( vovworld ) – ງານພົບປະແລກປ່ຽນຊາວໜຸ່ມຫວຽດນາມ ແລະ ກຳປູເຈຍ ຄັ້ງທີ 5 ໄດ້ສິ້ນສຸດລົງໃນຕອນຄໍ່າວັນທີ 11/5 ຢູ່ນະຄອນທະເລ Preah Sihanouk ຂອງກຳປູເຈຍ. ດ້ວຍຫົວຂໍ້ວ່າ: “ ຊາວໜຸ່ມຫວຽດນາມ - ຊາວໜຸ່ມກຳປູເຈຍ ເພີ່ມທະວີຄວາມສາມັກຄີ, ມິດຕະພາບເພື່ອສັນຕິພາບ, ການຮ່ວມມື ແລະ ພັດທະນາ ” ບັນດາຜູ້ແທນຊາວໜຸ່ມສອງປະເທດໄດ້ແລກປ່ຽນຂໍ້ມູນຂ່າວ, ບົດຮຽນ ກ່ຽວກັບການເຄື່ອນໄຫວຊາວໜຸ່ມຢູ່ທ້ອງຖີ່ນຂອງຕົນ. ບັນດານັກທຸລະກິດໜຸ່ມສອງປະເທດໄດ້ປຶກສາຫາລືຫົວເລື່ອງ “ ຊອກຮູ້ຕະຫຼາດ, ຮ່ວມມືພ້ອມກັນພັດທະນາ ”. ບັນດາຜູ້ແທນຊາວໜຸ່ມຫວຽດນາມ ກໍມີການເຄື່ອນໄຫວຕ່າງໆທີ່ມີຄວາມໝາຍໃນປະເທດກຳປູເຈຍ. ນ້ອງ Tran Ngoc Tran,ນັກຮຽນມັດທະຍົມຕອນປ່າຍ Nguyen Trung Truc, ແຂວງກຽນຢາງ ໃຫ້ຮູ້ວ່າ.
“ ໃນເກັ່ນອາຍຸນັກຮຽນ, ພວກເຮົາຄວນມີຄວາມເຂົ້າໃຈຕື່ມກ່ຽວກັບນ້ຳໃຈມິດຕະພາບຂອງຫວຽດນາມ ແລະ ກຳປູເຈຍ, ຈາກນັ້ນພວກເຮົາຈະມີຈຸດປະສົງ ແລະ ທິດທາງ ເພື່ອຮັກສາສັນຕິພາບຂອງຫວຽດນາມ ແລະ ກຳປູເຈຍ ໃຫ້ໝັ້ນຄົງ ”.