ຄະນະກຳມາທິການລະຫວ່າງລັດຖະບານຫວຽດນາມ - ສະຫະພັນລັດເຊຍຈັດກອງ ....
ຕອນເຊົ້າວັນທີ 21 ພະຈິກ ຢູ່ ຮ່າໂນ້ຍ, ໄດ້ດຳເນີນກອງປະຊຸມຂອງຄະນະກຳມາທິການ ລະຫວ່າງລັດຖະບານ ຫວຽດນາມ - ສະຫະພັນລັດເຊຍ ກ່ຽວກັບການຮ່ວມມືເສດຖະກິດ - ການຄ້າ ແລະ ວິທະຍາສາດເຕັກນິກ. ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ແລະ ທ່ານຮອງນາຍົກລັດຖະມົນຕີ ລັດເຊຍ Igo Suvanop ເປັນປະທານຮ່ວມກອງປະຊຸມ. ກ່າວຄຳເຫັນທີ່ພິທີໄຂ, ທ່ານຮອງນາຍົກລັດຖະມົນຕີ ຮ່ວາງຈູງຫາຍຢືນຢັນວ່າ: ຫວຽດນາມຖືເປັນສຳຄັນສາຍພົວພັນທີ່ເປັນມູນເຊື້ອຢ່າງດີງາມກັບ ສະຫະພັນລັດເຊຍ ແລະ ສາຍພົວພັນນັບມື້ນັບມີບັນດາບາດກ້າວພັດທະນາຢ່າງເຂັ້ມແຂງ:
“ພາຍຫຼັງກອງປະຊຸມຄັ້ງທີ່ 14 ຂອງຄະນະກຳມາທິການລະຫວ່າງລັດຖະບານຫວຽດນາມ - ສະຫະພັນລັດເຊຍ, ສາຍພົວພັນມິດຕະພາບອັນເປັນມູນເຊື້ອ ແລະ ການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ ນັັບມື້ນັບສືບຕໍ່ໄດ້ຮັກສາ, ປັບປຸງ ແລະ ພັດທະນາ, ຕອບສະໜອງຄວາມມຸ້ງມາດປາດຖະໜາຂອງ ປຊຊ 2 ປະເທດ, ພິເສດແມ່ນໃນຂົງເຂດຮ່ວມມືດ້ານການຄ້າ ແລະ ການລົງທຶນໄດ້ມີບາດກ້າວພັດທະນາໄວ, ເຂັ້ມແຂງ ແລະ ນຳມາເຊິ່ງປະສິດທິຜົນດ້ານເສດຖະກິດອັນແທດຈິງ. ການຮ່ວມມືດ້ານການປ້ອງກັນຊາດປ້ອງກັນຄວາມສະຫງົບ, ການສຶກສາ, ສາທາລະນະສຸກ, ການເງິນ, ວິທະຍາສາດເຕັກນິກ... ສືບຕໍ່ມີບາດກ້າວພັດທະນາໃໝ່”
ທີ່ກອງປະຊຸມ, 2 ຝ່າຍໄດ້ເຫັນດີເປັນເອກະສັນນຳກັນຈະພ້ອມກັນຍູ້ໄວການປະຕິບັດການຮ່ວມມືໃນບັນດາຂົງເຂດໃໝ່ ຄື: ອະສັງຫະລິມະຊັບ, ໄຟຟ້ານິວເຄຼຍ ແລະ ໂທລະໂຄມມະນາຄົມ. 2 ຝ່າຍກໍ່ຢືນຢັນຄວນເພິ່ມທະວີການແລກປ່ຽນການຄ້າ 2 ຝ່າຍໃຫ້ດີກ່ວາອີກ, ໃນນັ້ນ ໜຶ່ງໃນບັນດາຈຸດສຸມແມ່ນມຸ້ງໄປເຖິງການສ້າງເຂດເສລີ 2 ຝ່າຍຫວຽດນາມ - ສະຫະພັນລັດເຊຍ.