(ພາບປະກອບ)
(vovworld)- ຕອນບ່າຍວັນທີ 24/3, ຢູ່ມົດສະກູ, ຄະນະຮັບຜິດຊອບວຽກງານຊາວໜຸ່ມກອມມູນິດໂຮ່ຈິມິນ ປະຈຳສະຫະພັນລັດເຊຍ ໄດ້ຈັດພິທີສະເຫຼີມສະຫຼອງ 82 ປີແຫ່ງວັນສ້າງຕັ້ງຄະນະຊາວໜຸ່ມກອມມູນິດໂຮ່ຈິມິນ (26/3/1931-26/3/2013) ແລະ ສະຫລຸບເດືອນຊາວໜຸ່ມປີ 2013. ກ່າວຄຳເຫັນທີ່ພິທີ, ທ່ານຟ້າມຊວນເຊີນ, ເອກອັກຄະລັດຖະທູດຫວຽດນາມ ປະຈຳລັດເຊຍ ສະເໜີໃຫ້ລຸ້ນໜຸ່ມ ຈົ່ງຝຶກຝົນຫຼໍ່ຫຼອມຄຸນສົມບັດ, ຕັ້ງໜ້າເຂົ້າຮ່ວມບັນດາຂະບວນການ ແລະ ການເຄື່ອນໄຫວດ້ານການເມືອງ, ສັງຄົມ, ສູ້ຊົນກໍ່ສ້າງພັກ, ອົງການຊາວໜຸ່ມ, ຮ່ຳຮຽນດີ ແລະ ອອກແຮງປະກອບສ່ວນເຂົ້າໃນວຽກງານສ້າງນ້ຳໃຈມິດຕະພາບກັບປະຊາຊົນລັດເຊຍ ພ້ອມກັບປະຊາຊາດອື່ນໆ:
“ອະນາຄົດແມ່ນຂຶ້ນກັບການຮ່ຳຮຽນຂອງພວກເພື່ອນໃນມື້ນີ້, ປະເທດຊາດພວມລໍຄອຍບັນດາຜູ້ຊ່ຽວຊານໃນທຸກຂົງເຂດແຕກຕ່າງກັນ ຊື່ງໃນມື້ນີ້ແມ່ນພວກເພື່ອນພວມນັ່ງຢູ່ນີ້. ສາຍພົວພັນລະຫວ່າງຫວຽດນາມ-ລັດເຊຍ ພວມກ້າວເຂົ້າສູ່ໄລຍະຈົບງາມທີ່ສຸດ…ຂ້າພະເຈົ້າຄິດວ່າ: ບັນດາຜູ້ໄດ້ຮັບການບຳລຸງສ້າງຢູ່ລັດເຊຍ ແນ່ນອນວ່າລັດຈະຕ້ອງການນຳໃຊ້ ແລະ ອະນາຄົດອັນຈົບງາມພວມລໍຄອຍພວກເພື່ອນ“
ເນື່ອງໃນໂອກາດນີ້, ຕອນຄ່ຳຂອງວັນທີ 24/3, ສູນກາງຊາວໜຸ່ມກອມມູນິດໂຮ່ຈິມິນ ໄດ້ຈັດງານພົບປະແລກປ່ຽນກັບເລຂາຊາວໜູ່ມຮາກຖານດີເດັ່ນທົ່ວປະເທດໄດ້ຮັບລາງວັນ 26/3 ລວມ 82 ຄົນດ້ວຍຫົວເລື່ອງ “ ໄຕ້ໄຟແຫ່ງມູນເຊື້ອ“ ຊື່ງແມ່ນຜູ້ທີ່ມີຜົນງານດີເດັ່ນໃນປີ 2012, ນຳໜ້າໃນບັນດາຂະບວນການຊາວໜຸ່ມຂອງບັນດາເມືອງ, ໂຮງຮຽນ, ອົງການສຳນັກງານ.