄວນໃນການຍົກສູງມູນຄ່າເສດຖະກິດໃຫ້ແກ່ບັນດາຜະລິດຕະພັນກະເສດ ກໍ່ຄືລາຍຮັບຂອງຊາວກະສິກອນຢູ່ບໍລິເວນນະຄອນ ແລະ ເຂດໃກ້ຄຽງ.

(VOVWORLD) -ໂລກລະບາດໂຄວິດ - 19 ໄດ້ສົ່ງຜົນກະທົບຢ່າງແຮງຕໍ່ການປ່ຽນແປງຄວາມຊິນເຄີຍໃນການຊື້ເຄື່ອງຂອງຜູ້ບໍລິໂພກ ຫວຽດນາມ. ໃນສະພາບການນັ້ນ, ການຄ້າເອເລັກໂຕນິກພັດທະນາເໝືອນດັ່ງຄວາມຈຳເປັນເພື່ອຕອບສະໜອງການຫັນປ່ຽນນີ້. ນີ້ກໍແມ່ນໂອກາດເພື່ອໃຫ້ວິສາຫະກິດ startup ຫວຽດນາມ ເຂົ້າຮ່ວມການດຳເນີນທຸລະກິດໃນຂົງເຂດການຄ້າເອເລັກໂຕນິກ.

(VOVWORLD) -ກຳລັງບົ່ມຊ້ອນດ້ານເສດຖະກິດ, ກຳລັງຄວາມສາມາດການບໍລິຫານ ແລະ ຈິນຕະນາການ - ຄວາມຄິດໃຫຍ່ຂອງນັກທຸລະກິດ ໄດ້ສ້າງເປັນວິສາຫະກິດໃຫຍ່. ໃນສະພາບຍິ່ງຫຍຸ້ງຍາກ, ທົດສອບ, ບົດບາດຂອງວິສາຫະກິດ ນັກທຸລະກິດ ຍິ່ງໃຫຍ່ກວ່າ ແລະ ສະແດງໃຫ້ເຫັນຢ່າງຈະແຈ້ງກວ່າ. ໃນເວລາສອງປີຜ່ານມາ, ໂລກລະບາດໂຄວິດ 19 ເກີດຂຶ້ນ ໄດ້ສົ່ງຜົນສະທ້ອນຢ່າງຫຍໍ້ທໍ້ເຖິງທຸກດ້ານຂອງຊີວິດ, ເສດຖະກິດ ສັງຄົມ, ໃນນັ້ນ ປະຊາຄົມວິສາຫະກິດຖືກຜົນສະທ້ອນໂດຍກົງ, ຫນັກຫນ່ວງ. ວິສາຫະກິດໃຫຍ່ ຈະຖືກເສຍຫາຍໃຫຍ່ກວ່າ, ແຕ່ໃນເວລາປະສົບກັບຄວາມຫຍຸ້ງຍາກທີ່ສຸດນັ້ນ ບັນດາວິສາຫະກິດ - ເຄື່ອງໝາຍໃຫຍ່ໄດ້ຮ່ວມເດີນທາງກັບລັດຖະບານ ໃນວຽກງານປ້ອງກັນຕ້ານໂລກລະບາດ, ປະກອບສ່ວນຮັກສາເສດຖະກິດມະຫາພາກ, ການເຕີບໂຕເສດຖະກິດເປັນປົກກະຕິ.

(VOVWORLD) ດ້ວຍລະດັບການເຕີບໂຕ 2,9%, ລະດັບ GDP ຂອງຂະແຫນງກະສິກຳ ຍັງສູງກວ່າລະດັບການເຕີບໂຕຂອງທົ່ວປະເທດໃນປີ 2021, ນີ້ແມ່ນປະຖົມປັດໄຈເພື່ອໃຫ້ຂະແຫນງກະສິກຳສ້າງກຳລັງຫນູນແກ່ການເຕີບໂຕ ຫວຽດນາມ ໃນປີ 2022.

(VOVWORLD) - ນະຄອນໂຮ່ຈີມິນ ພວມຮັບເອົາຄຳເຫັນຂອງບັນດາຜູ້ຊ່ຽວຊານ, ນັກວິທະຍາສາດເພື່ອສ້າງແຜນຮ່າງສ້າງສູນການເງິນສາກົນໃຫ້ສຳເລັດ. ທີ່ກອງປະຊຸມສຳມະນາຫວ່າງແລ້ວນີ້, ບັນດານັກວິທະຍາສາດ, ຜູ້ຊ່ຽວຊານເສດຖະກິດຢັ້ງຢືນວ່າ ນະຄອນໂຮ່ຈີມິນ ໄດ້ເຕົ້າໂຮມຄົບເງື່ອນໄຂເພື່ອກາຍເປັນສູນການເງິນສາກົນ.

(VOVWORLD) -ໃນໄລຍະຜ່ານມາ, ໃນສະພາບການທີ່ຂົງເຂດເສດຖະກິດ-ສັງຄົມເກືອບທັງໝົດຂອງ ຫວຽດນາມ ຖືກຜົນກະທົບຢ່າງໜັກໜ່ວງຈາກໂລກລະບາດໂຄວິດ - 19, ປະຊາຄົມວິສາຫະກິດ Startup ຍັງມີການເຕີບໂຕ ແລະ ບືນຕົວຂຶ້ນເປັນຢ່າງດີ, ເຊິ່ງສະແດງໃຫ້ເຫັນຜ່ານດັດຊະນີຕ່າງໆ, ພິເສດແມ່ນກ່ຽວກັບແຫຼ່ງເງິນລົງທຶນທີ່ດຶງດູດມາໄດ້. ມີຜູ້ຊ່ຽວຊານ ແລະ ນັກຄຸ້ມຄອງໃນຂົງເຂດ Startup ຫຼາຍທ່ານໄດ້ຕີລາຄາວ່າ Startup ຫວຽດນາມ ພວມສະແດງໃຫ້ເຫັນຄວາມຄາດຫວັງ ແລະ ຄວາມຕັດສິນໃຈບືນຕົວຂຶ້ນຢ່າງແຮງ.

