ກອງປະຊຸມສົ່ງເສີມການລົງທຶນ, ການຄ້າ ແລະ ທ່ອງທ່ຽວເຂົ້າແຂວງ ເລີມດົ່ງ
(ກອງປະຊຸມສົ່ງເສີມການລົງທຶນ, ການຄ້າ
ແລະ ທ່ອງທ່ຽວເຂົ້າແຂວງ ເລີມດົ່ງ)
(vovworld) – ກອງປະຊຸມສົ່ງເສີມການລົງທຶນ, ການຄ້າ ແລະ ທ່ອງທ່ຽວເຂົ້າແຂວງ ເລີມດົ່ງດຳເນີນໄປໃນຕອນບ່າຍວັນທີ 03/04, ຢູ່ນະຄອນດ່າລາດ, ແຂວງເລີມດົ່ງ, ໂດຍແຂວງເລີມດົ່ງ ສົມທົບກັບສະຫະສະມາຄົມພັດທະນາເຄື່ອງໃຊ້ສອຍຫວຽດນາມ, ສະຫະສະມາຄົມວິສາຫະກິດນະຄອນຮ່າໂນ້ຍ ຈັດຕັ້ງ. ກອງປະຊຸມໄດ້ໂຄສະນາກ່ຽວກັບຄວາມສາມາດບົ່ມຊ້ອນ ແລະ ທ່າແຮງຂອງແຂວງເລີມດົ່ງ ໃນຂົງເຂດຕ່າງໆ, ໄຈ້ແຍກທ່າແຮງ, ກາລະໂອກາດລົງທຶນ ຕິດພັນກັບແຕ່ລະໂຄງການລະອຽດລະດັບຊາດ ແລະ ແຂວງ. ໃນນັ້ນ, ສຸມໃສ່ສະເໜີບາງໂຄງການຈຸດສຸມ ເຊິ່ງແຂວງພວກຍູ້ແຮງດຶງດູດການລົງທຶນ, ຮຽກຮ້ອງການລົງທຶນໃນປີ 2015 ຄື: ໂຄງການບ້ານມະຫາວິທະຍາໄລສາກົນ, ໂຄງການຟື້ນຟູເສັ້ນທາງລັດໄຟດ່າລາດ - ທາບຈ່າມ ແລະ ບຸລະນະຊ້ອມແປ່ງ, ຍົກລະດັບບັນດາສະຖານີລັດໄຟດ່າລາດ, ຈ້າຍມ໋າດ, ດຣານ ຮັບໃຊ້ການທ່ອງທ່ຽວ… ດ່ານອື່ນ, ກອງປະຊຸມຍັງສະໜອງຂໍ້ມູນລະອຽດຂອງບັນດານະໂຍບາຍບຸລິມະສິດກ່ຽວກັບຄ່າທີ່ດິນ, ພາສີຂາອອກ ຂາເຂົ້າ, ບຳລຸງສ້າງວິຊາຊີບ, ສ້າງເງື່ອນໄຂໃຫ້ວິສາຫະກິດກູ້ຢື່ມທຶນ ແລະ ບັນດານະໂຍບາຍໜູນຊ່ວຍອື່ນໆເມື່ອລົງທຶນເຂົ້າແຂວງເລີມດົ່ງ.