ການເຄື່ອນໄຫວຕ່າງໆສະເຫຼີມສະຫຼອງວັນປົກປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ
ຄະນະການນຳນະຄອນໂຮ່ຈີມິນ ກໍ່ໄດ້ໄປວາງພວງາລາ, ໄຫວ້ອາໄລ ບັນດາວິລະຊົນທີ່ໄດ້ເສຍສະຫຼະຊີວິດ ທີ່ສຸສານນັກຮົບທີ່ເສຍສະຫຼະຊີວິດນະຄອນ
(ພາບ: baomoi.com)
(vovworld) - ໃນໂອກາດສະເຫຼີມສະຫຼອງ 39 ປີ ແຫ່ງ ວັນປົກປ່ອຍພາກໃຕ້ຢ່າງສົມບູນ, ທ້ອນໂຮມປະເທດຊາດເປັນເອກະພາບ (30/4/1975-30/4/2014). ຕອນເຊົ້າວັນທີ 29/4, ຄະນະພັກນະຄອນໂຮ່ຈີມິນ ໄດ້ຈັດຕັ້ງພິທີປະກາດປຶ້ມປະຫວັດຄະນະພັກນະຄອນໂຮ່ຈີມິນ ໄລຍະ 1930 – 1975. ກ່າວຄຳເຫັນທີ່ພິທີປະກາດ, ທ່ານ ເລແທງຫາຍ, ກຳມະການກົມການເມືອງ, ເລຂາຄະນະພັກນະຄອນໂຮ່ຈີມິນ, ເນັ້ນໜັກວ່າ:
”ກິດຈະກຳປຶ້ມປະຫວັດຄະນະພັກນະຄອນໂຮ່ຈີມິນ ໄລຍະ 1930 - 1975 ບໍ່ພຽງແຕ່ມີຄຸນຄ່າປະຫວັດສາດເທົ່ານັ້ນ ຫາກຍັງສະແດງຄວາມຮູ້ບຸນຄູນຕໍ່ປະຊາຊົນ ແລະ ນັກຮົບທີ່ໄດ້ເສຍສະຫຼະຊີວິດເພື່ອອິດສະຫຼະພາບຂອງປະເທດຊາດອີກດ້ວຍ. ປື້ມຫົວນີ້ໄດ້ຊ່ວຍໃຫ້ພວກເຮົາເຂົ້າໃຈແຈ້ງກວ່າກ່ຽວກັບຜົນງານປະຕິວັດ, ສ້າງຄວາມເອກອ້າງທະນົງໃຈ ແລະ ປະກອບສ່ວນສຶກສາມູນເຊື້ອໃຫ້ພະນັກງານ, ສະມາຊິກພັກ ແລະ ປະຊາຊົນຫວຽດນາມ ອີກດ້ວຍ”
ແລະກໍ່ໃນຕອນເຊົ້າວັນທີ 29/4, ຄະນະການນຳນະຄອນໂຮ່ຈີມິນ ກໍ່ໄດ້ໄປວາງພວງາລາ, ໄຫວ້ອາໄລ ບັນດາວິລະຊົນທີ່ໄດ້ເສຍສະຫຼະຊີວິດ ທີ່ສຸສານນັກຮົບທີ່ເສຍສະຫຼະຊີວິດນະຄອນ ແລະ ສຸສານ ຫຼາກແກງ. ກໍ່ຄືວາງພວງມາລາທີ່ອານຸສາວະລີບັນດານັກຮົບທີ່ເສຍສະຫຼະຊີວິດ ເບັ໋ນເຢືອກ, ເມືອງກູຈີ.