(vovworld) – ໃນການປະຊຸມຂ່າວປະຈຳວັນຂອງກະຊວງການຕ່າງປະເທດອາເມລິກາ ວັນທີ 27/05, ໂຄສົກກະຊວງການຕ່າງປະເທດອາເມລິກາ ທ່ານນາງ Jen Psaki ໃຫ້ຮູ້ວ່າ, ອາເມລິກາ ຍັງບໍ່ທັນມີຂໍ້ມູນຢ່າງພຽງພໍເພື່ອໃຫ້ຂໍ້ສັງເກດກ່ຽວກັບເລື່ອງກຳປັ່ນຫາປາລຳໜຶ່ງຂອງຫວຽດນາມ ຖືກກຳປັ່ນຂອງຈີນ ຕຳໃຫ້ຈົມນ້ຳຢູ່ທະເລຕາເວັນອອກ, ແຕ່ທ່ານນາງກໍ່ຢືນຢັນວ່າ ຈີນ ແມ່ນຝ່າຍເກາະຜິດກໍ່ຄວາມເຄັ່ງຕຶງໃນປະຈຸບັນຢູ່ທະເລຕາເວັນອອກ. ທ່ານນາງ Jen Psaki ເນັ້ນໜັກວ່າ “ພວກຂ້າພະເຈົ້າບໍ່ມີແຫຼ່ງຂ່າວເອກະລາດທີ່ກ່ຽວຂ້ອງເຖິງເຫດການດັ່ງກ່າວ ແລະ ຈະຊອກຫາຂໍ້ມູນເພີ່ມເຕີມ. ແຕ່ວ່າ ພວກຂ້າພະເຈົ້າຍັງວິຕົກກັງວົນຕໍ່ການກະທຳຂອງກຳປັ່ນຈີນ ທີ່ເຄື່ອນໄຫວໃນເຂດ. ພວກຂ້າພະເຈົ້າສືບຕໍ່ຮຽກຮ້ອງໃຫ້ຝ່າຍຕ່າງໆຈົ່ງລະງັບໃຈ, ຫຼຸດຜ່ອນຄວາມເຄັ່ງຕຶງ, ແກ້ໄຂບັນຫາຢ່າງປອດໄພ ແລະ ມີຄວາມທີ່ຮັບຜິດຊອບ”. ເມື່ອຕອບຄຳຖາມທີ່ວ່າ ແມ່ນບໍ່ວ່າ ບັນດາການກະທຳຂອງຫວຽດນາມ ຢູ່ທະເລຕາເວັນອອກ ແມ່ນການເກາະຜິດຫຼືບໍ່? ໂຄສົກກະຊວງການຕ່າງປະເທດອາເມລິກາ ຢືນຢັນວ່າ ມີແຕ່ບັນດາການກະທຳຂອງຈີນ ແມ່ນຖືລັກສະນະເກາະຜິດ ແລະ ຝ່າຍອາເມລິກາ ຈະຊອກຫາຂໍ້ມູນທີ່ກ່ຽວຂ້ອງເຖິງເລື່ອງກຳປັ່ນຂອງຈີນ ຕຳກຳປັ່ນຂອງຫວຽດນາມ ໃຫ້ຈົມນ້ຳ.