ນັກສິລະປະຍີ່ປຸ່ນສະແດງເຕັ້ນຟ້ອນ Yosakoi (ພາບ: Minh Đức/TTXVN)
(vovworld) – ຕອນເຊົ້າວັນທີ 4/9, ສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງ ດັກລັກ ສົມທົບກັບສະຫະສະມາຄົມບັນດາອົງການຈັດຕັ້ງມິດຕະພາບ ແລະ ສະມາຄົມມິດຕະພາບ ຫວຽດນາມ - ຍີ່ປຸ່ນ ນະຄອນ ໂຮ່ຈີມິນ ຈັດຕັ້ງລາຍການ “ພົບປະແລກປ່ຽນວັດທະນະທຳ ຫວຽດນາມ - ຍີ່ປຸ່ນ”. ລາຍການຖືກຈັດຕັ້ງ ເນື່ອງໃນໂອກາດສະເຫຼີມສະຫຼອງ 42 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ (21/9). ທ່ານ ຫວໍເຕີ໋ນຕ່າຍ ຮອງປະທານສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງ ດັກລັກ ໃຫ້ຮູ້ວ່າ:
“ນີ້ແມ່ນເຫດການທີ່ມີຄວາມໝາຍ ແນໃສ່ເພີ່ມທະວີນ້ຳໃຈສາມັກຄີ, ມິດຕະພາບລະຫວ່າງປະຊາຊົນ ດັກລັກ ກັບບັນດາທ້ອງຖິ່ນຂອງ ຍີ່ປຸ່ນ. ເຫດການນີ້ກໍໂຄສະນາເຜີຍແຜ່ຮູບພາບປະເທດຊາດ, ຊາວ ຫວຽດນາມ, ພິເສດແມ່ນຄວາມສາມາດບົ່ມຊ້ອນດ້ານວັດທະນະທຳ, ທ່ອງທ່ຽວຂອງແຂວງ ດັກລັກ ກັບປະຊາຊົນ ຍີ່ປຸ່ນ ເພື່ອແນ່ໃສ່ເພີ່ມທະວີຄວາມເຂົ້າອົກເຂົ້າໃຈກ່ຽວກັບວັດທະນະທຳ ຫວຽດນາມ ກ່ວາອີກ, ວັດທະນະທຳທີ່ມີຫລາຍຮູບຫລາຍແບບ, ເຂັ້ມຄົ້ນໄປດ້ວຍສີສັນຂອງ ດັກລັກ, ໄຕງວຽນ, ເປັນປະຖົມປັດໃຈເພື່ອເພີ່ມທະວີການຮ່ວມມືພົບປະແລກປ່ຽນ ແລະ ລົງທຶນໃນຂົງເຂດນີ້ຂອງ ດັກລັກ ໃນໄລຍະຈະມາເຖິງ ກ່ວາອີກ”.
ເນື່ອງໃນໂອກາດນີ້, ສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງ ດັກລັກ ມອບທຶນສຶກສາ 15 ພຸດໃຫ້ສະມາຄົມນັກສຶກສາມະຫາວິທະຍາໄລ ໄຕງວຽນ ດ້ວຍຍອດມູນຄ່າ 15 ລ້ານດົ່ງ.