​(vovworld) –   ​ໂດຍ​ໄດ້​ຮັບ​ຄຳ​ເຊີນ​ຂອງ​ກະຊວງ​ການ​ຕ່າງປະ​ເທດ​ຫວຽດນາມ, ຄະນະ​ຜູ້​ແທນ​ກະຊວງ​ການ​ຕ່າງປະ​ເທດສ.Paraguay ​ໂດຍ​ຜູ້​ຮັກສາ​ການ​ລັດຖະມົນຕີຊ່ວຍ​ວ່າການ​ກະຊວງ​ການ​ຕ່າງປະ​ເທດ Luis Fernando Avalo ນຳ​ໜ້າ ​ໄດ​້ມາ​ຢ້ຽມຢາມ​ຫວຽດນາມ​ໃນ​ລະຫວ່າງ​ວັນ​ທີ 22 – 24/04. ຕອນ​ເຊົ້າ​ວັນ​ທີ 24/04, ຄະນະ​ຜູ້​ແທນກະຊວງ​ການ​ຕ່າງປະ​ເທດ 2 ປະ​ເທດ​​ໄດ້ດຳ​ເນີນ​ກອງ​ປະຊຸມ​ທາ​ບທາມ​ຄວາມ​ເຫັນ​ດ້ານ​ການ​ເມືອງ​ຄັ້ງ​ທີ​ໜຶ່ງ, ຄະນະ​ຜູ້​ແທນ​ກະຊວງ​ການ​ຕ່າງປະ​ເທດ​ຫວຽດນາມ ​ໂດຍ​ຜູ້​ຊ່ວຍ​ວຽກ​ລັດຖະມົນຕີ​ວ່າການ​ກະຊວງ​ການ​ຕ່າງປ​ະ​ເທດ ຫວູກວາງ​​ມິງ ນຳ​ໜ້າ.

        ທີ່​ກອງ​ປະຊຸມ, 2 ຝ່າຍ​ໄດ້​ຕີ​ລາຄາ​ສູງການ​ພົວພັນ​ຮ່ວມ​ມື 2 ຝ່າຍ​ສືບ​ຕໍ່​ໄດ້​ຮັບ​ການ​ພັດທະນາ​ຢ່າງ​ຕັ້ງ​ໜ້າໃນ​ໄລຍະ​ຜ່ານ​ມາ; ​ການແລກປ່ຽນ​ການ​ຄ້າ 2 ສົ້ນ​ປີ 2014 ບັນລຸ​​ປະມານ 100 ລ້ານ USD, ​ເພີ່ມ​ຂຶ້ນ​ທົບ 5 ​ເທົ່າ​ເມື່ອ​ທຽບ​ໃສ່​ປີ 2010, ​ແຕ່​ວ່າ ຍັງ​ມີ​ຄວາມ​ສາມ​ດບົ່ມຊ້ອນ​ຫຼາຍ​ຢ່າງ​ໃນ​ການ​ພັດທະນາ. ກະຊວງ​ການ​ຕ່າງປະ​ເທດ 2 ປະ​ເທດ ​ໄດ້​ເຫັນ​ດີ ສືບ​ຕໍ່​ສົມທົບ​ກັນ​ຊຸກຍູ້, ໜູນ​ຊ່ວຍ​ຄະນະ​ຜູ້​ແທນ​ທຸກ​ຂັ້ນ, ທຸກຂະ​ແໜງ​ການ, ທ້ອງ​ຖິ່ນ ​ແລະ ວິ​ສາ​ຫະກິດ 2 ຝ່າຍ, ​ເພື່ອ​ແນ​ໃສ່​ເພີ່ມ​ທະວີ​ຄວາມ​ເຂົ້າ​ໃຈ​ເຊິ່ງກັນ ​ແລະ ກັນ ​ແລະ ສ້າງ​ຕັ້ງ​ການ​ພົວພັນ​ຮ່ວມ​ມື​ດຳ​ເນີນ​ທຸລະ​ກິດ, ສົ່ງ​ເສີມ​ການ​ເຈລະຈາ​ເພື່ອ​ກ້າວ​ໄປ​ເຖິງ​ການ​ລົງ​ນາມ​ບັນດາ​ເອກະສານ​ຮ່ວມ​ມື. 2 ຝ່າຍ​ກໍ່​ຢືນຢັນ ສືບ​ຕໍ່​ເພີ່ມ​ທະວີ​ການ​ຮ່ວມ​ມື, ສະໜັບສະໜູນ​ເຊິ່ງກັນ ​ແລະ ກັນ​ທີ່​ບັນດາ​ອົງການ​ຈັດ​ຕັ້ງ​ສາກົນ; ສົມທົບ​ກັນ​ຈັດ​ຕັ້ງ​ການ​ເຄື່ອນ​ໄຫວ​ສະ​ເຫຼີ​ມສະຫຼອງ 20 ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ​ລະຫວ່າງ 2 ປະ​​ເທດ (30/05/1995 – 30/05/2015).

        2 ຝ່າຍ​ກໍ່​ແລກ​ປ່ຽນ​ກ່ຽວ​ກັບ​ບັນດາ​ບັນຫາ​ພາກ​ພື້ນ ​ແລະ ສາກົນ​ທີ່​ຕ່າງ​ຝ່າຍ​ຕ່າງ​ມີ​ຄວາມ​ສົນ​ໃຈ; ​ເຫັນ​ດີ​ສະໜັບສະໜູນ​ຫຼັກ​ໝັ້ນ​ແກ້​ໄຂ​ບັນດາ​ການ​ຂັດ​ແຍ້​ງຜ່ານ​ການ​ເຈລະຈາ​ໂດຍ​ສັນຕິ ​ແລະ ​ເຂົ້າ​ລົບ​ກົດໝາຍ​ສາກົນ, ​ໂດຍ​ສະ​ເພາະ​ແມ່ນ​ສັນ​ທິສັນຍາ​ສະຫະ​ປະຊາ​ຊາດ​ກ່ຽວ​ກັບ​ກົດໝາຍ​ວ່າ​ດ້ວຍ​ທະ​ເລ​ທີ 1982.