(VOVWORLD) - ປີ 2020, ດັດຊະນີກຳລັງແກ້ງແຍ່ງຂັ້ນແຂວງ (PCI) ຂອງແຂວງ ບີ່ງເຢືອງ ເພີ່ມຂຶ້ນຢ່າງກະໂດດຂັ້ນ, ນອນໃນກຸ່ມທ້ອງຖິ່ນມີດັດຊະນີກຳລັງຄວາມສາມາດແກ້ງແຍ່ງເປັນຢ່າງດີ, ຢືນ Top 5 ໃນຕາຕະລາງຈັດອັນດັບ. ບັນລຸໄດ້ໝາກຜົນນັ້ນ ກໍ່ຍ້ອນວ່າ ແຂວງ ບີ່ງເຢືອງ ໄດ້ມານະພະຍາຍາມໃນໄລຍະທາງແຫ່ງການພັດທະນາ. ໃນສະພາບໂລກລະບາດເກີດຂຶ້ນ, ແຂວງ ບີ່ງເຢືອງ ມີຄວາມຕັດສິນໃຈຮັກສາ ແລະ ເສີມຂະຫຍາຍບັນດາໝາກຜົນທີ່ບັນລຸໄດ້ນັ້ນໃຫ້ໝັ້ນຄົງ.

(VOVWORLD) -ການຈຳໜ່າຍຜະລິດຕະພັນ ຍາມໃດກໍແມ່ນສິ່ງທ້າທາຍສຳລັບທຸກວິສາຫະກິດ startup ຍ້ອນມີຄວາມຈຳກັດກ່ຽວກັບແຫຼ່ງທຶນຮອນກໍຄືປະສົບການ. ການສົ່ງອອກຜະລິດຕະພັນໄປຍັງຕ່າງປະເທດເພື່ອບັນລຸໄດ້ມູນຄ່າເສດຖະກິດທີ່ສູງກວ່າ, ຍິ່ງຫຍຸ້ງຍາກກວ່າ ດ້ວຍຫຼາຍມາດຕະຖານທາງດ້ານເຕັກນິກ. ແຕ່ດ້ວຍການກຳນົດທິດ startup ຢ່າງຖືກຕ້ອງ ພ້ອມດ້ວຍສະພາບແວດລ້ອມເຊື່ອມໂຍງເຂົ້າກັບເສດຖະກິດສາກົນຂອງ ຫວຽດນາມ ນັບມື້ນັບແຂງແຮງ, ບັນຫາຈຳໜ່າຍ ແລະ ສົ່ງອອກຜະລິດຕະພັນຂອງວິສາຫະກິດ startup ຫວຽດນາມ ກໍໄດ້ຮັບການຕີລາຄາວ່າ ພວມມີເງື່ອນໄຫວສະດວກດີຫຼາຍຢ່າງ.

(VOVWORLD) -ເປົ້າໝາຍ, ຫນ້າທີ່ພັດທະນາເສດຖະກິດ - ສັງຄົມ ໄລຍະ ແຕ່ປີ 2021-2025, ບ່າເຣ້ຍ - ຫວູງເຕົາ ຈະສືບຕໍ່ແຜນນະໂຍບາຍດຶງດູດການລົງທຶນໂດຍມີການຄັດເລືອກ. ພິເສດ ໃນສະພາບຟື້ນຟູພາຍຫລັງໂລກລະບາດໂຄວິດ -19, ແຂວງ ບ່າເຣ້ຍ - ຫວູງເຕົາ ພວມເປັນເຈົ້າການໃນການສຳຜັດກັບບັນດານັກລົງທຶນໃຫຍ່ ພິເສດບັນດາຂົງເຂດທ່າກຳປັ່ນ, ການບໍລິການພະລາທິການ, ທ່ອງທ່ຽວ ແລະ ກະສິກຳໝູນໃຊ້ເຕັກໂນໂລຊີສູງ.

