JMC ໄດ້ຍົກອອກຖະແຫຼງການດັ່ງກ່າວ ໃນກອງປະຊຸມທີ່ຈັດຂຶ້ນໃນວັນດຽວກັນຢູ່ນະຄອນ Sirte. ກອງປະຊຸມຂອງ JMC ມີການເຂົ້າຮ່ວມຂອງບັນດາຜູ້ຕາງໜ້າຂອງກົມໃຫຍ່ເສນາທິການກອງທັບ ລີບີ ຢູ່ນະຄອນຫຼວງ Tripoli, ກຳລັງກອງທັບແຫ່ງຊາດ ໂດຍນາຍພົນ Khalifa Haftar ນຳໜ້າ, ກໍຄືຜູ້ຮັກສາການຫົວໜ້າຄະນະໜູນຊ່ວຍຂອງ ສປຊ ຢູ່ ລີບີ ທ່ານ Stephanie Koury.    

        ຖະແຫຼງການຂອງ JMC ໃຫ້ຮູ້ວ່າ ໃນກອງປະຊຸມ, ບັນດາສະມາຊິກຂອງຄະນະກຳມະການໄດ້ປຶກສາຫາລືກ່ຽວກັບສະພາບການຄວາມໝັ້ນຄົງ - ການເມືອງ, ກໍຄືຜົນກະທົບຂອງສະພາບການຄວາມວຸ້ນວາຍ ຕະຫຼອດຮອດຂໍ້ຕົກລົງຢຸດຍິງ ແລະ ການປະຕິບັດບັນດາມາດຕາທີ່ຍັງເຫຼືອໃນຂໍ້ຕົກລົງ.

        ຄະນະກຳມະການການທະຫານລວມ 5+5 ລີບີ ແມ່ນກຸ່ມໜຶ່ງລວມມີຜູ້ຕາງໜ້າ 5 ຄົນທີ່ມາຈາກລັດຖະບານທ້ອນໂຮມປະເທດຊາດ ເຊິ່ງມີສຳນັກງານຕັ້ງຢູ່ Tripoli ແລະ ຜູ້ຕາງໜ້າ 5 ຄົນຂອງກຳລັງກອງທັບແຫ່ງຊາດ ໂດຍມີສຳນັກງານຕັ້ງຢູ່ພາກຕາເວັນອອກ.