(VOVWORLD) -ກອງປະຊຸມສຸດຍອດລະຫວ່າງ ອາເມລິກາ ແລະ ສປປ.ເກົາຫຼີ ຄັ້ງທີ 2 ໄດ້ມີການເລີ່ມຕົ້ນຢ່າງດີງາມ ແລະ ການພົວພັນ ລະຫວ່າງ ທ່ານ Donald Trump ປະທານາທິບໍດີ ອາເມລິກາ ແລະ ທ່ານ Kim Jong-Un ການນຳ ສປປ.ເກົາຫຼີ ເປັນການພົວພັນທີ່ມີປະໂຫຍດ ສຳລັບ ພື້ນຖານການທູດ.
 ທ່ານ Donald Trump ປະທານາທິບໍດີ ອາເມລິກາ ແລະ ທ່ານ Kim Jong-Un ການນຳ ສປປ.ເກົາຫຼີ (ພາບ:TTXVN) |
ພາຍຫຼັງສິ້ນສຸດວັນທຳອິດຂອງກອງປະຊຸມສຸດຍອດ ລະຫວ່າງ ອາເມລິກາ - ສປປ.ເກົາຫຼີ ຄັ້ງທີ ສອງ ເຊິ່ງພວມດຳເນີນຢູ່ ຮ່າໂນ້ຍ ຫວຽດນາມ, ໃນວັນທີ 27 ກຸມພາ, ທ່ານ Shinzo Abe ນາຍົກລັດຖະມົນຕີ ຍີປຸ່ນ ໄດ້ສະແດງຄວາມຫວັງກ່ຽວກັບວິວັດການປອດນິວເຄຼີຍໃນແຫຼມເກົາຫຼີ.
ໃນຂະນະນັ້ນ,ທ່ານ ຫວາງອີ ສະມາຊິກຄະນະລັດຖະບານ, ລັດຖະມົນຕີການຕ່າງປະເທດ ຈີນ ເນັ້ນໜັກວ່າ: ປັກກິ່ງລໍຄອຍບັນດາບາດກ້າວສຳຄັນກ່ຽວກັບການປອດນິວເຄຼີຍ ແລະ ສ້າງກົນໄກສັນຕິພາບໃນແຫຼມເກົາຫຼີໃນກອງປະຊຸມຄັ້ງນີ້ຂອງການນຳ ສປປ.ເກົາຫຼີ ແລະ ອາເມລິກາ. ທ່ານຍັງຢັ້ງຢືນວ່າມີພຽງແຕ່ການສົນທະນາເຈລະຈາຈຶ່ງສາມາດແກ້ໄຂບັນຫາດັ່ງກ່າວໄດ້. ທ່ານຍັງເນັ້ນໜັກວ່າ ຈີນ ຈະສືບຕໍ່ຮັກສາບົດບາດຮັກສາສັນຕິພາບ, ຄວາມສະຖຽນລະພາບ, ຊຸກຍູ້ການເຈລະຈາສັນຕິພາບ ແລະ ສົນທະນາ, ປະກອບສ່ວນເຂົ້າໃນສະຖຽນລະພາບທີ່ຍາວນານໃນແຫຼມເກົາຫຼີ.
ກໍ່ໃນວັນທີ 27 ກຸມພາ, ທ່ານ Bill Richardson ເອກອັກຄະລັດຖະທູດ ອາເມລິກາ ປະຈຳ ສະຫະປະຊາຊາດ ມີທັດສະນະວ່າມາຮອດເຖິງປັດຈຸບັນ, ກອງປະຊຸມສຸດຍອດລະຫວ່າງ ອາເມລິກາ ແລະ ສປປ.ເກົາຫຼີ ຄັ້ງທີ 2 ໄດ້ມີການເລີ່ມຕົ້ນຢ່າງດີງາມ ແລະ ການພົວພັນ ລະຫວ່າງ ທ່ານ Donald Trump ປະທານາທິບໍດີ ອາເມລິກາ ແລະ ທ່ານ Kim Jong-Un ການນຳ ສປປ.ເກົາຫຼີ ເປັນການພົວພັນທີ່ມີປະໂຫຍດ ສຳລັບ ພື້ນຖານການທູດ.