ຄົ້ນຫາກຸ່ມທາດ ຈຳ ກໍ່ສ້າງດ້ວຍດິນຈີ່ສູງທີ່ສຸດໃນພາກພື້ນ ອາຊີຕາເວັນອອກສ່ຽງໃຕ້ ຢູ່ແຂວງ ບິ່ງດິ້ງ
Nguyen Gia/VTCnews -
(VOVWORLD) - ໂດຍໄດ້ຮັບການກໍ່ສ້າງໃນສະຕະວັດທີ 12 – 13, ທາດ ເຢືອງລອງ (ຢູ່ແຂວງ ບິ່ງດິ້ງ) ມີການອອກແບບສະຖາປັດຕະຍາກຳທີ່ເຂັ້ມຂຸ້ມໄປດ້ວຍສີສັນຂອງເຜົ່າ ຂະແມ, ແມ່ນກຸ່ມທາດກໍ່ສ້າງດ້ວຍດິນຈີ່ສູງທີ່ສຸດຢູ່ພາກພື້ນ ອາຊີຕາເວັນອອກສ່ຽງໃຕ້ ທີ່ຍັງມີຢູ່ໃນປັດຈຸບັນ.
 |
| ໂດຍຕັ້ງຢູ່ເຂດໂນນພູ ຕາແສງ ໄຕບິ່ງ (ເມືອງ ໄຕເຊີນ, ແຂວງ ບິ່ງດິ້ງ), ຫ່າງຈາກນະຄອນ ກຸຍເຍິນ ປະມານ 50 ກມ. ທາດ ເຢືອງລອງ ໄດ້ຮັບການກໍ່ສ້າງຕາມການອອກແບບທີ່ມີຜົນສະທ້ອນຈາກສະຖາປັດຕະຍາກຳ ຂະແມ, ໃນຈຸດເວລາທີ່ພື້ນຖານວັດທະນະທຳ ຂະແມ ພວມຢູ່ໃນໄລຍະພັດທະນາຮຸ່ງເຮືອງທີ່ສຸດ. |
 |
| ນີ້ແມ່ນກຸ່ມກິດຈະກຳສະຖາປັດຕະຍາກຳສິລະປະ ຈຳປາ ທີ່ຍັງໄດ້ຮັບການຮັກສາໄວ້ຂ້ອນຂ້າງເໝືອນເດີມພໍສົມຄວນຢູ່ເຂດດິນແດນທາງພາກກາງ ຫວຽດນາມ ໃນປະຈຸບັນ. ທາດຢູ່ໃຈກາງ ມີຄວາມສູງ 39ມ, ທາດທາງທິດເໜືອສູງ 32ມ, ທາດທາງທິດໃຕ້ສູງ 33ມ. ຕາມແຫຼ່ງຂໍ້ມູນຈາກກົມມໍລະດົກວັດທະນະທຳ ຫວຽດນາມ ແລ້ວ, ທາດຢູ່ໃຈກາງໄດ້ຮັບຖືວ່າແມ່ນທາດກໍ່ສ້າງດ້ວຍດິນຈີ່ສູງທີ່ສຸດຢູ່ພາກພື້ນ ອາຊີຕາເວັນອອກສ່ຽງໃຕ້. |
 |
| ກຸ່ມທາດ ເຢືອງລອງ ຕັ້ງຢູ່ເທິງໂນນພູສູງຕາມຮູບແບບຂອງວິຫານ - ພູທີ່ເປັນເອກະລັກສະເພາະຂອງ ຂະແມ. |
 |
| ຄວາມແຕກຕ່າງລະຫວ່າງບັນດາທາດແມ່ນສະແດງອອກຢູ່ທີ່ການອອກແບບກະສະຫຼັກຂອງນາຍຊ່າງ ຈຳປາ ເມື່ອກ່ອນ. |
 |
| ຜ່ານປະຫວັດສາດນັບພັນປີ, ບັນດາຫີນຢູ່ເຂດຕີນຂອງທາດຍັງຂ້ອນຂ້າງເໝືອນເດີມພໍສົມຄວນ. |
 |
| ຍອດຂອງທາດໄດ້ອອກແບບຄືກີບດອກບົວ. |
 |
| ສ່ວນກາງຕົວຂອງບັນດາທາດ ເຢືອງລອງ ໄດ້ກໍ່ສ້າງດ້ວຍດິນຈີ່. |
 |
| ໜຶ່ງໃນບັນດາປັດໄຈສະແດງໃຫ້ເຫັນຢ່າງຈະແຈ້ງທີ່ສຸດຜົນສະທ້ອນຂອງວັດທະນະທຳ ຂະແມ ນັ້ນແມ່ນຮູບປັ້ນງູ ນາຄາ 1 ຫົວ, 3 ຫົວ, 5 ຫົວ… |
 |
| ດິນຈີ່ທີ່ຊາວເຜົ່າ ຈຳ ນຳໃຊ້ເພື່ອກໍ່ສ້າງທາດ ຈ່າມ ແມ່ນດິນຈີ່ພິເສດ. ດິນຈີ່ນີ້ສາມາດທົນທານຜ່ານການເວລານັບເປັນສະຕະວັດ. |
 |
| ເຖິງຢ່າງໃດກໍ່ຕາມ, ຜ່ານການສົ່ງຜົນກະທົບຕາມການເວລາ ແລະ ມະນຸດ ນັບພັນປີ, ປະຈຸບັນ, ເຂດທາດກໍ່ຖືກເປ່ເພຫຼາຍ, ແຕ່ບັນດາລວດລາຍສະຖາປັດຕະຍາກຳຍັງຄົງຕົວຢູ່. |
 |
| ກະຊວງຖະແຫຼງຂ່າວ ແລະ ວັດທະນະທຳ ຫວຽດນາມ ໄດ້ຈັດທາດ ເຢືອງລອງ ເຂົ້າເປັນເຂດຮ່ອງຮອຍສະຖາປັດຕະຍາກຳສິລະປະໃນປີ 1980 ແລະ ທ່ານນາຍົກລັດຖະມົນຕີ ກໍ່ໄດ້ຈັດເຂດນີ້ແມ່ນເຂດປູຊະນີສະຖານລະດັບຊາດພິເສດໃນວັນທີ 23 ທັນວາ 2015. |
Nguyen Gia/VTCnews