(VOVWORLD) -ແຂວງ ກວ໋າງນີງ ແລະ ນະຄອນ ຫາຍຟ່ອງ ໄດ້ ແລະ ພວມແມ່ນ 2 ກຳລັງຫນູນເສດຖະກິດສຳຄັນຂອງພາກເຫນືອ. ໂດຍກຳນົດໄດ້ບົດບາດ ແລະ ການພົວພັນພັດທະນາຢ່າງສະຫນິດແຫນ້ນ ບໍ່ພຽງແຕ່ລະຫວ່າງ 2 ທ້ອງຖິ່ນເທົ່ານັ້ນ ຫາກຍັງຢູ່ຂອບເຂດທົ່ວເຂດ ແລະ ທົ່ວປະເທດ ອີກດ້ວຍ, ສອງທ້ອງຖິ່ນໄດ້ຖືຈຸດສຸມຂອງການຮ່ວມມື, ຮ່ວມສຳພັນໃນຫລາຍຂົງເຂດ. ຜ່ານນັ້ນ ກໍ່ເພື່ອພ້ອມກັນສ້າງບັນດາບາດກ້າວພັດທະນາຢ່າງແຮງ, ມີລັກສະນະກະໂດດຂັ້ນຢູ່ 2 ທ້ອງຖິ່ນ, ປະກອບສ່ວນສຳຄັນເຂົ້າໃນການພັດທະນາເຂດເສດຖະກິດຈຸດສຸມຢູ່ ພາກເຫນືອ ເວົ້າສະເພາະ ແລະ ທົ່ວປະເທດເວົ້າລວມ.

(VOVWORLD) -ໃນຊຸມປີຜ່ານມາ, ນະຄອນ ຫາຍຟ່ອງ ບັນລຸການເຕີບໂຕຢ່າງລຽນຕິດ ແລະ ນອນໃນ Top ນຳຫນ້າທົ່ວປະເທດ. ປີ 2021 ໂດຍບໍ່ຫົວຊາຕໍ່ໂລກລະບາດໂຄວິດ 19 ຜັນແປສັບສົນ, ນະຄອນ ຫາຍຟ່ອງ ຍັງຄົງສືບຕໍ່ຮັກສາການເຕີບໂຕເປັນ 2 ຕົວເລກ, ແມ່ນລະດັບສູງສຸດໃນທົ່ວປະເທດ.ໂດຍບໍ່ຢຸດຢູ່ລະດັບພັດທະນາຄືປະຈຸບັນ, ຫາຍຟ່ອງ ວາງຄາດໝາຍບຸກທະລຸຢ່າງແຮງ, ກາຍເປັນນະຄອນອຸດສາຫະກຳພັດທະນາທັນສະໄຫມ, ອັດສະລິຍະ, ຍືນຍົງລະດັບພາກພື້ນ ອາຊີຕາເວັນອອກສ່ຽງໃຕ້ ແລະ ໂລກ, ກາຍເປັນກຳລັງຫນູນເຕີບໂຕຂອງທົ່ວປະເທດ.

(VOVWORLD) -ຕົ້ນປີ 2022, ລັດຖະບານໄດ້ປະກາດໃຊ້ມະຕິສອງສະບັບຢ່າງລຽນຕິດກ່ຽວກັບການຊຸກຍູ້ການພັດທະນາເສດຖະກິດຂອງປະເທດຊາດ. ໃນນັ້ນ ມະຕິເລກທີ 02 ໄດ້ຊີ້ແຈ້ງໃນພາກເປົ້າໝາຍສັງລວມແມ່ນ “ຫນູນຊ່ວຍປະຊາຊົນ ແລະ ວິສາຫະກິດຢ່າງທັນການເພື່ອຟື້ນຟູການຜະລິດ, ດຳເນີນທຸລະກິດ, ຮັບມືກັບໂລກລະບາດຢ່າງມີໄຫວພິບ ແລະ ມີປະສິດທິຜົນ”. ຫລັງຈາກນັ້ນ ສະພາແຫ່ງຊາດໄດ້ຮັບຮອງເອົາມະຕິກ່ຽວກັບນະໂຍບາຍການເງິນ, ເງິນຕາດ້ວຍຂອບຂະຫນາດແມ່ນປະມານ 350.000 ຕື້ດົ່ງ ເພື່ອຫນູນຊ່ວຍໂຄງການຟື້ນຟູ ແລະ ພັດທະນາເສດຖະກິດສັງຄົມໄລຍະ 2022 – 2023. ປະຊາຄົມວິສາຫະກິດມີຄວາມເຊື່ອໝັ້ນຕໍ່ບັນດາໂຄງການ, ນະໂຍບາຍຟື້ນຟູເສດຖະກິດນີ້ແມ່ນໄປຖືກທິດ, ຖືກຕາມເປົ້າໝາຍ, ຈຸດເວລາ ແລະ ເສີມຂະຫຍາຍຢ່າງມີປະສິດທິຜົນ.