ງານວາງສະແດງຮູບຖ່າຍ “ການພົວພັນມິດຕະພາບແບບພິເສດຫວຽດນາມ - ລາວ”
Minh Duc -
ດ້ວຍຮູບຖ່າຍກວ່າ 100 ແຜ່ນ, ງານວາງສະແດງຮູບຖ່າຍ “ການພົວພັນມິດຕະພາບແບບພິເສດຫວຽດນາມ - ລາວ” ຢາກແນະນຳກັບຜູ້ຊົມກ່ຽວກັບສາຍພົວພັນແບບພິເສດລະຫວ່າງສອງຊາດ ຫວຽດນາມ - ລາວ ໃນຕະຫຼອດໄລຍະແຫ່ງການຕໍ່ສູ້ປົດປ່ອຍຊາດໃນເມື່ອກ່ອນ ກໍຄື ຂະບວນວິວັດການແຫ່ງການປ່ຽນແປງໃໝ່ ແລະ ສ້າງສາປະເທດຊາດໃນປະຈຸບັນ, ຢັ້ງຢືນຄວາມຕັດສິນໃຈຂອງສອງພັກ, ສອງລັດ ແລະ ປະຊາຊົນສອງປະເທດ ເພີ່ມພູນຄູນສ້າງຢ່າງບໍ່ຢຸດຢັ້ງໃຫ້ສາຍພົວພັນ ຫວຽດນາມ - ລາວ ໝັ້ນຄົງທະໜົງແກ່ນໄປຊົ່ວກາລະນານ.
ທີ່ພິທີເປີດງານວາງສະແດງ, ບັນດາແຂກຖືກເຊີນໄດ້ຮັບຟັງບັນດາບົດເພງ, ວາດຟ້ອນຂ່ຳນັບຊົມເຊີຍ ແລະ ຮັບຟັງບົດກ່າວຄຳເຫັນກ່ຽວກັບຄວາມໝາຍຂອງງານວາງສະແດງຄັ້ງນີ້.
 |
| ສະແດງສິລະປະດ້ວຍບັນດາບົດເພງກ່ຽວກັບສາຍພົວພັນລະຫວ່າງຫວຽດນາມ - ລາວ ເປີດສາກລາຍການ |
 |
| ຜູ້ແທນ ແລະ ແຂກຖືກເຊີນເຂົ້າຮ່ວມລາຍການ. |
 |
| ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ຕະກວາງດົງ ໃຫ້ຮູ້ວ່າ: ຜ່ານງານວາງສະແດງຄັ້ງນີ້, ພ້ອມກັບການພົວພັນທາງດ້ານການເມືອງ, ເສດຖະກິດ, ການຮ່ວມມືພົວພັນແລກປ່ຽນວັດທະນະທຳລະຫວ່າງຫວຽດນາມ - ລາວ ຈະເປັນການປະກອບສ່ວນສຳຄັນເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ. |
 |
|
ທ່ານເອກອັກຄະລັດຖະທູດລາວ ແສງເພັດ ຮຸ່ງບຸນຍວງ ໃຫ້ຮູ້ວ່າ: ເນື່ອງໃນໂອກາດສະເຫຼີມສະຫຼອງວັນຊາດລາວ ຄົບຮອບ 45 ປີ ແລະ ສະເຫຼີມສະຫຼອງວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ, ໂດຍຕາງໜ້າໃຫ້ພັກ, ລັດ ແລະ ປະຊາຊົນລາວ, ພວກຂ້າພະເຈົ້າຂໍສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ພັກ, ລັດ ແລະ ປະຊາຊົນຫວຽດນາມ ອ້າຍນ້ອງ ທີ່ໄດ້ສະຫງວນການສະໜັບສະໜູນອັນໃຫຍ່ຫຼວງ, ການຊ່ວຍເຫຼືອອັນລ້ຳຄ່າໃຫ້ແກ່ພາລະກິດປະຕິວັດຂອງປະຊາຊົນລາວ ໃນຕະຫຼອດໄລຍະຕໍ່ສູ້ກູ້ຊາດໃນເມື່ອກ່ອນ, ກໍຄືໃນປະຈຸບັນ.
ການພົວພັນຖານບ້ານໃກ້ເຮືອນຄຽງມິດຕະພາບ, ຄວາມສາມັກຄີແບບພິເສດຫວຽດນາມ - ລາວ.
|
 |
| ເຂດງານວາງສະແດງການພົວພັນລະຫວ່າງຫວຽດນາມ - ລາວ. |
 |
| ຮູບພາບແນະນຳກ່ຽວກັບໄລຍະປະຫວັດສາດສາຍພົວພັນລະຫວ່າງ 2 ປະເທດຫວຽດນາມ - ລາວ. |
 |
| … ກ່ຽວກັບປະທານ ໄກສອນ ພົມວິຫານ |
 |
| ບັນດາການຢ້ຽມຢາມເຊິ່ງກັນແລະກັນ, ການຮ່ວມມືລະຫວ່າງ 2 ປະເທດໃນໄລຍະຜ່ານມາ. |
 |
| ປະເທດຈຳປາທີ່ສວຍງາມ-ປະເທດລາວ ປ່ຽນແປງໃໝ່. |
 |
| ທ່ານຮອງລັດຖະມົນຕີ ຕະກວາງດົງ ແລະ ທ່ານເອກອັກຄະລັດຖະທູດລາວ ແສງເພັດ ຮຸ່ງບຸນຍວງ ພ້ອມກັບແຂກຖືກເຊີນໄປຢ້ຽມຢາມງານວາງສະແດງ. |
 |
| ແຂກມາຢ້ຽມຊົມງານວາງສະແດງ. |
 |
|
ທ່ານເອກອັກຄະລັດຖະທູດລາວ ແສງເພັດ ຮຸ່ງບຸນຍວງ ຖ່າຍຮູບພ້ອມກັບເອກອັກຄະລັດຖະທູດ, ອຸປະທູດບັນດາປະເທດເຂົ້າຮ່ວມງານວາງສະແດງ.
ງານວາງສະແດງໄດ້ຈັດຂຶ້ນແຕ່ວັນທີ 01 – 05 ທັນວາ 2020, ຢູ່ຫໍພິພິຕະພັນໂຮ່ຈີມິນ, ເລກທີ 19 ງອັກຮ່າ, ເມືອງ ບາດິ່ງ, ນະຄອນຮ່າໂນ້ຍ.
|
Minh Duc