ລັດຖະມົນຕີການຕ່າງປະເທດ 2 ປະເທດໃນການພົບປະກັບສື່ມວນຊົນໃນເດືອນ 1/2016
(ພາບ: Thống Nhất/TTXVN)
|
(vovworld) – ວັນທີ 18/9, ຢູ່ຮ່າໂນ້ຍ, ສະມາຄົມມິດຕະພາບ ຫວຽດນາມ - ຮູງກາຣີ ຂຶ້ນກັບສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງການພົບປະແລກປ່ຽນມິດຕະພາບເນື່ອງໃນໂອກາດສະເຫຼີມສະຫຼອງວັນຊາດ ຫວຽດນາມ (2/9) ແລະ ວັນຊາດ ຮູງກາຣີ (20/8). ກ່າວຄຳເຫັນທີ່ການພົບປະແລກປ່ຽນ, ທ່ານ ຟ້າມວຽດເຊີນ, ຮອງປະທານສະມາຄົມມິດຕະພາບ ຫວຽດນາມ - ຮູງກາຣີ ໄດ້ສະແດງຄວາມປິຕິຊົມຊື່ນຕໍ່ບັນດາບາດກ້າວພັດທະນາໃໝ່ໃນການພົວພັນມິດຕະກາບ ການຮ່ວມມື ຫວຽດນາມ - ຮູງກາຣີ. ຊຸມປີມໍ່ໆມານີ້, ການພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດໄດ້ຮັບການເປີດກ້ວາງຢ່າງບໍ່ຢຸດຢັ້ງ ແລະ ພັດທະນາຢ່າງແຮງໃນຫຼາຍຂົງເຂດ. ໃນໄລຍະຈະມາເຖິງ, 2 ປະເທດຈະພ້ອມກັນຈັດຕັ້ງການເຄື່ອນໄຫວແທດຈິງຫຼາຍຢ່າງ, ປະກອບສ່ວນເຮັດໃຫ້ການພົວພັນມິດຕະພາບອັນດີງາມລະຫວ່າງ 2 ປະເທດ ຫວຽດນາມ - ຮູງກາຣີ ເລິກເຊິ່ງກ່ວາອີກ, ມຸ່ງໄປເຖິງການພົວພັນຄູ່ຮ່ວມມືຍຸດທະສາດ.