(ພາບປະກອບ: THX/TTXVN)

     ວັນທີ 30 ມັງກອນ, ໜັງສືພິມ The National News ຂອງບັນດາປະເທດສະຫະລັດ ເອມີເລດ ຢູໄນເຕບ  (UAE) ໄດ້ຄັດສະເໜີບັນດາແຫຼ່ງຂ່າວໂດຍໃຫ້ຮູ້ວ່າ: ການເຈລະຈາຄັ້ງຕ່າງໆບັນລຸໄດ້ຄວາມກ້າວງໜ້າຫຼາຍພໍສົມຄວນ ພາຍຫຼັງທີ່ທັງ ອິດສະຣາແອັນ ແລະ ຮາມາສ ລ້ວນແຕ່ໄດ້ດັດປັບບັນດາເງື່ອນໄຂຂອງຕົນ.

  ຮາມາດ ໄດ້ຕົກລົງກັບຄຳສັ່ງຢຸດຍິງໂດຍຊົ່ວຄາວທີ່ແກ່ຍາວໃນເວລາ 40 ວັນ ແລະ ປະລະຄຳຮຽກຮ້ອງຮັບປະກັນດ້ວຍເອກະສານຈາກບັນດານັກໄກ່ເກ່ຍປອງດອງວ່າ ອິດສະຣາແອັນ ຈະສືບຕໍ່ການເຈລະຈາຈົນຮອດເວລາບັນລຸໄດ້ຄຳສັ່ງຢຸດຍິງຖາວອນ. ຕາມຄຳສັ່ງຢຸດຍິງຊົ່ວຄາວນີ້, ເລື່ອງປ່ອຍຕົວປະກັນ “ໂດຍມີການຈຳກັດ” ລວມທັງບັນດານັກຮົບຍິງ ອິດສະຣາແອັນ ຈະຖືກດຳເນີນໄປ ເພື່ອແລກເອົາຄວາມເສລີພາບຂອງຊາວ ປາແລັດສະຕິນທີ່ຖືກຄຸມຂັງໃນຄຸກແຫ່ງຕ່າງໆຂອງ ອິດສະຣາແອັນ. ອິດສະຣາແອັນ ກໍ່ເຫັນດີຈະຖອນຕົວອອກຈາກເຂດດິນແດນລຽບຕາມເຂດຊາຍແດນລະຫວ່າງ ອີຢີບ ແລະ ກາຊາ ຢູ່ຝ່າຍ ປາແລັດສະຕິນ, ໃນນັ້ນມີທັງດ່ານ Rafah.