(VOVWORLD) -ໃນສະພາບການໂລກລະບາດໂຄວິດ - 19 ຜັນແປຢ່າງສັບສົນ, ນະໂຍບາຍການເງິນ ຂອງຫວຽດນາມ ໄດ້ປັບປຸງຢ່າງມີໄຫວພິບແນໃສ່ໜູນຊ່ວຍບັນດາວິສາຫະກິດ ແລະ ປະຊາຊົນທີ່ຖືກຜົນກະທົບຢ່າງຮ້າຍແຮງຈາກໂລກລະບາດໃຫ້ທັນການ. ນອກຈາກບັນດາມາດຕະການ ຄືການຍົກເວັ້ນ, ຫຼຸດລົງ, ຕໍ່ກຳນົດເວລາການເສຍພາສີອາກອນ, ເງິນເຊົ່າດິນ, ຄ່າທຳນຽມ, ຄ່າບໍລິການຕ່າງໆ, ລັດຖະບານ ໄດ້ ແລະ ກຳລັງສ້າງຫລາຍນະໂຍບາຍການເງິນ ແລະ ນະໂຍບາຍເງິນຕາໜູນຊ່ວຍການຟື້ນຟູ ແລະ ພັດທະນາພື້ນຖານເສດຖະກິດ - ສັງຄົມ.

(VOVWORLD) - ຕໍ່ຫນ້າຄວາມຫຍຸ້ງຍາກໃນການດຶງດູດການລົງທຶນຍ້ອນຖືກຜົນສະທ້ອນຈາກໂລກລະບາດໂຄວິດ -19, ມີເຂດອຸດສາຫະກຳຫລາຍແຫ່ງຢູ່ ບ່າເຣ້ຍ - ຫວູງເຕົາ ໄດ້ຊອກຫາວິທີຫັນປ່ຽນຢ່າງວ່ອງໄວ, ມີໄຫວພິບ, ຍາດແຍ່ງດ້ານດີຂອງສື່ສັງຄົມອອນລາຍເພື່ອໂຄສະນາໂຄງການ, ບັນດານະໂຍບາຍບຸລິມະສິດມາຍັງບັນດານັກລົງທຶນ. ດ້ວຍຄວາມຂະຫຍັນຂັນເຄື່ອນໄດ້ມີຫລາຍບົດບັນທຶກຊ່ວຍຈຳ, ຄຳໝັ້ນສັນຍາ, ຂໍ້ຕົກລົງ ແລະ ການມັດຈຳເພື່ອຮັກສາຫນ້າພຽງທີ່ດິນ ໄດ້ຮັບການປະຕິບັດ.

(VOVWORLD) -ຫາຍຟ່ອງ ກຳນົດທິດຈະກາຍເປັນນະຄອນອຸດສາຫະກຳ ຕິດພັນກັບ ທ່າກຳປັ່ນທະເລທັນສະໄຫມ, ອັດສະລິຍະ, ຍືນຍົງ. ຈາກການກຳນົດທິດນັ້ນ ນະຄອນ ຫາຍຟ່ອງ ໄດ້ ແລະ ພວມພັດທະນາລະບົບທ່າກຳປັ່ນທະເລສົມທົບກັບພື້ນຖານໂຄງລ່າງຄົມມະນາຄົມ, ການບໍລິການ logistics ຢັ້ງຢືນບົດບາດ ແມ່ນຂົວເຊື່ອມຕໍ່ດ້ານຄົມມະນາຄົມທີ່ສຳຄັນ ແລະ ປະຕູອອກສູ່ທະເລຕົ້ນຕໍຂອງບັນດາແຂວງທາງພາກເຫນືອ, ເຊື່ອມຕໍ່ເຂດກັບພາກພື້ນ ແລະ ສາກົນ.

(VOVWORLD) - ໂລກລະບາດໂຄວິດ -19 ບໍ່ພຽງແຕ່ສົ່ງຜົນສະທ້ອນເຖິງການເຄື່ອນໄຫວນຳເຂົ້າສົ່ງອອກສິນຄ້າເທົ່ານັ້ນ ຫາກຍັງເຮັດໃຫ້ລະບົບສະຫນອງ ແລະ ການຈໍລະຈອນສິນຄ້າຖືກຂາດວັກຂາດຕອນ. ໃນສະພາບການນັ້ນ, ຕະຫລາດພາຍໃນປະເທດ ດ້ວຍພົນລະເມືອງເກືອບ 100 ລ້ານຄົນ ໄດ້ຮັບຖືວ່າ ແມ່ນພື້ນຖານເພື່ອໃຫ້ວິສາຫະກິດຂຸດຄົ້ນຜ່ານຜ່າຄວາມຫຍຸ້ງຍາກ, ຊຸກຍູ້ການເຕີບໂຕ.

