(vovworld) - ​ການ​ສົນທະນາ​ນະ​ໂຍບາຍການ​ປ້ອງ​ກັນຊາ​ດ ຫວຽດນາມ-​ຍີ່ປຸ່ນ ຄັ້ງ​ທີ 3 ​ໄດ້​ດຳ​ເນີນ​ໃນວັນ​ທີ 29/1, ທີ່​ຮ່າ​ໂນ້ຍ ລະຫວ່າງ​ທ່ານພົນ​ໂທ ຫງວຽນ​ຈີ໋ວີ້ງ, ລັດຖະມົນຕີ​ຊ່ວຍ​ວ່າການ​ກະຊວງ​ປ້ອງ​ກັນ​ປະ​ເທດ​ຫວຽດນາມ ​ແລະ ທ່ານ Tokuchi Hideshi, ລັດຖະມົນຕີ​ຊ່ວຍ​ວ່າການ​ກະຊວງ​ປ້ອງ​ກັນປະ​ເທດຍີ່ປຸ່ນ. 2 ຝ່າຍ​​ໄດ້​ແລກປ່ຽນ​ກ່ຽວ​ກັບ​ສະພາບ​ການ​ສາກົນ, ພາກ​ພື້ນ​ເຊິ່ງຕ່າງ​ຝ່າຍ​ຕ່າງ​ມີ​ຄວາມ​ສົນ​​ໃຈ; ຕີ​ລາຄາ​ສູງ​ໝາກຜົນ​​ແຫ່ງການ​ຮ່ວມ​ມື​ດ້ານປ້ອງ​ກັນຊາ​ດລະຫວ່າງ 2 ຝ່າ​ຍ​ໃນ​ໄລຍະ​ຜ່ານ​ມາ. ທ່ານພົນ​ໂທ ຫງວຽນ​ຈີ໋ວີ້ງ ​ແລະ ທ່ານ Tokuchi Hideshi ​ໄດ້​ເຫັນ​ດີ​ເປັນ​ເອກະ​ພາບ​ໃນ​ໄລຍະ​ຈະ​ມາ​ເຖິງ​ກະຊວງ​ປ້ອງ​ກັນ​ປະ​ເທດຂອງ 2 ປະ​ເທດ​ຈະສືບ​ຕໍ່​ຮັກສາ​ການ​ສົນທະນາ​ນະ​ໂຍບາ​ຍ ການປ້ອງ​ກັນຊາ​ດຂັ້ນ​ຮອງລັດຖະມົນຕີ​, ​ແລກປ່ຽນ​ຄະນະ​ຜູ້​ແທນ​ທຸກ​ຂັ້ນ, ໜູນ​ຊ່ວຍ​ເຊິ່ງກັນ ​ແລະ ກັນ ກ່ຽວ​ກັບ​ການ​ຮ່ວມ​ມື​ບຳລຸງ​ສ້າງ​ຊັບພະຍາກອນ​ມະນຸດ, ​ແບ່ງປັນ​ບົດຮຽນ​ຮັບ​ມື​ກັບ​ບັນດາ​ໄພພິບັດ, ​ໄພ​ທຳ​ມະ​ຊາດ​ ຊື່ງ​ແຕ່ລະ​ປະ​ເທດ​ມີ​ທ່າ​ແຮ​ງ, ຊອກ​ຫາ​ກູ້​ໄພ​ກູ້​ຊີບ, ​ແກ້​ໄຂ​ຜົນ​ຮ້າຍ​ຢ້ອນ​ຫຼັງ​ຈາກ​ລູກ​ລະ​ເບີດ​ບໍ່​ທັນ​ແຕກ​ຫຼັງ​ສົງຄາມ… 2 ຝ່າຍ​ກໍ່​ສະ​ແດງ​ຄວາມ​ປາດ​ຖະໜາ​ຢາກ​ເພີ່ມ​ທະວີ​ຊຸກຍູ້​ການ​ຮ່ວມ​ມື​ປ້ອງ​ກັນຊາ​ດຮອບດ້ານ ເພື່ອ​ຜົນ​ປະ​ໂຫຍ​ດລວມຂອງ​ປະຊາຊົນ 2 ປະ​ເທດ, ປະກອບສ່ວນ​​ເຂົ້າ​ໃນ​ການປົກປັກ​ຮັກສາ​ສັນຕິພາບ, ສະຖຽນ​ລະ​ພາບ, ການ​ພັດທະນາ​ຢູ່​ພາກ​ພື້ນ ​ແລະ ​ໃນ​ໂລກ.