(ພາບ: Tung Dinh)
(vovworld) – ວັນທີ 5/6, ກະຊວງການຕ່າງປະເທດ ຫວຽດນາມ ໄດ້ຈັດການປະຊຸມຂ່າວສາກົນຢູ່ ຮ່າໂນ້ຍ, ເພື່ອແນໃສ່ສືບຕໍ່ອັບແດດຂໍ້ມູນຂ່າວກ່ຽວກັບສະພາບການໃນພື້ນທີ່ຕົວຈິງນັບແຕ່ເມື່ອ ຈີນ ຕັ້ງຮ້ານເຈາະນ້ຳມັນ ໄຮຢາງ - 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງ ຫວຽດນາມ, ກໍ່ຄືປະກາດກ່ຽວກັບບັນດາຄວາມມານະພະຍາຍາມຂອງ ຫວຽດນາມ ໃນການແກ້ໄຂບັນຫາດ້ວຍມາດຕະການສັນຕິວິທີ.
ຕາມແຫຼ່ງຂ່າວຈາກຜູ້ຕາງໜ້າກະຊວງການຕ່າງປະເທດແລ້ວ, ກ່ວາ 1 ເດືອນຜ່ານມາ, ໂດຍບໍ່ຫົວຊາຕໍ່ບັນດາຄວາມມານະພະຍາຍາມທາງການທູດ ຂອງ ຫວຽດນາມ ແລະ ປະຕິກິລິຍາຢ່າງຮຸນແຮງຂອງປະຊາຄົມໂລກ, ຈີນ ບໍ່ພຽງແຕ່ບໍ່ຢຸດຕິບັນດາການເຄື່ອນໄຫວຢ່າງຜິດກົດໝາຍຂອງຕົນເທົ່ານັ້ນ ຫາກຍັງມີບັນດາຄຳເວົ້າຕູ່ຫາ, ເສກສັນປັ້ນແຕ່ງ, ຖີ້ມໂທດໃຫ້ ຫວຽດນາມ. ຮ້າຍແຮງກ່ວາ, ໃນພື້ນທີ່ຕົວຈິງ, ຈີນ ມີການກະທຳປິນຂັ້ນໄດແບບໃໝ່, ເປີດກ້ວາງບໍລິເວນເຄື່ອນໄຫວຂອງຮ້ານເຈາະນ້ຳມັນໄຮຢາງ - 981, ເພີ່ມທະວີກຳປັ່ນ ອູ້ມຊູປະເພດຕ່າງໆ, ດຳເນີນການປິດລ້ອມ, ເປັນເຈົ້າການໃນການບຸກໂຈມຕີ, ຕຳ່ໃສ່ບັນດາກຳປັ່ນພົນລະເຮືອນຂອງຫວຽດນາມ.
ເມື່ອຕອບຄຳຖາມຂອງນັກຂ່າວສາກົນກ່ຽວກັບເລື່ອງ ອາເມລິກາ ອອກສຽງສະໜັບສະໜູນ ຫວຽດນາມ ປົກປັກຮັກສາອະທິປະໄຕ, ໂຄສົກກະຊວງການຕ່າງປະເທດ ຫວຽດນາມ ເລຫາຍບິ່ງ, ຢືນຢັນວ່າ:
“ເລື່ອງຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ປອດໄພໃນການເດີນທະເລຢູ່ພາກພື້ນແມ່ນຜົນປະໂຫຍດ, ຄວາມຮັບຜິດຊອບ ແລະ ພັນທະຂອງທຸກໆປະເທດກ່ຽວຂ້ອງ, ທັງຢູ່ພາຍໃນ ແລະ ນອກພາກພື້ນ. ອາເມລິກາ ແມ່ນປະເທດມະຫາອຳນາດຂອງໂລກ ແລະ ຂອງ ອາຊີ - ປາຊີຟິກ. ໃນໄລຍະຜ່ານມາ, ພ້ອມກັບປະຊາຄົມໂລກ, ອາເມລິກາ ກໍ່ມີສຽງເວົ້າເພື່ອປະກອບສ່ວນຫລຸດຜ່ອນຄວາມເຄັ່ງຕຶງໃນປະຈຸບັນຢູ່ພາກພື້ນ. ພວກຂ້າພະເຈົ້າຫວັງວ່າ, ອາເມລິກາ ສືບຕໍ່ມີສຽງເວົ້າແຮງກ່ວາ ແລະ ມີ ການກະທຳແທດຈິງກ່ວາ, ມີລັກສະນະສ້າງສັນເພື່ອປະກອບສ່ວນເຂົ້າໃນສັນຕິພາບຢູ່ພາກພື້ນ.”