(VOVWORLD) -ໄລ່ຮອດເດືອນຕຸລາ ປີ 2021, ວົງເງິນສົ່ງອອກສິນຄ້າຂອງຫວຽດນາມ ຄາດວ່າ ບັນລຸເກືອບ 268 ຕື້ USD, ເພີ່ມຂຶ້ນ 16,6% ເມື່ອທຽບໃສ່ໄລຍະດຽວກັນຂອງປີກາຍ. ເດືອນ ຕຸລາ ປີ 2021, ວົງເງິນສົ່ງອອກຄາດວ່າບັນລຸກວ່າ 27 ຕື້ USD, ເພີ່ມຂຶ້ນ 1% ເມື່ອທຽບກັບເດືອນກ່ອນ ແລະ 0,3% ເມື່ອທຽບກັບໄລຍະດຽວກັນຂອງປີກາຍ. ນີ້ແມ່ນສັນຍານທີ່ປິຕິຊົມຊື່ນຂອງເສດຖະກິດ ແລະ ການຟື້ນຟູຢ່າງວ່ອງໄວຂອງປະຊາຄົມວິສາຫະກິດ ຫວຽດນາມ ໃນການຜະລິດ ແລະ ສົ່ງອອກ.

(VOVWORLD) - ລັດຖະບານ ຫາກໍ່ປະກາດໃຊ້ມະຕິເລກທີ 128 ກ່ຽວກັບການກຳນົດຊົ່ວຄາວ “ການຮັບມືຢ່າງປອດໄພ, ມີໄຫວພິບ, ຄວບຄຸມໂລກລະບາດໂຄວິດ -19 ຢ່າງມີປະສິດທິຜົນ”. ປະຈຸບັນ ໂລກລະບາດ ໄດ້ຮັບການຄວບຄຸມໃນເບື້ອງຕົ້ນຢູ່ຈຸດຮ້ອນເຮັ່ງ ແມ່ນເຂດເສດຖະກິດພາກໃຕ້, ນີ້ໄດ້ຮັບຖືວ່າ ແມ່ນກາລະໂອກາດເພື່ອໃຫ້ເຂດນີ້ ກັບຄືນມາສູ່ບົດບາດນຳຫນ້າ, ນຳປະເທດຊາດກ້າວເຂົ້າສູ່ຊີວິດປົກກະຕິແບບໃຫມ່. ໃນນັ້ນ ສຸມໃສ່ປ່ອຍແຫງ່ເງິນລົງທຶນ, ຈຸດສຸມແມ່ນການລົງທຶນພາກລັດ ໂດຍໄດ້ຮັບຄວາມເອົາໃຈໃສ່ເປັນພິເສດຈາກລັດຖະບານ ແລະ ຖືນີ້ແມ່ນໄມ້ງັດໃຫ້ແກ່ການຟື້ນຟູເສດຖະກິດຂອງປະເທດຊາດ.

(VOVWORLD) - ເມື່ອໂຄວິດ -19 ລະບາດຮອບທີ 4 ໃນທ້າຍເດືອນ ເມສາ, ນະຄອນຫລວງ ຮ່າໂນ້ຍ ແມ່ນຫນຶ່ງໃນບັນດາແຂວງ, ນະຄອນ ທີ່ຖືກຜົນສະທ້ອນຢ່າງຫນັກຫນ່ວງກ່ຽວກັບດ້ານເສດຖະກິດສັງຄົມ. ເຖິງຢ່າງໃດກໍຕາມ, ດ້ວຍວິທີເຮັດຢ່າງຂ້ຽວຂາດ, ຍາດແຍ່ງໄດ້ “ຈຸດເວລາສຳຄັນທີ່ສຸດ” ເພື່ອວິໄຈຫາເຊື້ອ, ສັກວັກຊິນກັນໂຄວິດ, ຮ່າໂນ້ຍ ຄວບຄຸມໂລກລະບາດໄດ້ໂດຍພື້ນຖານ, ກັບຄືນສູ່ສະພາບເປັນປົກກະຕິເພື່ອພັດທະນາເສດຖະກິດ.