ທ່ານຫວູຊວນຮົ່ງ ກ່າວຄຳເຫັນທີ່ ກອງປະຊຸມໃຫຍ່ແຂ່ງຂັນຮັກຊາດ
(ພາບ:dangcongsang.vn)
(vovworld) – ເມື່ອເສີມຂະຫຍາຍມູນເຊື້ອແຂ່ງຂັນຮັກຊາດ, ໃນ 5 ປີຜ່ານມາ, ສະຫະພັນໄດ້ອອກແຮງແຂ່ງຂັນດ້ວຍເນື້ອໃນຕ່າງໆ “ສາມັກຄີ, ຂະຫຍັນຂັນເຂື່ອນ, ມີຫົວຄິດປະດິດສ້າງ, ແຂ່ງຂັນກັນປະຕິບັດໜ້າທີ່ການເມືອງທີ່ໄດ້ມອບໝາຍຢ່າງມີໄຊ”, “ຮຳ່ຮຽນຕາມແບບວິທີພົວພັນຕ່າງປະເທດປະຊາຊົນຂອງປະທານ ໂຮ່ຈີມິນ”, “ການພົວພັນຕ່າງປະເທດປະຊາຊົນໃນສະພາບການໃໝ່”. ພ້ອມກັບບັນດາການເຄື່ອນໄຫວຂົນຂວາຍຄື: ການເມືອງ, ການເຈລະຈາ, ການຕໍ່ສູ້ຕໍ່ຫາງສຽງ, ແນະນຳໂຄສະນາກ່ຽວກັບ ຫວຽດນາມ, ເຂົ້າຮ່ວມໃນບັນດາບັນຫາທົ່ວໂລກ, ເອົາໃຈໃສ່ເຖິງວຽກງານຕອບບູນແທນຄຸນກັບເພື່ອນມິດສາກົນ…ສະຫະພັນບັນດາອົງການຈັດຕັ້ງມິດຕະພາບຫວຽດນາມ ເພີ່ມທະວີການເຄື່ອນໄຫວຮ່ວມມືໃນບັນດາຂົງເຂດພັດທະນາ, ມະນຸດສະທຳ, ລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ, ປົກປັກຮັກສາສິ່ງແວດລ້ອມ, ພັດທະນາເສດຖະກິດ - ສັງຄົມ… ກ່າວຄຳເຫັນທີ່ ກອງປະຊຸມໃຫຍ່ແຂ່ງຂັນຮັກຊາດສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ເທື່ອທີ 3, ດຳເນີນໃນວັນທີ 22/9 ຢູ່ຮ່າໂນ້ຍ, ທ່ານປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ຫວູຊວນຮົ່ງ ເນັ້ນໜັກວ່າ: ກອງປະຊຸມໃຫຍ່ແຂ່ງຂັນຮັກຊາດຄັ້ງທີ 3 ໄດ້ວາງອອກບັນດາໜ້າທີ່ຈຸດສຸມ, ສະແດງໃຫ້ເຫັນຄວາມຕັດສິນໃຈຂອງສະຫະພັນ ແລະ ບັນດາອົງການຈັດຕັ້ງສະມາຊິກໃນການສືບຕໍ່ປະກອບສ່ວນປະຕິບັດວຽກງານການຕ່າງປະເທດປະຊາຊົນໃນສະພາບການໃໝ່ຢ່າງມີໄຊ.