ທ່ານ ເຈິ່ນຢູຍຫາຍ
(ພາບ: Tung Dinh)
ກ່ຽວຂ້ອງເຖິງຄຳຖາມທີ່ວ່າຫວ່າງແລ້ວນີ້, ໃນການປະຊຸມຂ່າວ, ໂຄສົກກະຊວງການຕ່າງປະເທດຈີນ ຫວາຈຸນຢິງ ໄດ້ຖະແຫຼງວ່າ ຫວຽດນາມ ໄດ້ຈັດກຳປັ່ນຫຼາຍລຳມາລົບກວນການເຄື່ອນໄຫວຂອງຮ້ານເຈາະນຳ້ມັນ ໄຮຢາງ 981 ຂອງຈີນ ແລະ ຫວຽດນາມ ໄດ້ຕັ້ງໃຈຕຳ່ໃສ່ກຳ່ປັ່ນລັດຖະການຂອງຈີນ, ພ້ອມທັງຖືວ່າການກະທຳຂອງຫວຽດນາມ ແມ່ນນາບຂູ່ເຖິງຄວາມສະຫງົບປອດໄພຂອງພາກພື້ນ. ພ້ອມກັນນັ້ນ, ຈີນກໍ່ໄດ້ພິມຈຳໜ່າຍເອກະສານຢູ່ ສປຊ ແລະ ຝາກຈົດໝາຍທາງການເຖິງຄະນະຜູ້ຕາງໜ້າປະເທດຕ່າງໆຢູ່ເຊີແນວອີກກ່ຽວກັບເຫດການດັ່ງກ່າວອີກ. ທ່ານ ເຈິ່ນຢູຍຫາຍ, ຮອງຫົວໜ້າຄະນະກຳມະການຊາຍແດນແຫ່ງຊາດຫວຽດນາມໄດ້ປະຕິເສດວ່າ:
“ເນື້ອໃນຈົດໝາຍທາງການ ແລະ ຄຳປາໄສຂອງໂຄສົກກະຊວງການຕ່າງປະເທດຈີນນັ້ນ ລ້ວນແຕ່ເສກສັນປັ້ນແຕ່ງ, ບິດເບືອນຄວາມຈິງ. ພຽງແຕ່ມີກຳ່ປັ່ນຂອງຈີນຕຳ່ໃສ່ກຳ່ປັ່ນຂອງຫວຽດນາມເທົ່ານັ້ນ ແລະ ຈີນກໍ່ບໍ່ມີພະຍານຫຼັກຖານໃດໆເພື່ອພິສູດໃຫ້ເຫັນວ່າຫວຽດນາມ ບຸກໂຈມຕີກຳ່ປັ່ນຂອງຈີນ ແລະ ຜ່ານພາຫະນະສື່ມວນຊົນ, ຈີນເອງກໍ່ໄດ້ຍອມຮັບວ່າກຳ່ປັ່ນ ຂອງຈີນໄດ້ຕຳ່ໃສ່ກຳ່ປັ່ນຂອງຫວຽດນາມ. “
ກ່ຽວຂ້ອງເຖິງມາດຕະການກໍ່ສູ້ໃນໄລຍະຈະມາເຖິງ, ຜູ້ຕາງໜ້າກະຊວງການຕ່າງປະເທດ, ອົງການກວດກາການປະມົງ, ຕຳຫຼວດທະເລຫວຽດນາມ ລ້ວນແຕ່ຢືນຢັນວ່າ ຈະເດັດດຽວປະຕິບັດທຸກມາດຕະການຕໍ່ສູ້ດ້ວຍສັນຕິວິທີ, ເພື່ອບັງຄັບໃຫ້ຈີນ ຖອນຮ້ານເຈາະນຳ້ມັນໄຮຢາງ 981 ອອກຈາກເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ຫວຽດນາມ ປາດຖະໜາວ່າປະຊາຄົມໂລກຈະສືບຕໍ່ອອກສຽງຄັດຄ້ານຢ່າງແຮງຕໍ່ການກະທຳຜິດພາດຂອງຈີນ, ເພື່ອປົກປ້ອງຄວາມເປັນທຳ ແລະ ຄວາມຍຸຕິທຳ.