ດອກບານອວດອ້າງສີສັນທົ່ວເຂດພູຜາປ່າໄມ້ແຂວງເຊີນລາ
Tran Long -
(VOVWORLD) - ຊ່ວງເວລານີ້, ຢູ່ດິນແດນແຂວງ ເຊີນລາ ກໍພັດໃສແຈ້ງ ແລະ ຮຸ່ງເຮືອງເຫຼືອງເຫຼື້ອມ ຍ້ອນມີດອກໄມ້ເບັ່ງບານ, ພົ້ນເດັ່ນຂຶ້ນແມ່ນດອກບານຂາວ ທີ່ພວມເບັ່ງບານທົ່ວເຂດພູຜາປ່າໄມ້.
 |
| ເດືອນ ມີນາ, ເມື່ອແສງແດດຍາມລະດູບານໃໝ່ສາດສ່ອງລົງຍາວຢຽດນັ້ນ, ກໍແມ່ນເວລາທີ່ດອກບານອວດອ້າງສີສັນທົ່ວເຂດພູຜາປ່າໄມ້ ເຊີນລາ - ເຕິຍບັກ (ຕາເວັນຕົກສ່ຽງເໜືອ). |
 |
| ລຽບຕາມສອງຟາກເສັ້ນທາງຫຼວງເລກ 9, ໄປຕະຫຼອດຮອດບັນດາຜາຫີນທີ່ສູງຊັນ… ດອກບານໄດ້ພາກັນເບັ່ງບານ. |
 |
| ເມື່ອໄປຢາມ ເຊີນລາ ໃນໂອກາດນີ້, ແຂກທ່ອງທ່ຽວສາມາດຮັບຊົມດອກບານລຽບຕາມສອງຟາກຂອງເສັ້ນທາງຫຼັກ. |
 |
| ຮອດລະດູດອກບານເບັ່ງບານ, ບັນຍາກາດຢູ່ແຂວງ ເຊີນລາ ພັດມີຄວາມໂຣແມນຕິກ ແລະ ເຕັມໄປດ້ວຍພະລັງຊີວິດໃໝ່. |
 |
| ດອກບານຂາວບໍລິສຸດ ບວກກັບສີມ້ວງຈາງໆ ພົ້ນເດັ່ນຂຶ້ນໃນທ້ອງຟ້າສີຟ້າໃສ. |
 |
| ປະຊາຊົນ ແລະ ແຂກທ່ອງທ່ຽວຈຳນວນຫຼາຍຖ່າຍຮູບເປັນທີ່ລະນຶກ ເພື່ອບັນທຶກບັນດາຄວາມຊົງຈຳທີ່ສວຍງາມໃນລະດູບານດອກບານ |
 |
| ສາວເຜົ່າຜູ້ໄທ ຖ່າຍຮູບໃນຈຸດເວລາດອກບານເບັ່ງບານ ດ້ວຍຊຸດອາພອນປະຈຳເຜົ່າ: ເສື້ອກອມ, ແພປຽວ… |
 |
| ຢູ່ ເຊີນລາ - ເຕິຍບັກ, ດອກບານໄດ້ຮັບຂະໜານນາມວ່າ ເປັນນາງສາວຜູ້ໄທ ທີ່ມີຄວາມງາມອັນອ່ອນຊ້ອຍ, ບໍລິສຸດ, ຈິດໜຶ່ງໃຈດຽວ. |
 |
| ແຕ່ດົນນານມາແລ້ວ, ຮູບພາບດອກບານຂາວພາກັນອວດສີສັນທົ່ວພູຜາປ່າໄມ້ໄດ້ກາຍເປັນຈຸດເອກະລັກສະເພາະຂອງພູຜາ ເຊີນລາ - ເຕິຍບັກ ໃນລະດູບານໃໝ່. |
 |
| ແຕ່ລະປີ ເມື່ອລະດູດອກບານວຽນມາ, ນະຄອນ ເຊີນລາ ຈະຈັດງານບຸນດອກບານ, ເພື່ອແນໃສ່ເຊີດຊູ, ອະນຸລັກຮັກສາ ແລະ ເສີມຂະຫຍາຍບັນດາຮູບແບບຄຸນຄ່າວັດທະນະທຳຂອງບັນດາເຜົ່າຢູ່ທ້ອງຖິ່ນ. |
 |
| ປີນີ້, ນະຄອນ ເຊີນລາ ຈັດງານບຸນດອກບານຂຶ້ນແຕ່ວັນທີ 15 – 16 ມີນາ, ດ້ວຍການເຄື່ອນໄຫວວັດທະນະທຳ, ສິລະປະວັນນະຄະດີທີ່ຈັບອົກຈັບໃຈ. |
Tran Long