ກອງປະຊຸມທົ່ວປະເທດຕີລາຄາສະພາບການປະຕິບັດມະຕິເລກທີ 08 |
(vovworld) - ວັນທີ 14/8 ຢູ່ ຮ່າໂນ້ຍ ໄດ້ດຳເນີນກອງປະຊຸມທົ່ວປະເທດຕີລາຄາສະພາບການປະຕິບັດມະຕິເລກທີ 08, ກອງປະຊຸມຄັ້ງທີ 4 ຄະນະບໍລິຫານງານສູນກາງພັກຊຸດທີ 10 ກ່ຽວກັບ “ບາງແຜນນະໂຍບາຍໃຫຍ່ເພື່ອໃຫ້ພື້ນຖານເສດຖະກິດພັດທະນາຢ່າງວ່ອງໄວ ແລະ ໝັ້ນຄົງ ເມື່ອຫວຽດນາມ ເຂົ້າເປັນສະມາຊິກຂອງອົງການການຄ້າໂລກ. ນະທ່ີນີ້ ທ່ານ ນາຍົກລັດຖະມົນຕີ Nguyen Tan Dung ຊີ້ແຈງວ່າ: ຫວນຄືນໄລຍະ 5 ປີ ປະຕິບັດມະຕິເລກທີ 08 ແລະ ກໍແມ່ນ 5 ປີ ທີ່ຫວຽດນາມເຂົ້າເປັນສະມາຊິກອົງການການຄ້າໂລກ, ຫວຽດນາມ ໄດ້ຫັນຈາກການລົບລ້າງສະພາບຖືກໂດດດ່ຽວດ້ານເສດຖະກິດເພ່ືອເຊື່ອມໂຍງເຂົ້າກັບພາກພື້ນ ແລະ ທົ່ວໂລກ ມາສູ່ການຍູ້ແຮງຊອກຫາຕະຫລາດ, ຊຸກຍູ້ວິວັດການຫັນຮູບແບບຈະເລີນເຕີບໂຕ. ໃນເວທີຫລາຍຝ່າຍ, ບັນດາຄຳໝັ້ນສັນຍາໃນອົງການການຄ້າໂລກເກືອບຄືວ່າໄດ້ຮັບການປະຕິບັດຢ່າງຄົບຖ້ວນ. ຢູ່ພາກພື້ນ, ຫວຽດນາມ ນັບມື້ນັບເຊື່ອມໂຍງຢ່າງເລິກເຊິ່ງ ແລະ ກວ້າງຂວາງກັບ ອາຊຽນ, ມຸ່ງໄປເຖິງສ້າງປະຊາຄົມເສດຖະກິດ ອາຊຽນ ໃນປີ 2015; ພ້ອມທັງຕັ້ງຫນ້າເຂົ້າຮ່ວມການເຈລະຈາຫລືກະກຽມການເຈລະຈາໃຫ້ແກ່ສັນຍາການຄ້າເສລີສຳຄັນຈຳນວນຫນຶ່ງ. ທ່ານນາຍົກລັດຖະມົນຕີ Nguyen Tan Dung ຢືນຢັນວ່າ: ໃນສະພາບການນີ້ ຫວຽດນາມ ຕ້ອງມີການຕີລາຄາຢ່າງຮອບດ້ານກ່ຽວກັບການປະຕິບັດມະຕິເລກທີ 08 ແລະ ບັນດາຈຸດໝາຍ, ຫນ້າທີ່ວາງອອກໃນໂຄງການດຳເນີນງານຂອງລັດຖະບານ ເພື່ອຊອກຫາບັນດາມາດຕະການສືບຕໍ່ຍົກສູງປະສິດທິຜົນຂອງການເຊື່ອມໂຍງສາກົນເວົ້າລວມ ແລະ ການເຊື່ອມໂຍງເຂົ້າກັບເສດຖະກິດສາກົນເວົ້າສະເພາະ.