ບັນດາຜູ້ແທນເຊິ່ງເປັນຜູ້ທີ່ມີຄຸນງາມຄວາມດີໄດ້ຮັບໃບຍ້ອງຍໍ
ຈາກກະຊວງແຮງງານ, ທະຫານເສຍອົງຄະ ແລະ ສັງຄົມ
(ພາບ: http:qdnd.vn)
(vovworld) - ກອງປະຊຸມຍ້ອງຍໍຜູ້ທີ່ມີຄຸນງາມຄວາມດີເຂົ້າຮ່ວມບັນຮົບໂຮ່ຈິມິນ-ລະດູບານໃໝ່ປີ 1975 ໄດ້ດຳເນີນໃນວັນທີ 14/4, ຢູ່ນະຄອນໂຮ່ຈິມິນ, ດ້ວຍການເຂົ້າຮ່ວມຂອງຜູ້ແທນ 300 ຄົນເຊິ່ງແມ່ນບັນດາທະຫານເສຍອົງຄະ, ທະຫານເຈັບປ່ວຍ, ຍາດຕິພີ່ນ້ອງຂອງທະຫານເສຍສະຫຼະຊີວິດເພື່ອຊາດ, ຜູ້ມີຄຸນງາມຄວາມດີທີ່ດີເດັ່ນ ໃນການຕໍ່ສູ້ປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບກໍ່ຄືໃນບັນດາຂົງເຂດການເຄື່ອນໄຫວຂອງຊີວິດສັງຄົມ. ກອງປະຊຸມຍ້ອງຍໍຜູ້ທີ່ມີຄຸນງາມຄວາມດີ ເຂົ້າຮ່ວມບັນຮົບໂຮ່ຈິມິນ-ລະດູບານໃໝ່ປີ 1975 ແມ່ນໂອກາດເພື່ອໃຫ້ພັກ, ລັດ ແລະ ປະຊາຊົນຫວຽດນາມ ອາໄລຫາ, ຕອບບຸນແທນຄຸນບັນດາວິລະຊົນທີ່ໄດ້ເສຍສະຫຼະຊີວີດນອງເລືອດ, ໃຫ້ແກ່ພາລະກິດຕໍ່ສູ້ປົດປ່ອຍປະເທດຊາດ. ພ້ອມທັງ, ຫວນຄືນປະຫວັດສາດທີ່ສະຫງ່າລາສີ, ບັນດາວິລະກຳພິລະອາດຫານຂອງບັນດາລຸ້ນກ່ອນ. ກອງປະຊຸມກໍ່ແມ່ນໂອກາດເຊີດຊູ, ຍ້ອງຍໍຊົມເຊີຍບັນດາຜົນງານທີ່ດີເດັ່ນຂອງບັນດາວິລະຊົນ, ຄອບຄົວທະຫານເສຍສະຫຼະຊີວິດເພື່ອຊາດ, ທະຫານເສຍອົງຄະ, ທະຫານເຈັບປ່ວຍ, ນັກຮົບເກົ່າພ້ອມກັບຍາດຕິພີ່ນ້ອງໃນໄລຍະສັນຕິພາບ.