ພາບປະກອບ: THX/TTXVN

ວັນທີ 25 ທັນວາ, ມີເຈົ້າໜ້າທີ່ຂຶ້ນກັບກະຊວງພາຍໃນຂອງລັດຖະບານຊົ່ວຄາວຊີຣີຢ່າງໜ້ອຍສຸດ 14 ຄົນເສຍຊີວິດ ໃນເຫດບຸກໂຈມຕີຢູ່ແຂວງ Tartus, ທາງທິດຕາເວັນຕົກສ່ຽງເໜືອ ຊີຣີ. ເຫດການໄດ້ຮັບຖືວ່າແມ່ນໂດຍກຳລັງສະໜັບສະໜູນປະທານາທິບໍດີ Bashar al-Assad ດຳເນີນ. ສື່ມວນຊົນປະເທດປະຈຳຖິ່ນ ໄດ້ຄັດສະເໜີຄຳເວົ້າຂອງທ່ານລັດຖະມົນຕີກະຊວງພາຍໃນຊົ່ວຄາວຊີຣີ Mohammed Abdul Rahman ໃຫ້ຮູ້ວ່າ ບັນດາເຈົ້າໜ້າທີ່ດັ່ງກ່າວເສຍຊີວິດຂະນະທີ່ພວມປະຕິບັດບັນດາໜ້າທີ່ເພື່ອແນໃສ່ຮັກສາຄວາມໝັ້ນຄົງ ແລະ ປົກປ້ອງສາມັນຊົນໃນພາກພື້ນ. ບັນດາເປົ້າໝາຍປະຕິບັດເຫດບຸກໂຈມຕີໄດ້ຮັບຖືວ່າມີສ່ວນກ່ຽວຂ້ອງກັບອຳນາດການປົກຄອງຊຸດເກົ່າ. ເຖິງຢ່າງໃດກໍຕາມ, ແຈ້ງການບໍ່ສະໜອງຂໍ້ມູນຢ່າງລະອຽດຕື່ມອີກ. ນີ້ໄດ້ຮັບການຖືວ່າແມ່ນເຫດການຫຼ້າສຸດທີ່ກ່ຽວຂ້ອງເຖິງການຂາດສະຖຽນລະພາບດ້ານຄວາມໝັ້ນຄົງຢູ່ ຊີຣີ ໃນໄລຍະຜ່ານມາ ແລະ ອາດຈະເຮັດໃຫ້ຄວາມເຄັ່ງຕຶງລະຫວ່າງບັນດາຝ່າຍຢູ່ປະເທດຕາເວັນອອກກາງນີ້ເພີ່ມຂຶ້ນຢ່າງແຮງ.