ພາບປະກອບ: REUTERS

ວັນທີ 25 ທັນວາ, ສຳນັກຂ່າວສານ RIA Novosti ຂອງ ລັດເຊຍ ໄດ້ລົງຂ່າວວ່າ Oboronlogistics ເຊິ່ງແມ່ນບໍລິສັດກຳມະສິດກຳປັ່ນຂົນສົ່ງສິນຄ້າ Ursa Major ຖືກຈົມນ້ຳຢູ່ທະເລ ເມດີເຕເຣເນຍ ໃຫ້ຮູ້ວ່າກຳປັ່ນປະສົບເຄາະຮ້າຍໃນເຫດບຸກໂຈມຕີຂອງພວກກໍ່ການຮ້າຍ. ແຈ້ງການສື່ມວນຊົນຂອງ Oboronlogistics ຊີ້ໃຫ້ເຫັນຢ່າງຈະແຈ້ງວ່າ ຕາມການໃຫ້ປາກຄຳຂອງລູກເຮືອ ມີເຫດລະເບີດຂຶ້ນຢ່າງຕໍ່ເນື່ອງ 3 ຄັ້ງຢູ່ເບື້ອງຂວາຂອງກຳປັ່ນ Ursa Major ເຊິ່ງເຮັດໃຫ້ກຳປັ່ນຈົມນ້ຳ. ກະຊວງການຕ່າງປະເທດລັດເຊຍ ໃສ່ໃຈວ່າ ມີລູກເຮືອ 16 ຄົນຢູ່ກຳປັ່ນ Ursa Major ໃນຈຸດເວລາເກີດກຳປັ່ນຈົມນ້ຳ, 14 ຄົນໄດ້ຮັບການກູ້ຊ່ວຍຈາກກຳລັງປົກປ້ອງເຂດຝັ່ງທະເລ ແອັດສະປາຍ ແລະ ສົ່ງໄປຍັງທ່າກຳປັ່ນ Cartagena ແລ້ວ. ປັດຈຸບັນຍັງມີລູກເຮືອ 2 ຄົນຖືກຫາຍສາບສູນ.