(ພາບ: giaoduc.net.vn)
(vovworld)- ຕອນບ່າຍວັນທີ 23/9, ຢູ່ສຳນັກງານກະຊວງປ້ອງກັນປະເທດ, ທ່ານພົນໂທເຈືອງກວາງແຄງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນກົມໃຫ່ຍປະກອບເຕັກນິກກອງທັບກຳປູເຈຍ ໂດຍທ່ານພົນເອກ Pếch Chươn ຮອງຫົວໜ້າກົມໃຫ່ຍເປັນຫົວໜ້າຄະນະ ພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານພົນໂທເຈືອງກວາງແຄງ ອວຍພອນປະເທດກຳປູເຈຍ ໄດ້ຈັດຕັ້ງການເລືອກຕັ້ງສະພາແຫ່ງຊາດຊຸດທີ 5 ສຳເລັດຜົນ ແລະ ເນັ້ນໜັກວ່າ: ຍາມໃດ, ລັດຖະບານ, ກອງທັບ ແລະ ປຊຊ ຫວຽດນາມ ກໍ່ຖືການພັດທະນາການພົວພັນສາມັກຄີກັບລັດຖະບານ, ກອງທັບ ແລະ ປຊຊ ກຳປູເຈຍ ເປັນສຳຄັນ ແລະ ຈະມານະພະນາຍາມຈົນສຸດຄວາມສາມາດຂອງຕົນເພື່ອຮັກສາ ແລະ ພັດທະນາສາຍພົວພັນສາມັກຄີລະຫວ່າງສອງຊາດ. ທ່ານຮອງລັດຖະມົນຕີກະຊວງປ້ອງກັນປະເທດຫວຽດນາມ ສະເໜີວ່າ, ໃນໄລຍະຈະມາເຖິງ, ສອງຝ່າຍຈະສືບຕໍ່ເພີ່ມທະວີການຮ່ວມມືກັນຢ່າງແໜ້ນແຟ້ນ, ນັບມື້ນັບມີປະສິດທິຜົນ, ເອົາໃຈໃສ່ເປັນພິເສດຕໍ່ການແລກປ່ຽນຄະນະຜູ້ແທນຂັ້ນສູງ, ການບຳລຸງສ້າງແຫຼ່ງຊັບພະຍາກອນມະນຸດ, ຜ່ານນັ້ນປະກອບສ່ວນເພີ່ມທະວີສາຍພົວພັນອັນເປັນມູນເຊື້ອອັນດີງາມລະຫວ່າງກອງທັບ ແລະ ປຊຊ ສອງປະເທດ.