(ພາບປະກອບ: THX/TTXVN)

ວັນທີ 9 ຕຸລາ, ສະຫະພາບ ເອີລົບ (EU) ໄດ້ປະກາດວ່າ ຈະເປີດ “ຂົວຕໍ່ການບິນດ້ານມະນຸດສະທຳ” ເພື່ອຂົນສົ່ງເຄື່ອງຊ່ວຍເຫຼືອໄປຍັງລີບັງ ໃນສະພາບການປະທະກັນລະຫວາງ ອິດສະລາແອັນ ແລະ Hezbollah ສືບຕໍ່ເກີດຂຶ້ນ. 3 ຖ້ຽວບິນທຳອິດຈະຂົນສົ່ງເຄື່ອງຊ່ວຍເຫຼືອຈາກ ອີຕາລີ ແລະ Dubai (ສະຫະລັດ ອາຣັບ ເອມີເລດ - UAE) ໄປຍັງລີບັງ. ຄາດວ່າ, ງວດເຄື່ອງຊ່ວຍເຫຼືອທຳອິດ ຈະຮອດນະຄອນຫຼວງ Beirut ໃນວັນທີ 11 ຕຸລາ. ໃນສື່ສັງຄອມອອນໄລ X, ທ່ານນາງ Ursula von der Leyen ປະທານ EC ໄດ້ຢັ້ງຢືນວ່າ: “EU ຮ່ຽງບ່າຮ່ຽງໄຫຼ່ກັບປະຊາຊົນທີ່ຖືກຜົນສະທ້ອນຈາກວິກິດການຢູ່ ລີບັງ”. ທ່ານນາງຍົກໃຫ້ເຫັນຢ່າງຈະແຈ້ງວ່າ ຈຳນວນເຄື່ອງຊ່ວຍເຫຼືອຄັ້ງນີ້ ລວມມີເຄື່ອງຂອງທີ່ຈຳເປັນຄື: ຜ້າຫົ່ມ, ເຄື່ອງອຸປະກອນສ້າງທີ່ພັກອາໄສ ແລະ ຢຸກຢາ.