(ທ່ານນາງ ຫວໍ້ທິແອັງຊວັນ ຮອງປະທານປະເທດ ຫວຽດນາມ, ມອບຂອງຂວັນໃຫ້ບັນດາຄອບຄົວນະໂຍບາຍ, ຜູ້ທຸກຍາກ, ກຳມະກອນຜູ້ອອກແຮງງານ, ເດັກນ້ອຍປະສົບກັບຄວາມຫຍຸ້ງຍາກຢູ່ແຂວງ ຢາລາຍ)

        ຕອນບ່າຍວັນທີ 14 ມັງກອນ, ທ່ານນາງ ຫວໍ້ທິແອັງຊວັນ ຮອງປະທານປະເທດ ຫວຽດນາມ, ໄດ້ໄປມອບຂອງຂວັນໃຫ້ບັນດາຄອບຄົວນະໂຍບາຍ, ຜູ້ທຸກຍາກ, ກຳມະກອນຜູ້ອອກແຮງງານ, ເດັກນ້ອຍປະສົບກັບຄວາມຫຍຸ້ງຍາກຢູ່ແຂວງ ຢາລາຍ, ເນື່ອງໃນໂອກາດບຸນເຕັດປີມະເສັງ 2025. ທ່ານນາງ ຫວໍ້ທິແອັງຊວັນ ກໍ່ໄດ້ໄປຢື້ຢາມຖາມຂ່າວ, ລະດົມກຳລັງແກ່ແມ່ ຫວຽດນາມ ວິລະຊົນ ເລທິທໍ້, ທະຫານເຈັບປ່ວຍ ດິງ ບເລັງ ຢູ່ນະຄອນ ປໄລກຸ, ແຂວງ ຢາລາຍ.

        ເນື່ອງໃນໂອກາດນີ້, ທ່ານນາງ ຫວໍ້ທິແອັງຊວັນ ກໍ່ໄດ້ມອບຂອງຂວັນ 500 ພູດທີ່ມີມູນຄ່າ 500 ລ້ານດົ່ງໃຫ້ຜູ້ທຸກຍາກແຂວງ ຢາລາຍ. ສະພາອຸປະກະລະກອງທຶນອຸປະກະລະເດັກ ຫວຽດນາມ ໄດ້ມອບຂອງຂວັນບຸນເຕັດລວມມູນຄ່າ 200 ລ້ານດົ່ງໃຫ້ແກ່ເດັກນ້ອຍປະສົບກັບຄວາມຫຍຸ້ງຍາກຂອງແຂວງ. ທ່ານນາງ ຫວໍ້ທິແອັງຊວັນຮອງປະທານປະເທດ, ເນັ້ນໜັກວ່າ:

        “ໜ້າທີ່ສຳຄັນແມ່ນການພັດທະນາເສດຖະກິດ, ສັງຄົມ ເພື່ອເບິ່ງແຍງດູແລ, ຍົກສູງຊີວິດທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນ. ພຽງແຕ່ພັດທະນາເສດຖະກິດຢ່າງແຮງ ຈຶ່ງມີກຳລັງບົມຊ້ອນດ້ານປ້ອງກັນຊາດ, ປ້ອງກັນຄວາມສະຫງົບ ເພື່ອປົກປັກຮັກສາຄວາມໝັ້ນຄົງເຂດຊາຍແດນ, ປົກປັກຮັກສາອະທິປະໄຕຜືນແຜ່ນດິນໃນສະພາບການໃໝ່, ສະນັ້ນ, ນີ້ແມ່ນໜ້າທີ່, ແມ່ນຄວາມຮຽກຮ້ອງຕໍ່ບັນດາແຂວງເຂດ ໄຕງວຽນ ເວົ້າລວມ ແລະ ຢາລາຍ ເວົ້າສະເພາະ”.

        ແລະກໍ່ໃນວັນທີ 14 ມັງກອນ, ຄະນະປະຕິບັດງານການນຳພັກ, ລັດ ໂດຍທ່ານນາງ ຫງວຽນທິແທັງ, ຮອງປະທານສະພາແຫ່ງຊາດ ເປັນຫົວໜ້າຄະນະ, ໄດ້ໄປຢ້ຽມຢາມ, ມອບຂອງຂວັນບຸນເຕັດປີມະເສັງ 2025 ໃຫ້ແກ່ຄອບຄົວນະໂຍບາຍ, ຄອບຄົວທຸກຍາກ, ຄອບຄົວປະສົບກັບຄວາມຫຍຸ້ງຍາກຢູ່ແຂວງ ບິ່ງທວ້ນ.

        ໃນວັນດຽວກັນ, ຄະນະປະຕິບັດງານຂອງສະພາແຫ່ງຊາດໂດຍທ່ານຮອງປະທານສະພາແຫ່ງຊາດ ເຈິ່ນກວາງເຟືອງ ເປັນຫົວໜ້າຄະນະ, ໄດ້ໄປຢ້ຽມຢາມ,  ອວຍພອນບຸນເຕັດ ແລະ ມອບຂອງຂວັນໃຫ້ບັນດາຄອບຄົວທຸກຍາກ, ຄອບຄົວນະໂຍບາຍ ແລະ ບັນດາຫົວໜ່ວຍຂອງແຂວງ ກອນກຸມ.